نوارة نجم تدافع عن الإخوان وتسخر من اتهامهم بالتسبب في قطع الكهرباء

[abomokhtar]

استنكرت الناشطة السياسية نوارة نجم، نجلة الشاعر الراحل أحمد فؤاد نجم، تكرار انقطاع التيار الكهربائي، منتقدة الأنباء التي يتداولها البعض بتورط الإخوان في قطع الكهرباء.
وقالت نوارة نجم، عبر تغريدة لها على موقع التواصل الاجتماعي "تويتر": إن "من المفروض نبني مصر بالعمل ولكن الكهربا مقطوعة.. طب إزاي؟"، مضيفة: "أنا كان ورايا حاجات كتير واليوم طار هباءً منثورًا؛ بسبب قطع الكهرباء، هما الظاهر فاكرين إننا مشينا الإخوان من كتر ما أحنا زهقانين من الكهربا اللي بيغدقوا بها علينا".
أما بشأن ما يتردد حول أن جماعة الإخوان هم السبب الرئيسي في انقطاع الكهرباء، قالت نوارة في تغريداتها المتتالية عبر "تويتر": "ناس بترد عليا تقولي الإخوان هما اللي بيقطعوا الكهرباء.. والله؟ طب حيث كده نرجع الإخوان عشان يرجعوا لنا الكهربا، ولما الإخوان قادرين وفاجرين كده وبيعرفوا يقطعوا الكهربا ماكانوش بيعرفوا يجيبوها لما كانوا في الحكم ليه؟".
وأضافت باستنكار: "أنا مش قادرة أصدق إن في ناس مخها قابل إنهم يضحكوا علينا بالطريقة دي.. إخوان ايه اللي بيقطعوا الكهربا؟، ولو الإخوان هما اللي بيقطعوا الكهربا يبقى مسؤولية الدولة بردوه".
وبطريقتها الساخرة تابعت: "بس بس، ولا الإخوان ولا السيسي، علاء عبد الفتاح هو اللي بيقطع النور، عامل إضراب عن الطعام وبيدعي علينا، قام ربنا استجاب، هو أنا عارفاه، طول عمره يحب يقطع النور على الناس".

http://akhbarmasryah.com/content/%D9...A8%D8%A7%D8%A1