|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
10-09-2014, 03:10 PM
|
|||
|
|||
موضوع هام جدا عن تعدد الدروس في المادة الواحدة
بسم الله الرحمن الرحيم
انا قولت لازم اكتب الموضوع ده عشان خلاصة لكل واحد بيسأل وقولت الحقكوا قبل ماتقعوا  اياكوا تاخدوا درسين ابدا في اي مادة والا عربي والا فيزيا والا كيميا والا اي حاجه والله اللي بيعمل كده هايندم جدا جدا بعدين  ليه لا ؟ الاجابة واضحة جدا : اولا : تضييع وقت بشكل رهيب في الفاضي (وخد بالك في الفاضي دي ) لانك لو بعدد الدروس ماتاخد تلت اربع خمس دروس في كل مادة !!!!! اهو تفهم بقي وتريح دماغك وماتذاكرش لو انت مش فاهم الدرس يبقي اكيد عيب من اتنين (المدرس او الطالب اللي هو انت يعني ) ماتجيش تقولي العيب في الدرس نفسه بصوا لو العيب من المدرس غيره لو العيب منك ذاكر وشد حيلك وماتفتكرش انك لما تاخد درسين هاتريح دماغك لو كنت ضايع قيراط هاتضيع قيراطين لانك مش هاتلاقي وقت اصلا تذاكر لما تضيع تلت ساعات كل اسبوع عشان تاخد درس ضافي في المادة لو ذاكرتهم هاتحصل اكتر من الدرس التاني اضعاف والله ماكنت هاتحصل لو حضرت الدرس ثانيا : في المواد اللي عايزة فهم شديد (فيزيا مثلا ) هاتعمل معاك حاجه كده اسمها conflict يعني هاتحس ان الكلام متناقض او ان مدرس بيقول حاجه والمدرس التاني بيقول حاجه تانية وبعدين تبتدي تتلخبط هاتمشي علي طريقة مين والكلام ده (نفس النظام لو جيبت كتابين شرح في نفس المادة) اما المواد اللي عايزة حفظ انت ممكن ماتاخدش فيها درس اصلا مش تقولي اخد درسين عشان احفظ زي (الفرنساوي كده ) ثالثا : تضييع فلوس من ناحية اخري الفلوس مش عشان انت مش تعبان فيها يبقي عادي دي نقطة تاني نقطة انت ممكن تاخد الفلوس دي تظبط بيها دماغك وتذاكر الوقت بتاع الدرس يعني مثلا الحصة ب 30 جنية (مثلا ) خد انت من ابوك عشرين جنية وروح هاتلك بيبسي شيكولاتة اي حاجه واقعد الساعتين دول (اللي هما بتوع الدرس ) علي رواقة كده وذاكر فيهم يبقي متعت نفسك من الناحيتين رابعا : هاتكره المادة ايوا هاتكرهها لانك هاتحس انها بقيت تقيلة عليك عندك حصتين فيها في الاسبوع وكمان لسه عايز تذاكرها وكل مرة هاتيجي تفتحها هاتحتار تفتح الكتاب الخارجي والا مذكرة الاولاني والا مذكرة المدرس التاني وتبتدي تبص هنا حبة وهنا حبة وهنا حبة لحد ماتتخنق وتقفلها وماتذاكرهاش اصلا (كلام حقيقي  ) النهاية بقي في الموضوع ايه عشان الناس بتححج ان فيه مدرس حلو شرح ومدرس حلو حل وواحد بيشرح ومايحلش وواحد يحل ومايشرحش فانا هاخد عند الاتنين وابقي كده حليت وفهمت  لا ياراجل ؟ مشكلتك انك مشيت ورا كلام صحابك والدعاية واختارت مدرس مشهور وطلع مش حلو بس مش قادر تسيبه عشان صحابك مايتريقوش عليك وفي نفس الوقت عشان مشهور وحاسس ان العيب فيك علي فكرة جرب مدرسين وتلاتة واربعة واختار واحد في الاخر طب هاتختار علي اساس ايه ؟ اولا: انه يتقي ربنا فيكوا ومايبقاش همه الفلوس وخلاص ثانيا: بيحل كتير وبيشرح برضه ثالثا: يبقي معاك في اي حاجه واقفة قدامك ومايزهقش منك (ده اللي هاينفعك مش اللي بيشرح حلو وخلاص ويرميك في البحر بعدين ) رابعا: مايكونش بيضيع وقت كتير في الحصة في الفاضي وفي بطولاته (كله بيضيع وقت بس فيه اللي بيضيعه في نصائح وكلام مفيد حتي لو برا المنهج وفيه اللي بيقعد يهري علي الفاضي من باب تضييع وقت عشان يبقي اسمك خدت الساعتين بتوعك وخلاص) اتمني انكوا تكونوا فهمتوا انا قصدي ايه وعايز اوصلكوا ايه ويارب تكونوا استفدتوا وبجد بجد فكرة وحشة جدا جدا انك تاخد اكتر من درس في اي مادة واللي بياخد درسين ده اتفرج عليه بعد شهرين تلاتة كده هاتلاقيه بيعيط ويقول مفيش وقت اذاكر
__________________
فيسبوكي :D 
|
|
#2
10-09-2014, 05:19 PM
|
||||
|
||||
عندك حق فى كل كلمة
انا مش عارفة اللى بيخده درسين بيفكره ازى فى كدة انا باخد درس واحد من كل مادة و تعبببببببببت 
|
|
#3
10-09-2014, 05:44 PM
|
|||
|
|||
|
اقتباس:
وتلت دروس لحد شهر 12 واربع دروس لحد شهر 4 وخمسة لحد المراجعات يعني فيه تلت مواد ماكنتش باخد فيهم درس لحد شهر 12 عادي يعني اهم حاجه انك تنفذ اللي ذكرته في مواضيعي 
__________________
فيسبوكي :D
|
|
#4
10-09-2014, 06:26 PM
|
|||
|
|||
|
كلام معقول جدااا
بس انا عندي 2 مدرسين في الانجليزي الاول شرحه جرامر ممتاز بس نادرا لو قالنا علي كلمات جديد يعني من الاخر معروف عنه انه مش قد كدا في الكلمات والتراجم والحاجات دي التاني zero جرامر بس شاطر جدا في التراكيب اللغويه وبيدينا كلمات حلوه والكلمات اللي بتلخبط و بيظبطنا تراجم و كدا ومعروف طوووووووول السنين ان مفيش واحد من الاتنين بينفع من غير التاني اعمل ايه انا بقي ؟؟؟!!!!!
__________________
مليش غيـــر ربــي ~
|
|
#5
10-09-2014, 07:39 PM
|
|||
|
|||
|
اقتباس:
بالنسبة للتاني ذاكريهم انتي لوحدك مش لسه قايل ماحدش يتحجج ؟ الكلمات والتراجم سهلة تتذاكر لوحدها ومن غير مدرس كمان اعملي زي ماقولت في موضوع الانجليزي ازاي تذاكريهم وطبعا المهم في المدرس الجرامر مش التراكيب اللغوية وببساطة جدا حاولي تدوري علي واحد تالت
__________________
فيسبوكي :D
|
|
#7
10-09-2014, 08:02 PM
|
|||
|
|||
|
اقتباس:
حاسه انها هتبقي مجازفه خصوصا ان كل زمايل وكل اللي كانو في الدفع اللي قبلي وحتي اللي اصغر مني بياخدو عنده والسادس علي الجمهوريه السنه اللي فاتت بردو اخد عنده لانه اخر السنه بجد بيظبط معانا الدنيا ويساعدنا كتير ومش فكره ان اصحابي بياخدو عنده فلازم اروح لا خالص انا اصحابي بياخدورا دروس كتير انا مش بروحها بس دا بالذات حاسه ان مينفعش اسيبه مش عارفه ليه
__________________
مليش غيـــر ربــي ~
|
|
#8
10-09-2014, 11:25 PM
