بشرى لإدارة قطور غربية

[ابوإسراء]

تم إضافة سنتين اعتباريتين لتعيين 1-3-2011 ليصبح تاريخ الحصول على الدرجة هو 1-3-2009 وطبعا لا توجد أية زيادات مالية وقد ذهبت اليوم الأحد 31-8-2014 إلى إدارة قطور التعليمية وعدلت تاريخ الحصول على الدرجة في بيان الحالة الذي طبعته من موقع الأكاديمية 1-من الملفات 2- ثم وقعته وختمته من شؤون العاملين 3-وبعد ذلك ذهبت به إلى الإحصاء في الإدارة القديمة عند الأستاذ أحمد وألف مبروك للجميع وعقبال بقية المدة إن شاء الله علشان نإخذ حقنا كما أخذه زملاؤنا في الأزهر

[suzankm2002]

لو سمحت ممكن اعرف عدلته اذاي من غير ورق يثبت الكلام ده

[as_helmy]

لو سمحت يااساذ ابو اسراء هو حضرتك كنت رافع قضية لضم هذه المده ام ان ذلك قرار وزارى وشكرا

[ابوإسراء]

المشاركة الأصلية كتبت بواسطة as_helmy

لو سمحت يااساذ ابو اسراء هو حضرتك كنت رافع قضية لضم هذه المده ام ان ذلك قرار وزارى وشكرا

انا ما رفعتش قضايا دا الموضوع قرار وزاري لكل المعينين في 1-3-2011

[ابوإسراء]

المشاركة الأصلية كتبت بواسطة suzankm2002

لو سمحت ممكن اعرف عدلته اذاي من غير ورق يثبت الكلام ده

مدير المدرسة هو من اتصل بي والموضوع رسمي لجميع المعلمين المعينين في 1-3-2011 ولو ذهبت للاداررة قسم الملفات ستجد اسمك بس يكون معاك بيان حالة مطبوع من موقع الاكاديمية علشان ده هوا اللي بيعدل لك فيه وبعدين تروح قسم شؤن العاملين يوقعوا لك وتختم الورقة وبعدين تروح قسم الاحصاء في الادارة القديمة علشان يدخل ويعدل لك صفحتك على موقع الاكاديمية والف مبروك

[teacher120]

احنا فى الازهر افضل ضمينا من تاريخ اول عقد يعنى انا ولله الحمد ضميت من تاريخ 10-2-2008
والى من 2005 ضموا المده وعدلت الاقدميه الى 1-10-2005

[ابوإسراء]

المشاركة الأصلية كتبت بواسطة teacher120

احنا فى الازهر افضل ضمينا من تاريخ اول عقد يعنى انا ولله الحمد ضميت من تاريخ 10-2-2008
والى من 2005 ضموا المده وعدلت الاقدميه الى 1-10-2005

الف مبروووووووووووووك وعقبالنا لما يضموا لنا بقية المدة احنا من 2005 والله بس ممكن نرفع قضية دلوقتي في بقية المدة وان شاء الله نبقى زي زملائنا في الازهر

[suzankm2002]

اسفه جدا للاطالة عليك ولكن لى سؤال هل معنى كلامك ان مع موظف الملفات قائمة باسماء المعينين 3/2011 وبالتالي بيغير على اساسها

[ابوإسراء]

المشاركة الأصلية كتبت بواسطة suzankm2002

اسفه جدا للاطالة عليك ولكن لى سؤال هل معنى كلامك ان مع موظف الملفات قائمة باسماء المعينين 3/2011 وبالتالي بيغير على اساسها

يا أستاذه سوزان إذا كنت تعيين 2011 فبالتأكيد هيبقى تعيينك 2009 وبالطبع كل الاسماء فى قسم الملفات بالادارة مع خالص تمنياتي للجميع بالتوفيق ان شاء الله

[مدرس2000]

السنتين اعتبارى ولا يترتب عليها اى اثار ماديه او اى ضم فعلى لمدة الخدمه بمعنى لو عاوز شهادة خبرة هتطلع من تاريخ 1-3-2011 مش 1-3-2009 زى ما انتم فاكرين يعنى دول ينتين اعتبارى فقط للدرجة ولو عاوز تضم الخدمه لازم ترفع قضيه علشان تاخد شهادة خبرة من اول التعاقد
يعنى من الاخر السنتين الاعتباريتين زى قلتهم بس السؤال هل صحيح هتفيد فى الترقيات ولا لأ الله اعلم

