المجمل العام

[مادوكا]

مفيش حاجة بتتؤول بالمعني مفيش حاجة اسمها فيما معناها كذا
لو مكنتش هتوصل المعلومة صح متوصلهاش افضل
في كوارث بتحصل ورا جملة "انا سمعت او قرات كذا بس مش فاكراه بوضوح لكن في معناه كذا وكذا "
جملة مصيبة بصراحة وبتسبب عليها اخطاء كتير
خصوصا في "الحديث والسنة" ودي بتعمل مصايب لوحدها
اولا انت مش خبير ولا متمكن عشان تؤول الحاجة فيما معناها
ثانيا فهمك للكلام المكتوب او الملقي عليك ممكن يكون غلط
ثالثا ممكن المقصود من الكلام ومعناه غير اللي اللي انت بتقوله او فهمته
فمتؤلش بالمعني العام اتكلم ع انك اللي فهمته كذا مش ان المعني المطلق كذا
وبالتالي لو اتكلمت علي ان الكلام "معني مطلق" بتتسبب في فهم غلط واخطاء كتير بتتسبب في نتايج بشعة وفكر مشوش
فوقت ماتبقي عايز توصل حاجة معينة ومش فاكرها متقولش فيما معناها كذا وكذا
الا لما تكون وصلت للمغزي والمعني الحقيقي ليها
ممكن توصلها ع ان اللي فهمته من اللي قراته كذا وكذا مش ع ان معناها كذا وكذا
اوحتي لو فاكر الكلام المقصود اللي انت عايز تقوله وقت ماتعبر عنه متعبرش بالمعني او المجمل العام الا لما تكون متاكد ومتمكن انك تقدر توصل المعني الحقيقي
غير كدة والافضل يعني انك تعبر باللي انت فهمته منه لان وقت لما تعبر عن فهمك ليه فاانت كدة بتتكلم في راي شخصي بيختلف من شخص لاخر
مش بتكلم في نهج عام او معني مطلق بيتاخد عن لسانك فاكيد هتفرق كتير
يعني نحاول نركز اكتر عشان منكونش سبب في اننا نوصل صورة غلط
خصوصا لما كلامنا يكون متعلق بالدين او العقيدة