مستقبلى بضيع ارجو المسعادة ضرورى

[Fares Mohamed]

ياجماعة بجد انا محتار اوى اوى انا طالب جامعة اتخرجت من ثاوية عامة 2014 جبت مجموع75%جاتلى فى التنسيق كلية تجارة عين شمس انتساب وكان نفسى فى هندسة فدخلت هندسة المستقبل جامعة خاصة هى ودفعت الفلوس وقعدت فيها شهر وفجاة معرفش ايه الحصل فى دماغى قررت ان اسبها مش عارف ليه غير انى حسيت بالذنب فى الفلوس الدفعت فى الكلية المهم كنت قارى وانا بمضﻻ على مستندات الكلية ان اخر معاد للتحويل من الكلية ويتم خصم 2000كانت نسبة بس مش فاكر كام هى مرور شهر على الدفع فكان ناقص يومين الصراحة كنت جبت الادوات خلاص وكل حاجة لكن جيت قلت لابويا ان عاوز احول من الكلية علشان الانجليزى بتاعها صعب اوى بالرغم انى كنت جايب لفل 3يعنى كان نقصل لفل واعدى من الانجليزى مقلتلوش بقى ان المشكلة فى المصاريف او كده علشان لو قلتله كده مش هيوافق انى احول المهم حولت واول مرجعت البيت ابويا اتخانق معايا ان حولت وفضل مخصمنى بتاع شهر وان الصراحة مقدرش على زعل ابويا ابدا لان ابويا غالى عليا ودخلت تجارة الجاتلى فى التنسيق كاره الكلية الصراحة من اول يوم لصاحبت حد ولا عرفت حد خالص فيها ورايح زى مجيت ولا فاهم فيها حاجة خالص وقت الامتحانات مذاكرتش حاجة ونجحت وجبت تقدير بالغش ونفس الكلام الترم التانى والله ياجماعة انا مريت باسوأ سنة فى حياتى نفسى حد يساعدنى مش لاقى والله خالص كان حلمى والله ان اخفف على ابويا بس ملقتش كلية تقبلنى غيرها بسبب مجموعى الصغير لفيت جماعات كتير وبعدين قلت بعد محولت كنت ممكن اجيب تقدير واحول لجامعة تانية ارخص او يعملولى خصم بس بعدت محولت اتسرعت اه بس مش عارف اعمل ابه دلوقتى مستقبلى هيضيع ياجماعة نفسى حد يساعدنى وينصحنى ومعلش انى طولت عليكم