هجرة موسميه :d !!!!!!!!

[CoMMaNdo]

السلام عليكم ورحمة الله وبركاته

انا شفت مواضيع فى الفترة الاخيره عن ان كله عايز يسيب المنتدى وفيه ناس فعلا مشيت
بس انا عايز اتكلم فى حاجه
انا شايف برضه اعضاء كتير عماله تقول هنجيبلهم حقهم هنجيبلهم حقهم
مش فاهم بيتكلموا عن ايه
بيتكلموا كدا على اساس ان فيه طار بين عيلتين :D
بس نيجى الاول لحكاية اسلام
اسلام كدا كدا حقه هياخده لانه اتشتم امام الكل
فمكانش ليها لزمه خالص التهور والى انتى عملتوه
وانا شايف ان الى انتو عملتوه هوا الى خلى الموضوع يكبر
وشايف برضه ناس بيقولو انهم قدام
وبقالهم سنه مدخلوش المنتدى
واول مدخلوا اول رد ليهم اشعلوا فتيل خناقه


كان فيه رد للاستاذ محمود فتحى كان فى موضوع كدا وبجد كان رد جميل جدا
بس للاسف الموضوع اتشال مع تطوير قسم الاقتراحات الاخير

المهم بقى
انا الى فاكره من الرد دا
ان الاستاذ بيقول شوفو الضغط على الاقسام التعليميه وقسم المعلم المصرى
وبطلوا كلام بالطريقه الى انتو بتتكلموا بيها دى وكل واحد يكتب رايه بسخريه واستهتار


وفعلا عند حضرته حق
لان اصلا المنتدى تعليمى
وكلنا ايام الدراسه استفدنا منه ومن مدرسينه ربنا يباركلهم يارب
بس بعد مخلصنا بدانا نشوف الاقسام التانيه بقى و ننتفاعل فيها
وعايز اقول حاجه برضه
ان المنتدى مفتوح عشان خدمه الثانوية العامه والتعليم وكلنا شفنا دا لما كنا فى الدراسه
فاالناس الى بيقولو انهم هيمشوا انا هاوجه ليهم شوية كلام
افتكروا ايام الدراسه الى انتو استفدتوا منها فى المنتدى دا
وافتكروا الاصدقاء الى انتم عرفتوهم فى المنتدى برضه
وياريت كل واحد ميتبعش حد بيقول انه هيمشى
ولو فعلا مشى هيرجع بعد شهر بالكتير اوى
لانه عمره مهينسى المنتدى الى قابل فيه اصدقائه واتعرف على اعضاء زى العسل



ولو فيه مشاكل فى المنتدى وحاجات مش عجباكو استاذ عصام فتحلكوا الموضوع وقال الى عنده مشكله يكتبها
ونحاول نحلها
بس ساعتها الى كان عنده مشكله متهيالى كدا شكله نسيها D:D
لان محدش كتب فى الموضوع حاجه
ما علينا
وبرضه الموضوع استاذ اشرف واستاذ عصام قالو احنا مستعدين نسمع ارائكم ومشاكلكم
اعضاء ردوا وقلبوها خناقه واتكلموا فى حاجات تانيه ومحدش قال ولا اقتراح او اى مشكله اكيد نسيو المشاكل لما بدوا فى الجد :D

كل عام وانتم بخير
احنا فى رمضان الى شايل من حد حاجه ياريت ينساها
والسلام عليكم