دا كلام التسويات فى ادارة قطور

[ابوإسراء]

المشاركة الأصلية كتبت بواسطة مدرس2000

السنتين اعتبارى ولا يترتب عليها اى اثار ماديه او اى ضم فعلى لمدة الخدمه بمعنى لو عاوز شهادة خبرة هتطلع من تاريخ 1-3-2011 مش 1-3-2009 زى ما انتم فاكرين يعنى دول ينتين اعتبارى فقط للدرجة ولو عاوز تضم الخدمه لازم ترفع قضيه علشان تاخد شهادة خبرة من اول التعاقد
يعنى من الاخر السنتين الاعتباريتين زى قلتهم بس السؤال هل صحيح هتفيد فى الترقيات ولا لأ الله اعلم

دا كلام التسويات فى ادارة قطور

يا أستاذ (مدرس 2000) أنا ماجبتش سيرة أية إفادة مادية أنا قلت سنتين اعتباريتين وهما هيفيدوا في الحصول على درجة معلم أول بدري سنتين يعني لو المعلم بيفضل على الدرجة بتاعته على قانون الكادر 8 سنوات معنى كده انه بدل ماكان هياخد معلم أول سنة 2019 هياخذها سنة 2017 وبخصوص شهادة الخبرة انا ماعنديش فكره والله هي تحسب من إمته وإن كنت انا من سنة 2005 اعمل بالعقد وممكن حضرتك تسأل فيها وترد علينا علشان نعرف وانا شايف ان الافادة في موضوع السنتين الاعتباريتين هي ان احنا بدل مانرفع قضية بضم المدة من 2005 الى 2011 هتبقى من 2005 الى 2009 وتقبل خالص تحياتي وشكر الله له مرورك الكريم

[مدرس2000]

السنتين الاعتباريتين لن تستطيع ان تأخد بهم شهادة خبرة
الكلام دا اللى الملفات بتقوله
وكمان التسويات بتقول مفيش اى علاوات او فروق ماديه او زيادة فى الاساسى
وقضيه ضم الخدمه لازم تكون من اول سنة تعاقد لحد 1-3-2011 علشان تاخد حقوقك كامله يعنى العلاوات وزيادة الاساسى والخبرة الفعليه وتاريخ الدرجة كمان
لكن السنتين الاعتباريتين مفيش علاوات مفيش زيادة على الاساسى مفيش سنين خبرة فعليه
بس فيه تغيير تاريخ الدرجة

[مدرس2000]

ترقيات الكادر المفروض مالهاش دعوة بالدرجة الماليه
الترقيات مرتبطة بالفترة البينيه بين سلم الكادر بمعنى 5 سنوات معلم كمان 5سنوات معلم اول كمان 5 سنوات معلم اول أ
انت على الدرجة الاولى اوالتانيه مش فارقه
الدرجات على ما اعتقد بتفرق فى بعض العلاوات زى العلاوة التشجيعيه

[أ/محمد على عاشور]

المشاركة الأصلية كتبت بواسطة مدرس2000

ترقيات الكادر المفروض مالهاش دعوة بالدرجة الماليه
الترقيات مرتبطة بالفترة البينيه بين سلم الكادر بمعنى 5 سنوات معلم كمان 5سنوات معلم اول كمان 5 سنوات معلم اول أ
انت على الدرجة الاولى اوالتانيه مش فارقه
الدرجات على ما اعتقد بتفرق فى بعض العلاوات زى العلاوة التشجيعيه

تمام فعلا كلام سليم

[teacher120]

ازاى الكلام دا غلط اولا ترقيات الكادر حلت محل الدرجه لان القانون ربط بينهما بمعنى معلم تعادل الثالثه معلم اول الثانيه معلم اولا تعادل الاولى وهكذا عند ترقيتك للدرجه الاعلى تتم ترقيتك الماليه للدرجه المساويه الجديده