هل المراقب صح ولا غلط

[حازم امام الموهوبين]

السلام عليكم ورحمة الله وبركاته
اختى فى ثانويه عامه امتحنت الانجليزى النهاردة وجاوبت اول سؤال فى الصفحه الاولى مش اللى فى التيكت لا اللى بعدها وهى متعوده تجاوب فيها زى ماالكل بيجاوب فيها وزى ماقالوا فى التعليميه ان سؤال المواقف فى الورقه الاولى المهم المراقب قالها دا ممنوع واخد قلمها الازرق وشطب على اجابتها وقالها تكتبه تانى فى اخر الورقه طبعا هى كتبته بس اتوترت خالص وبقت مش مركزه اوى فى حل بالقى الاسئله لانه مضاها كمان على ورقه زى المحضر انها كتبت فى الصفحه الاولى ودلوقتى هى زعلانه وبتبكى على اللى عمله المراقب لو كان غلط حسبى الله ونعم الوكيل فيه

[rezkmosa]

لو في ظهر التكيت طبعا خطأ لكن لو المقابلة للتكت عادي الحل فيها و ليس هناك مايمنع

[حازم امام الموهوبين]

لا مش فى ظهر التيكت طبعا فى الورقة اللى بعدها

[maisoon2015]

'طمنها المحضر ده عادى وورقتها هتتصحح عادى مع لورق ده علشان لو جت تعمل اعاده تصحيح نتقولش الكنترول هوالى شطب على السؤال

[maisoon2015]

اتبات ان هى الى لغت السؤال باديها اما نفسيا المراقب كان المفروض بالراحه يفمنها

[rezkmosa]

اللي عملته الملاحظ دا خطأ منه

[مستر تامر]

لها الحق ان تكتب في الصفحة الاولى دون محضر ولا شطب ولاحاجة . والا كانو كتبوا فيها " ممنوع الاجابة في هذه الورقة" كما في ظهر التكت . واقول لكل المراقبين: رفقا بالطلبة لو سمحتوا لانهم متوترين اساسا فيجب عليكم التهدئة لا زيادة التوتر. وأقول للطلبة : حاول ان تكون هادي على قدر الامكان لان الهدوء يؤدي للتركيز وحاول فصل كل المؤثرات الخارجية ( صوت اسعاف - صوت شرطة - مراقب بيزعق - طالب اتوتر وعيط ولا ساب الورقة وطلع - حد تعمله محضر - ناس طلعت بعد نص الوقت .....)عن ذهنك على قدر المستطاع . دايما بقول للطلبة بتوعي " من لحظة ما تستلم الورقة اعتبر نفسك في اوضتك ويتزاكر عشان تهدا " وربنا يوفق الجميع

[Nasr Fouad]

متخلف طبعا لان الممنوع الكتابه فيها هي الصفحة اللي في ظهر الغلاف و على فكرة هي مش مسطرة و مكتوب ممنوع الكتابة هنا
طالما كاتبة ف الصفحة الاولى من الكراسة (الورق المسطر) المفروض ما كنش عمل كده

و لكن عموما طمنها ان دا اجراء روتيني و في الكنترول هيدخلوا الكراسة مع باقي الكراسات و تتصحح عادي في تسلسلها و ما تقلقش