طلبة الازهر رايحين على فين؟؟؟

[stand]

زمان طلبة الازهر كانوا محترمين يعلوهم الوقار والادب وتاثير القران الكريم واضح عليهم بالسماحة والخلق القويم اما الان طالب الازهر شكله زي سواقين التكاتك ملابس غريبة واخلاق اغرب وطريقة الكلام مثل البلطجية والمتشردين ولا حافظين قران ولا حديث ولا عارفين يكتبوا اسمهم حتى على تكت الاجابة والعيل منهم يدخل اللجنة زي الشحط يقولك عايزين نغش يا استاااااذ هنسقط يا استاااااااذ ومخه انضف من الصيني بعد غسيله هو فيه ايه يا جماعة؟؟؟ فين الادب والنضافة والاخلاق الحميدة؟ فين الدين وفين الاسلام لما طالب ازهري يسب دين الاسلام جوه معهد العلم ولا يشيل مطواة او يقل ادبه على شيخه ومدرسه؟

هو ده التعليم الاسلامي في مصر؟ غش وبلطجة وجهل وغباوة؟ وبرضه انا مش بعمم عشان محدش يفهمني غلط في طلبة كويسة لكن القاعدة ان البضاعة فاسدة ولا في تعليم ولا في تربية ولا احترام لاي حد في الازهر والدليل الواقع اللي عايشينه وحاسينه في الدراسة والامتحانات جوة وبرة المعهد حتى اولياء الامور بقوا في نفس مستوى جهل وقلة ادب ابناءهم .. فين شيخ الازهر وفين وكيل الازهر واهل الازهر من التردي الشامل في شخصية طالب الازهر اللي انهاردة بيضرب استاذه بالشلوط في اللجنة عشان منعه من الغش؟ ولا مش فاضيين غير للجزاءات واذلال المعلمين في كل مكان؟؟ حسبنا الله ونعم الوكيل