قطارات ... عبارات .... دويقات .... مين يزود ؟؟؟

[بورسعيدى]

الدويقة الم من دون امل !!!

الواحد حاسس انه مخنوق اوي
هوه خلاص كل يوم بقى كدة ؟؟؟؟؟؟؟

ماهو اكيد فيه حاجة غلط !!!!
من عبارة لعمارات بتقع لحتة كاملة انهارت لناس مفقودين واموات دمهم بروح هدر !!!

هيه بلدنا بقت كدة ؟؟
يعني خلاص الواحد يسلم ويعيش على كدة ؟؟
ولا ده وضع طارئ ؟؟
ولا دي رسالة ربانية ؟؟
ولا ده ظلم الظالم ؟؟

الواحد حاسس بخنقة رهيبة جواه

كأنه في صوت بيصرخ دي بلدي ياربي ايه اللي بيحصل ده ؟؟؟؟

الناس شكلهم في الدويقة كان رهيب بجد وكل واحد بدور على عيلته مش لاقيها
كونك واقف بتستنى يطلعولك عيلتك من تحت الانقاش يا اما ميتين او عايشين !!!!!
احساس مؤلم للغاية !!!

طب وبعدين ؟؟
احنا زعلنا على العبارة واهي الناس ماتوا واتنسوا والجاني خد براءة !!
دلوقتي حنقول ايه على الدويقة ؟؟؟
بكرة حننسى
وتستمر الحياة كدة مصيبة تتنسى مصيبة تتنسى لحد لما المصيبة تيجي بيتك انت !!!

حسبي الله ونعم الوكيل حسبي الله ونعم الوكيل !!!