تليفون نص الليل

[ahea]

آلو.. مين معايا؟
- أيوه إحنا العلاقات العامة وبنختار نمر عشوائية.. ألف مبروك عليك.
- مبروك علي إيه؟!
- أنت كنت مقدم علي الحج؟
- أيوه.
- مبروك الكمبيوتر اختارك.
- علشان الحج؟
- لا، علشان تتعشي مع المأمور.
- بس أنا اتعشيت خلاص.
- بأنصحك بلاش تقاوم السلطات.. نص ساعة وتكون عندنا.
- مش ممكن علشان مراتي بتولد.. يتعشي المأمور النهاردة لوحده وأسيب بطاقتي أو حد يضمني وآجي الصبح أفطر معاه.
- يظهر أنت ح تتعبنا.. أبعت لك عربيتين أمن مركزي يجيبوك.
- لا خلاص أنا جاي.. تحب أجيب معايا البطاقة؟
- أيوه.
- وشهادة التجنيد؟
- أيوه.
- ورخصة القيادة؟
- أيوه
- وأجيب إيه تاني؟
- أقولك.. إسكلوب وكبد وز وسيمون فيميه ومكرونة وسلطات وموز وعصير وعيش سخن.
- نعم يا أخويا... لأ بقي أبعت لي الأمن المركزي