ردا على موضوع العضو asdat (( يعنى ايه تامر حسنى ))

[mido125]

السلام عليكم ورحمة الله وبركاته
قبل اى حاجة علماء الدين قالوا ان الاغنية اللى مش بتثير العاطفة مش حرام
وحكاية البنات اللى بتصرخ لما بتسمع تامر حسنى ده مش ذنبه ومتلوموش هو لا لومهم هم
وبعدين تامر اول ماطلع كانت اغانية كلها جميلة ومازلت بس دخل فيها الطابع الشعبى شوية
حتى اغانية وافلامه بتقول الشباب بيعمل ايه يعنى فيلم عمر وسلمى كان بيقول الشباب فى الجامعات بيعملو ايه
وبالنسبة لموضوع (( السجن )) انا معاكو انه غلط بس خد عقابه وبعدين ده شاب واى حد بيغلط ولو ماكوناش بنغلط يبقى لزمتنا ايه ؟؟؟
مش معقول واحد غلط فى حياته هنعد بقى نعلقله المشنأة وكل شوية نعد نقوله انت غلط مادام اخد عقابه يبقى خلاص ده ملف وانقفل وهو بيقول انه اضحك عليه يبقى مالناش دعوة بقى هو احنا كنا شفنا ملف القضية

وبالنسبة لحديث سيدنا النبى محمد 00 صلى الله عليه وسلم 00 يحشر المرء مع من يحب
وهل مثلا اللى بيحب يسمع اغانى تامر ده بيحب تامر بس اكيد طبعا بيحب الرسول وبيحب ناس صالحة كتير
وشوفوا تامر دلوقتى فى الحفلات بتاعته سافر كام دولة عربيه والناس بتطلبه بزمتكم ده كده يبقى ربنا غضبان عليه ربنا لما يحب حد بيحب فيه خلقه
وعلى فكرة مش الشباب بس اللى بيحبوا تامر لا فى كبار كمان بيحبوه وبيحبو اغانيه

ملحوظة : الناس بقى اللى بتعد تترمى فى الارض لما تامر يطلع على المسرح دول اساسا (( مش عارف ))بس هو مالوش دعوة
ومادام سماع الاغانى مش بيعطل عبادة يعنى مثلا الواحد صلى الفروض والنوافل وقرا قرآن وكل حاجة ايه اللى فيها لو سمع اغنية الدنيا مش كده ربنا ماطلبش عبادة على طول ولا بقى يمنعو التليفزيون


ياجماعة والله انا لابحب تامر ولاغيره بس انا بتكلم عن واحد بصرف النظر عن انه مطرب