أستفسار هام عن توزيع أسئلة الأدب في إمتحان اللغة العربية 2

[إنتحار طالب ثانوي]

السلام عليكم ورحمة الله وبركاته

يا جماعه دلوقتي أنا شوفت أمتحانات عربي تالته لاقيت حاجه غريبة

فيه سؤال أدب منفصل مكون من (أ) و (ب) واحد أدب شعر و التاني أدب نثر

بعد كده حاطين سؤال أدب نثر في البلاغة

وحاطين سؤال أدب شعر في نصوص الشعر الإختيارية

ومش بعيد كمان يحطوا سؤال أدب نثر في سؤال النص النثر الإجباري

فأنا بقى بعد كل القصه اللي أنا حكيتها ديه عايز أعرف حاجه

هل من مواصفات الورقة الإمتحانيه أنه يجيب سؤال أدب نثر جوه سؤال البلاغة و سؤال أدب شعر جوه سؤال نصوص الشعر ؟ والكلام ده بيجي كل سنه ؟ ولا على حسب مزاج اللي بيحط الإمتحان

عشان بالطريقة ديه درجة الأدب أكثر من 4 من 60 !!!!!!!! وبكده الأدب بيكون درجاته أعلى من القراءة و أعلى من القصة !!!

يا ريت تفيدوني عشان أنا بجد محتار و مش فاهم أيه نظام أمتحان العربي بتاع ثالثة ثانوي

وشكراً جزيلاً لكم

[aquavia]

أولا الامتحان بتجيلك نتيجته فى الآخر من 30

يبقى القصة عليها 3 درجات و القراءة 3 درجات
و الأدب درجتين درجة (أ) و درجة (ب)

و مفيش سؤال أدب ييجى فى البلاغة
أسئلة البلاغة كل إجابتها من عند الطالب و ملهاش منهج و راجع أسئلة البلاغة آخر 3 سنين منذ تعديل المنهج

و فى النص الإجبارى و الاختيارى أسئلته بتيجى من التعليق و احتمال بسيط ممكن تستعين بنقاط من منهج الأدب (لكن ذاكر التعليق أحسن)

يبقى الأدب عليه درجتين درجة على 6 مدارس و درجة على 4 فنون شعرية

[إنتحار طالب ثانوي]

أنا شوفت الإمتحانات بتاعة 2006 و 2007 و 2008 و فعلاً مش جايبين سؤال عن أدب النثر جوه سؤال البلاغة
بس في إمتحانات 2005 و 2004 واللي قبلها جايبين سؤال أدب نثر في البلاغة
فهل بقى نظام إمتحان العربي إتغير من أول 2006 ؟؟ ولا ممكن يجبلينا السنه ديه في إمتحان 2009 سؤال أدب نثر في البلاغة؟؟