الاعتذار عن الثانوية .. دليل احنا فاشلين

[goldenmard]

موقع وزارة التربية والتعليم .. مش عارف يعمل صفحة شغاله لقبول إعتذار السادة المدرسين الغير راغبين في العمل كملاحظين لهذا العمل.
ياريت حل سريع للمشكله دي.

[سعيد العطار]

الصفحات الموجودة من الأعوام السابقة - هما السنة دي مش فاتحين صفحة أصلاً علشان محدش يعتذر ويخدو إلى عاوزينه وانته وحظك - علشان كده هما عاملين علينا واعيين ! مفيييييييييييش فايده !

[goldenmard]

المشاركة الأصلية كتبت بواسطة سعيد العطار

الصفحات الموجودة من الأعوام السابقة - هما السنة دي مش فاتحين صفحة أصلاً علشان محدش يعتذر ويخدو إلى عاوزينه وانته وحظك - علشان كده هما عاملين علينا واعيين ! مفيييييييييييش فايده !

أولا: الارهاق البدني
غالبا الملاحظ اللي بيمتلك وسيلة مواصلات ميقدرش يخدها لأحسن الأهالي تكسرها.
فبنركب مواصلات .. عن نفسي بركب حوالي 4 أو 5 مواصله عشان أوصل للمدرسة اللي هشتغل فيها ملاحظ منهم بركب فوق عربية ربع نقل يعني أغلبها مواصلات غير أدميه .. بعد أول أسبوع ملاحظه بحس اللي الواحد إدمر صحيًا.

ثانيًا: الأمان
من أول ما بأوصل لموقف سيارات المدينة اللي هلاحظ فيها لغاية ما أوصل للمدرسة .. ممكن أي حد من المدينة يعمل فينا أي حاجه .. وبعد الملاحظه بنخرج وسط الأهالي وبنركب معاهم المواصلات لغاية ما نوصل لمدينة كبيرة نركب منها مواصله توصلنا لمحل إقامتنا .. يعني الملاحظ ملهوش اي درجة أمان على حياته.

ثالثا: العائد المالي
بيقولوا أقصى بدل مواصلات للمدرس في اليوم 7 جنيه .. وأكيد بنصرف أكتر من كده .. يعني إذا حسبنا المواصلات مع الأكل مع الملابس اللي بتتقطع .. تجد العائد النهائي صفر.

رابعًا: الإعتذارات
عشان الثانوية شديدى الإرهاق فتعودنا على أن الملاحظة إختيارية .. فليه السنة دي .. بيغلسوا علينا.

خامسًا: الحالة النفسية
رغبتي مش عاوز أروح .. ليه الوزارة تبهدلني وغيري مليون مدرس بيتمنى يروح يلاحظ .. فعدم رغبتي في عدم الملاحظة لن تؤثر في سير عملية الإمتحانات .. فالراغبين في الملاحظة أكثر عشرات الأضعاف من الذي يحتاجونه.