رومانســــــــيّة

[الدجنوشة]

على شط النيل ماشية الجواميس بتقول ياجميل أنا عايزة عريـــس

يطلـــــع فييس ويحل الكيــــس نتغدى حشيش ونحلى دريس



هاتغذى حشيش واتعشى حشيش واقفل على نفسي الباب والشيـش

لو غيط فــدان لأ ما يكفّيـــش فدان ده يادوب أول سـرفيس




والبقرة تقول أنا عايزة التور مايكونش مهندس ولا دكتور

ويجر الساقية فـــور باى فــور ويجيب بيتي فور اربع وخميس



والمعزة تقول انا طالبة خروف مالهوش اخوات ولاعنده ظروف

كسيب وامسكله انا المصروف ويكون حيوان جنتل وحسيـــس




والفرخة اشترطت آل عالديك انها ماتحبــش أي شــــــــريك

وقالتله اتحضّر خليك شيـــك ودّينى ارقد ع البيض فى باريـس