هل سفارة عمان نزلت اعلان طلب معلمين لهذا العام

[doda_bakar]

هل سفارة عمان نزلت اعلان طلب معلمين لهذا العام؟

[منار على]

هتنزل ان شاء الله انتظرى شويه

[عبدالرحمن سيد اللورد]

اعارات فقط هذا العام

[منار على]

المشاركة الأصلية كتبت بواسطة عبدالرحمن سيد اللورد

اعارات فقط هذا العام

مفيش أى تأكيد على الكلام دا اطلاقا لحد الوقتى

[منار على]

الناس سألوا فى التربية من داخل عمان محدش قالهم غير انتظروا لان مش هيبان الا بعد الاعارات لان هناك مشاكل تفنيشات وتنقلات وعومنة وتقشف مالى لنزول سعر البترول كمان مفيش أى موقع عمانى اطلاقا قال انهم مش هينزلوا مسابقه بشكل قاطع غير كده مكاتب السفريات ابتدت تنزل عقود حكومى للسلطنة واللى اعرفه ان فيه مكاتب نصابة وفيه فعلا بياخدوا جزء من عقود التعاقد ومعنى انهم نزلوا اعلان يبقى عرفوا ان فيه مسابقه غالبا هتنزل قريب كمان هما ردود أفعالهم بطيئة شوية ممكن بيسفروا ناس لحد شهر 12 انا عن نفسى استلمت شغلى بعد شهر ونص من بدايه الدراسة عندهم

[منار على]

[[COLOR="DarkSlateGray"]COLOR="Purple"]ودا نموذج من الاعلانات اللى نزلها واحد من مكاتب السفريات
مطلوب على وجه السرعه مدرسات لمدارس حكوميه فى سلطنة عمان .
*مدرسات دراسات اجتماعيه
*تربيه موسيقيه
*لغه عربيه
*علوم
*رياضيات
*تربيه دينيه
الراتب ٤٥٠ريال والمقابله فى القنصليه .
بس الغريبه بقى انى لما بلغت حد مصرى ليه علاقات مع بتوع التربية فى عمان ونشرت الاعلان على الصفحات العمانية الاعلان اختفى من على موقع الشركة وعلى فكره لما انا كنت بمتحن سابقا اكتشفت مجموعه حاجات بس معليهاش اى تأكيدات لان فيه 3 اعرفهم دفعوا 20 و25 الف جنيه تبع شركات سفريات وسافروا معايا وعرفت من واحده قريبه منهم أن كان معاهم الامتحان ولما جينا ناخد اجازه كان فيه مشكله فى التوثيق والتلاته حلوها ببساطه وخدوا اجازات عادى وانا كنت معاهم من نفس المحافظة كل شىء كان متعقد جدا بسبب عدم التوثيق وطبعا كعاده المصريين اتنين منهم قفلوا الموبايل وواحده فيهم قالتلى فيما معناه انى امشى امورى وان ممكن مكتب يوثقلى العقد وياخد مبلغ وبعد كده هى كمان بطلت ترد ومن كام يوم قريت على موقع من المواقع انهم مكتمين اوى ومش ناشرين اسماء الاعارات وان فيه ناس مش اعارات اصلا ممكن تكون بتدخل فى النص من الاخر يعنى لو فعلا الشركات ليها جزء من العقود زى ماسمعت قبل كده يبقى معنى نزول اعلان حاجه من تلاته اما الشركه نصابة واما فعلا هينزل مسابقه قريب واما أن جزء العقود داخل مع الاعارات زى مالخبر اللى نشرته البنت على احدى المواقع قال بس انا عن نفسى واحده مكنتش دفعت حاجه وامتحنت عادى جدا واتقبلت وكانت مشكلتى توثيق العقد واللى وثقته باعجوبة الصراحه بس كنت ملاحظه اننا كوكتيل يعنى فيه دافعين فلوس فعلا ونسبة ملحوظه وفيه نجحوا عادى واتقبلوا زيى من غير فلوس عشان كده انا مصدقه ان فيه بعض الشركات دى متكونش نصابه وانها فعلا واخده جزء من العقود بس ازاى بقى معرفش

[منار على]

وعلى فكره كله هيبان لو كانت الشركات خدت جزء من التعاقدات لما الاعلان ينزل معناه ان هيطلب التخصصات اللى ذكرها الاعلان يعنى تاريخ وجغرافيه ومجال اول وتانى ورياضيات وتربية موسيقية انما لو كان كلام البنت اللى قالته صحيح وانهم داخلين مع الاعارات يبقى مفيش مسابقه هتنزل او الشركة نصابة بقى والله اعلم ايه اللى بيحصل بالظبط

[eight]

علما بان استمارة التقديم على موقع وزارة التربية العمانية كان مكتوب عليها بالنص (للاعارات والتعاقدات الخارجة) فهل ده معناه انهم هيخلصوا مقابلات الاعارات الاول وبعدها يتصلوا بالتعاقدات من اجل الاختبار والمقابلة؟ ولا الموضوع كله داخل في نطاق الصدف واللا تخطيط؟

[منار على]

[QUOTE=eight;6471570]علما بان استمارة التقديم على موقع وزارة التربية العمانية كان مكتوب عليها بالنص (للاعارات والتعاقدات الخارجة) فهل ده معناه انهم هيخلصوا مقابلات الاعارات الاول وبعدها يتصلوا بالتعاقدات من اجل الاختبار والمقابلة؟ ولا الموضوع كله داخل في نطاق الصدف واللا تخطيط؟[/QU

الصراحه هما فعلا معندهمش تخطيط بس اللى فهمته ان محدش يقدم الا الاعارات وبس حاليا والتعاقدات لما المسابقه تنزل بس واضح من خلال الحوارات ان فيه ناس داخله فى النص واللى اعرفه ان فيه ناس كانت بتروح كده منها لنفسها

[أحمد التمساح]

لا يوجد تعاقدات اللجنة ستغادر مصر يوم 6\8

[منار على]

[quote=أحمد التمساح;6472919]لا يوجد تعاقدات اللجنة ستغادر مصر يوم 6\8[/quo

عادى مش شرط اللجنا بتسافر وغيرهم بيجوا لو نزلوا مسابقه بس هما فعلا اتاخروا عن كل سنه كتير وشكلها فعلا مفيش بس الله اعلم

[عبدالرحمن سيد اللورد]

للمره الثانيه أقولها لايوجد تعاقدات هذا العام سواء سلطنة عمان او مملكة البحرين غير الاعارات فقط

[منار على]

المشاركة الأصلية كتبت بواسطة عبدالرحمن سيد اللورد

للمره الثانيه أقولها لايوجد تعاقدات هذا العام سواء سلطنة عمان او مملكة البحرين غير الاعارات فقط

ايه مخلى حضرتك متأكد اوى كده