ادخل كليه صيدله ولا حاسبات ومعلومات

[EnormousSoft]

السلام عليكم ورحمه الله وبركاته
انا الطالب فى ثانويه عامه
ومحتار ادخل علمى رياضه ولا علوم
علما بان درجاتى فى المواد العلميه مساويه للمواد الرياضيه
انا مبرمج وبحب البرمجه علشان كده نفسى ادخل حاسبات معلومات
بس فى ناس قالت ان كليه حاسبات مفيهاش كادر ولا نقابه
هل للكادر والنقابه اهميه ولا لا ؟
هل يجب ان ادخل المجال الى بحبه ؟ ولا الافضل دخول كليه ليها مستقبل ؟

[Abdelrahman M M]

المشاركة الأصلية كتبت بواسطة enormoussoft

السلام عليكم ورحمه الله وبركاته
انا الطالب فى ثانويه عامه
ومحتار ادخل علمى رياضه ولا علوم
علما بان درجاتى فى المواد العلميه مساويه للمواد الرياضيه
انا مبرمج وبحب البرمجه علشان كده نفسى ادخل حاسبات معلومات
بس فى ناس قالت ان كليه حاسبات مفيهاش كادر ولا نقابه
هل للكادر والنقابه اهميه ولا لا ؟
هل يجب ان ادخل المجال الى بحبه ؟ ولا الافضل دخول كليه ليها مستقبل ؟

قبل ما ارد عليك لازم تعرف ان درجاتك فى السنوات الى فاتت ملهاش اى علاقه بالسنه الى جايه خالص ، على قد ما تتعب على قد ما هتلاقى ان شاء الله .

ثانيا : انت ليه خليت وجه المقارنه بتاعك كلية صيدله

ثالثا ، موضوع كلية حاسبات ان ملهاش تكليف يعنى انت هتقعد تدور على شغل لنفسك

اخيرا انا نصيحتى ليك انك تختار القسم الى انت بتحبه ، لأنك لو دخلت حاجه متحبهاش ممكن تتعب فيها جامد ومتقدرشى تكمل . يعنى لو بتحب الميكانيكا والرياضه فاتوكل على الله وادخل علمى رياضه ، وهكذا

ربنا معاك

[EnormousSoft]

شكرا لحضرتك
بس انا خايف من موضوع التكليف ده , خايف اتخرج واقعد فى البيت
سبب مقارنه حاسبات مع صيدله , ان انا مستحيل ادخل طب وبكرها جدا
الصراحه برضوا مش عاوز صيدله وبحب حاسبات جدا
بس انا بفكر من ناحيه الشغل بعد التخرج
انتوا شايفين ايه ؟ افكر فى الشغل ولا الحب المجال افضل ؟