|
#1
23-09-2008, 12:48 AM
|
||||
|
||||
على نهج براءة
بسم الله الرحمن الرحيم النهاردة حكتب عن شئ دار فى خاطرى عشان كده انا سميت الموضوع على هذا الاسم عرفانا بان براءة هى اول واحدة كتبت افكار دارت فى داخلها وانا فكرت فى شئ برده وقلت اما احكى معكم فيهمن كام يوم كنت ماشية جنب التلفزيون و شفت ماما بتتفرج على قناة بتعرض برنامج جميل المهم ان انا وقفت شوية اسمع كان فى راجل مغربى بيتكلم عن اسلامه و المحاور بيساله ازاى سبت ديانتك الهندية (هوه كان ماخد ديانة هندية كده الاول ) و اتجهت للاسلام الراجل كان كلامه حلو اوى لما رد عليه بس رده بالنسبة لى ماكانش محور تعجبى من داخلى انا اللى قعدت اشكر عليه ربنا انى فهمت يعنى ايه الحمد لله على نعمة الاسلام و تذوقتها بكامل معناها كنت بقولها حبا فى الله فى الاول و اكيد طبعا حبا فى الاسلام بس مكنتش متذوقة الكلمة بكامل معناها انا حسيت ساعتها بمدى رحمة ربنا ليا و انه سبحانه و تعالى عايز يريحنى و مايتعبنيش عارفين مايتعبنيش ازاى يعنى مايخلينيش طول حياتى بدور على ديانة يعنى ربنا سبحانه وتعالى ريحنى من تعب انى اقضى عمرى بدور على ديانة و مين عالم ساعتها ممكن اوصل لان الاسلام الحق ولا لا و حتى لو وصلت حبقى كبرت و يمكن ماكنش فهمت كويس يعنى استمريت على بعض المعاصى جهلا بانها معصية و ساعتها مين عالم ممكن اخض الجنة ولا لا يعنى ربنا من كتر عطفه عليا ادانى النعمة دى من اول حياتى و ادانى طريق للجنه ماعليا الا ان اتبعه تصوروا مدى عطف ربنا عليا و علينا كلنا مولودين مسلمين ساعتها حسيت انى فى نعمة كبيرة و ان ربنا ادانى النعمة الاكبر انى فهمت مامعنى كلمة الحمد لله على نعمة الاسلام مش بس فهمتها حسيتها حسيتها بجد اكيد حتقولولى انك لو كنتى قولتيلنا فى المنتدى كنا حنفهمك حقولكم انى كنت فاهماه و كنت بقولها زة ماقولت حبا فى الله و تقديرا لما اعطانا من نعم بس لما حسيتها لوحدى و استنتجتها لوحدى كان ليها طعم تانى فعلا كان شئ رائع لو اى حد عنده تجربة زى تجربتى دى يقول و اى حد عنده تعليق يتفضل
__________________
Man is the artificer of his own happiness
Helen Keller تقريبا كده نهاية الخط 
|
|
#2
23-09-2008, 03:49 AM
|
||||
|
||||
|
جزاكم الله خيرا
و انا للاسف عندي تجارب كتيرة اوي بس مش بفتكرها لانها كانت من زمان علي العموم بارك الله فيكي
|
|
#4
23-09-2008, 05:13 PM
|
||||
|
||||
|
بس تعرفى
إن الناس دى بتتمسك بالإسلام بعد ربنا ما يهديها بشكل يفوق بعض المسلمين المولودين على الإسلام لانهم عرفوا الفرق وحسوه وعاشوه زى ما انتى قولتى كده بالظبط حسوه مش بس اتحكالهم أو حد قالهم عليه علشان كده بصراحه بيكونوا بعد كده مثال مشرف للإسلام أكتر من مسلمين كتيير اتولدوا على الإسلام للاسف . .
