نصيحة منقولة

[رفيقة الامل]

بص نصيبك هتاخد حتي لو عدت السنة الف مرة فشيل الفكرة دي من دماغك ده اولا .. ثانيا علمي علوم سهلة انت بس ركز واستهدي بالله وهتلحق تعمل كل حاجة ان شاء الله ... النصايح بقي ؛- الاحياء تتزاكر كل يوم الصبح تقراها مجرد قراية خاصة الفصل المعفن بتاع التكاثر ع اسئلته كتير ..زاكر كتييير وحش احسن ما تزاكر مرة واحدة حلو . الفيزياء.. تجيب كتاب الامتحان والمثالي والوسام والامتياز والدليل مع كتاب المدرسة وورق الدرس وكل ده يخلص تقعد عليه ما تقومش الا اما يخلص حل ع قد ما تقدر المسائل متكررة والتعريفات محتاجة تكرار ... العربي اهم حاجة النحو حل كل يوم قطعة نحو وقطعة بلاغة وانت هتضمن العربي باذن الله .. الانجليزي حل كل يوم ترجمات كتير وهات كتاب surprise وكمان the best بس الراجعة النهائية لما تنزل لان الكتاب الاساسي لتات طبعا ده زائد ملزمة الدرس ... الجيولوجيا .بلاش احسن دي مش مزاكرة دي تقضية وقت فراغ .. طبعا قصة طه حسين دي قبل النوم او وانت نايم اصلا اه فاضل اللغة التانية دي اعمل زي ما الاستاذ بيقولك دي مادة تقفيل ... الكيمياء دي كل يوم تكتب المعادلات مش هايخدوا منك نصاية كده بقت الكيميا ف جيبك .... اخيرا وليس اخرا :- 1-تقفل الفيس 2-تستعين بالله 3- كل يوم تقرا درس الاحياء وتكتب معادلات الكيميا وتحل قطعة نحو وبلاغة وتحل ترجمة انجليزي ...دي الثوابت بالاضافة للمادة اللي عليك فيها حاجات متراكمة ..... 4- تنام 4 ساعات بس وليك كمان ساعتين ف اليوم كله اكل ونوم وشرب وهزار اكتر من كده ما تحلمش.. 5- متفكرش ف الكلية ومتشغلش نفسك بيها اعمل اللي عليك وبس 6- لو ليك اي حد شاغل دماغك يا ريت تنتبه لمستقبلك النصيحة الذهبية :- الثانوية العامة هي عنق الزجاجة بس احب اقولك انك هتدخل جوة الازازة مش هتطلع منها زي ما انت مفكر واهلا بيك مع بقيت الشعب المطحون جوه ... تفاءل .. اقفل الفيس اقفل الفيس