إنتا مصري ؟!!

أبو العلاء · #1 09-02-2015, 05:02 PM

إنتا مصري؟
أيوه مصري !!
طظ فيك !!!
راح نطلّع عين أبوك
راح نطفّي نور عنيك
أصل إنتا نور عنينا
لو معاك بسبور ياعمي
وواخد جـنـسية تانية
تبقى حر ونكرموك
أو تكون (ضارط ) ف شرطة
أو تكون (ضارط) ف army
يبقى هاتعيش م الملوك
أما لو مش أي واحد م اللي فاتوا
يبقى ما تفكرش إنك تبقى زيه تعيش حياته
إنتا صعلوك متساويش
إنتا تركع لسيادته
وكمان تلحس بيادته
لاجل ما تقدر تعيش
لو جريح ف سرير بتصرخ م اللي شفته
يبقى ليه تزعج فخامته ؟!!
مش كتير انه يفضّي رصاصُه فيك
مَنْتا أصلك مستفِز
لما يرضى الباشا عنك
راح تعيش في خير وعز
وانتا عامل فيها واحد م الديوك
يبقى ديك مليون أبوك
لما تتجاوز حدودك
ويّا سيدك
يبقى طظ
يقـتلك وكلابه تنهش لحم جسمك
يسلخوك
يبقى أحسن يابني ليك
تشتريله بيادة شيك
بعد ما تلحسها طبعا
تديهاله ف ذكرى موتك
تبقى دي عربون سكوتك
لما ييجي يدوس عليك