__________________
|
|
#5
23-09-2008, 05:49 PM
|
||||
|
||||
|
اقتباس:
فعلا و عندك حق لان بعض المسلمين الذين ولدوا مسلمين مش حاسين بالنعمة اللى هما فيها انا بتمنى من قلبى انا كل مسلم و مسلمة فعلا تحس النعمة دى بقلبها و الله شئ تانى غير الكلام شكرا على مشاركتك وانت عندك حق ميه فى الميه و ربنا يهدى الجميع
__________________
Man is the artificer of his own happiness
Helen Keller تقريبا كده نهاية الخط
|
|
#7
24-09-2008, 02:37 AM
|
||||
|
||||
|
و جزاك الله كل خير ايضا
وفعلا عندك حق فى ناس كتيرة مش حاسيين بيها يارب يحسوا بيها من قلبهم بجد يارب شكرا على مشاركتك
__________________
Man is the artificer of his own happiness
Helen Keller تقريبا كده نهاية الخط
|
|
#8
24-09-2008, 03:03 AM
|
||||
|
||||
|
والله كلامك دخل قلبي فعلا
الحمد لله على نعمة الاسلام والله انا فخوووووووووورة جدا بانى مسلمة وفعلا دى نعمة بجد الغالبية مش حاسين بيها شكرا يا قمر على موضوعك .. مع انك خضتينى جدا لما شفت اسم الموضوع  
__________________
 ••• والعز كل العز في ايماني •••
|
|
#9
24-09-2008, 03:26 AM
|
||||
|
||||
|
فعلا الحمد لله على نعمة الاسلام ... والله انا بكلم ناس كتييير غير مسلمين و لما بعرف قد ايه هم عايشين في جهل وعادات خاطئة وسلوكيات سيئة بحمد ربنا جدا على الاسلام اللي حرم كل دا و وضع ليه شرع و قواعد و حدود ... بس في حاجة ... الناس دي متعرفش ايه هو الاسلام ..... متعرفش ميين الرسول ..... انجيلهم محرف ...... دول يا ترى هيتحاسبوا ازاي ؟؟ ....طيب علماء الازهر دوول عملوا اييه ؟؟ ..... انا عارف ان في بعثات بتروح وبتعمل بس قليلين جدا جدا ..... يعني اقرأ في الجرنال ان امريكا دي كلها رايحلاها في رمضان بعثة من كام شيخ كدا عددهم لا يتجاوز عشرة ؟؟ .... طيب وبقية الدول ..... صدقوني يا جماعة اعتقد ان الناس دي حسابهم وجزاؤهم يعلمه الله وحده ..... حنا مش عندنا في الاسلام لما يقولك ان كذا كذا حرام و انت مش كنت تعرف ربنا غفور رحييم ؟؟؟ ..... طييب دول بقى مش يعرفوا حاجة خالص .....ايه جزاؤهم ؟؟؟؟!!!!
عموما الف شكر يا ايرث على الموضوع اللي خلاني اطلع كلام كتيير كان جوايا و موضوع كان نفسي اطرحه من زمان و اسف على الاطالة وارجو تقبل مروري .....
__________________
 If YoU ArE RigHt >> NoNe ReMeMbeRs .. If YoU ArE WrOnG >> NoNe ForGeTs
|
|
#10
25-09-2008, 12:21 AM
|
||||
|
||||
|
اقتباس:
و يارب يارب اللى مش حاسيين بالنعمة اللى همافيها يحسوا بيها هههه اتخضيتى ليه  خير خير شكرا ليكى يا قمر لمشاركتك و رؤيتك للموضوع
__________________
Man is the artificer of his own happiness
Helen Keller تقريبا كده نهاية الخط
|
|
#11
25-09-2008, 12:29 AM
|
||||
|
||||
|
اقتباس:
مش عارفة والله يا اسلام بس ياريت لو حد عنده فكرة يقول عشان انا ماقدرش اقول حاجة مش متاكدة منها بس سؤال حلو برده احب انا كمان اعرف اجابته من العفو ده واجبى يا اسلام و عادى طول طول مش مشكلة خالص انا حسمع و اشوف و ارد بس انتوا ادعولى اكيد طبعا مرورك على الراس شكرا لمشاركتك
__________________
Man is the artificer of his own happiness
Helen Keller تقريبا كده نهاية الخط
|
|
#12
25-09-2008, 12:49 PM
|
||||
|
||||
|
الحمدلله علي نعمه الاسلام
واكيد يا قمر لو دورتي كتير مش هتلاقي زي ديانتك خالص لانها اسمي الديانات وصدقيني اللي يحس بده ويفهم ويعرف معني الاسلام هيبقي اسعد الناس ربنا يكرمك ويجازيكي خير علي الموضوع يا قمرايه
__________________
 يااااااااااااااااااااااااااارب ارحم موتانا وموتي المسلمين يارب ارحمهم وثبتهم عند السؤال
|
|
#14
25-09-2008, 11:32 PM
|
||||
|
||||
|
اقتباس:
ايوه انا حسيت بده اوى اوى مش قادرة اقولك شعورى بانى حسيتها لوحدى مخلينى سعيدة اد ايه من العفو يا حبيبتى و الله نورتى الموضوع بجد جزاك الله كل خير ايضا
__________________
Man is the artificer of his own happiness
Helen Keller تقريبا كده نهاية الخط
|
|
#15
25-09-2008, 11:34 PM
|
||||
|
||||
|
اقتباس:
انا حاسة ان ربنا ادانى نعمة انى اقدر الاسلام من اعماق قلبى ياااااه ربنا رحيم اوى من العفو يا مروة نورتينى و انتى بخير وسالمة يارب
__________________
Man is the artificer of his own happiness
Helen Keller تقريبا كده نهاية الخط
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:58 PM.