|
|||
|
|||
|
اقتباس:
اقولك علي حاجه حلوة ؟ ادامك انتي مابتسيبيش نفسك وبتحلي دايما ومتابعة مستواكي وعارفة انتي فين وايه اللي واقف قدامك ومابتسكتيش خدي مع اي حد
__________________
فيسبوكي :D
|
|
#9
10-09-2014, 11:26 PM
|
|||
|
|||
|
اقتباس:
وانا فعلا ماكنتش بطيق الدرس الواحد (الا لو حابب المدرس والحصة )
__________________
فيسبوكي :D
|
|
#10
11-09-2014, 05:08 AM
|
|||
|
|||
|
اقتباس:
__________________
مليش غيـــر ربــي ~
|
|
#11
11-09-2014, 06:47 AM
|
||||
|
||||
|
اقتباس:
انا عندى نفس المشكلة مدرس بيعرف يشرح جرامر بس مالوش فى التراجم وحتى طبعلنا مذكرة مهارات وماداناش فيها واجب الا هى مره واحده والتانى حلو فى الجرامر وكويس جدا فى التراجم واللغويات وانا كنت رحتله خلاص بس رجع زمايلى قالولى انه المستر الاولانى ظبط معاهم فرجعتله وبقيت بروح للاتنين خصوصا ان الولانى بتاع الجرامر ده كان بياخد عنده كل السنين اللى فاتت بس فيه ناس قالولى انهم فى الاخر لقوا نفسهم ضايعين فى الكلمات والتراجم والبراجراف وكدا اللى اصلا نص الامتحان واكتر فاراحوا عند الاتنين فى اخر كام شهر الصراحه انا شايف انى اتحسنت شوية فى التراجم احسن من الاول
__________________
إن الفقيه هو الفقيه بفعله ..... ليس الفقيه بنطقه ومقاله
وكذا الرئيس هو الرئيس بخلقه ..... ليس الرئيس بقومه ورجاله وكذا الغني هو الغني بحاله ..... ليس الغني بملكه وبماله Myfacebook
|
|
#12
11-09-2014, 12:55 PM
|
|||
|
|||
|
اقتباس:
والله المدرس لو شاطر جدا واعتمدتوا عليه مش هاتجيبوا 80% ولو المدرس علي قده واعتمدتوا علي ربنا ثم علي نفسكوا ثم علي المدرس هاتجيبوا 100% العيب فيكوا مش في المدرس
__________________
فيسبوكي :D
|
|
#13
11-09-2014, 01:41 PM
|
|||
|
|||
|
اقتباس:
|
|
#14
12-09-2014, 06:46 AM
|
||||
|
||||
|
اقتباس:
انا موت من الضحك على الحتة بتاع العيب فيكوا بتفكرنى بفيلم الليمبى 8 جيجا ساعة ماقله امال العيب فيك انت
__________________
إن الفقيه هو الفقيه بفعله ..... ليس الفقيه بنطقه ومقاله
وكذا الرئيس هو الرئيس بخلقه ..... ليس الرئيس بقومه ورجاله وكذا الغني هو الغني بحاله ..... ليس الغني بملكه وبماله Myfacebook
|
|
#15
23-01-2015, 01:28 AM
|
|||
|
|||
|
عندك حق فى بعض الكلام
يعنى ان شاء الله هاخد عربى عند مدرسين يعنى مدرس مشهور ومدرس تانى بشرح النحو بس بس على حكايه الاختلاف وتناقض للى بيكون فى شرح المدرسين ده عمره مابيحصل اذا انت فهمت بالعكس معلومات عى الجزء ده بتكتر اوى والمعلومه بتثبت اكتر هلى فكره الدروس بتنظم الوقت. لانى جربت اذاكر من غير اخد دروس ليقت العمليه ضاعت خلص والحمد لله هعدى الترم ده ان شاء الله هرجعى تانى احسن من الاول  )
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:07 AM.
