نحن من نشوه صورة انفسنا ... دعونا نفكر ولو للحظة !!!

[SmSm Basha]

السلام عليكم ....ازيكم يا جماعة .... والله انا النهاردة عايز اعرض عليكم موضوع خطر ببالي وانا لا مؤاخذة يعني في الحمام دايما على فكرة المواضيع بتجيلي هناك مش عارف عاجبها الريحة وللا ايه المهم الموضوع هو ان :

احنا دايما نقول دا امريكا فيها دا الناس في امريكا عايشين دا الناس في امريكا معاهم فلوس دا الناس في امريكا ............. الخ طيب احنا عرفنا منين الكلام دا كله ؟؟؟!!! حد من اللي بيقول الكلام دا سافر فعلا امريكا؟؟! حد راح عاش فيها هناك؟؟!! للاسف معظم اللي بيقولوا الكلام دا محدش سافر ولا عمل احنا عرفنا الكلام دا و بنقولوا علشان هم عايزنا نقولوا عايزنا نفتكر ان هم عايشين في رغد ونعيم واحنا مطحونين علشان كدا بيوجهوا كل طاقاتهم و اسلحتهم المادية والمعنوية علشان يخلونا نصدق دا و بالتالي دايما تلاقي الافلام فيها ان امريكا فيها ديمقراطية وبتنجان و حرية وبتاع مع ان النهاردة نازل خبر انهم طردوا في امريكا عشرات العمال المسلمين من مصنع علشان طلبوا راحة للمغرب والفطار .. دايما في الافلام يجيبوا ان عندهم اسعاف طائر وانقاذ سريع و اهتمام بالخلق مع انه نازل برضو في جرنال النهاردة ان في 150 قتيل وجريح في تصادم قطرين في كاليفورنيا .. دايما في افلامهم تلاقي ان الناااس معاها فلوس وموبايلات ولابتوب وحاجة اخر حلاوة انما مثلا عمر حد جاب ان الضرايب في امريكا بتزيد عن 35 في المية من دخل الفرد حدا جاب في الافلام ان في نيويورك محدش بيعرف يمشي فيها بعد الساعة 10 بليل لامتلائها برجال العصابات لا طبعا ازاي علشان تفضل دايما امريكا في نظرنا بلد الامن و التقدم والتكنولوجيا و احنا طبعا للاسف شعب مسالم نصدق كل ما يقال ولا نحاول ولو للحظة بالتفكير في هذا الذي يقال و بالتالي خلاص بقى في نظرنا مصر وحشة وامريكا جميلة هم نجحوا في تحقيق ما ارادوا واحنا ساعدناهم في كدا .. احنا بقى عملنا ايه ؟؟ حاولنا نظهر ايجابيتنا لا بالعكس جالنا الله يخليه خالد يوسف وامثاله اللي عمل افلام لو حد شافها من برة مصر يقول احنا عايشين في غابة يقوموا الناس دول يعاملونا بمعاملة تزيد باحساسنا من التخلف والجهل ونظل نحن غامسين في عجلة التخلف والفقر و يظلوا هم في محاولة للتقدم الدائم .

المهم علشان انا طولت عليكم انا غرضي من الموضوع هو:

ان مصر مش اوحش بلد في الدنيا احنا اللي شايفنها كدد لو بصينالها من منظور تاني و بصينا للخير اللي فيها هنحبها وهنشتغل علشانها و علشان نخليها متقدمة يا ريت ندعنا من فكرة الهروب الى العالم الاخر و نوجه طاقتنا لاصلاح مجتمعنا يا ريت نعمل بجد يا ريت ندعنا من الخرافات التي تدور في انفسنا وننفض عن انفسنا غبار الكسل والجهل خلوا فعلا بلدنا تتقدم بينا .



و في الاخر عايز اشكركم لحسن استماعكم و اسف جدا على الاطالة و انتظر ارائكم وتعليقاتكم .

مقدمه لسيادتكم
سمسم باشا