|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
28-09-2008, 10:59 PM
|
||||
|
||||
معلش هقلب عليكوا المواجع بس والله هتضحك على ضمانتى
السلام عليكم اعضاء ومشرفى وزوار ومديرى المنتدى بما ان منتدانا معظمه فى سن واحد فبالتالى مشاكلنا تقريبا هتبقى واحدة انا هاعرض عليكوا شويه كلام اكيد معظمنا بيسمعه وعايزة اعرف منكوا اما بتسمعوا الكلام ده بتعملوا ايه وايه وجهة نظركوا فى الاباء والامهات اللى بيعملوا كده ويا ترى انت هتبقى زيهم لما تكبر يلى اقروا وعايزة اعرف وجهة نظركوا
أشهر جمل بيقولوها الأب و الأم * جتها نيلة الى عايزة خلف تيجى تتفرج*ذاكر ياموكوس مش فالح غير فى الهيافه والكلام الفاضى. * ربنا يرزقك بعيل يوريك اللي ورتهوني. * هات كيس عيش وانت راجع. * هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه . * كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة. * هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج). *أوعا حد يضحك عليك ويقولك جرب السيجارة دي. *ابقى ورينى مين حينفعك فى الاخر من شوية الصيع الى انت مشيلى وراهم . * قوم اقرا لك كلمتين ينفعوك . * وطي المدعوق ده شويه . * انت فاكرنا نايمين على ودانا ؟ *لما ما ترضاش تاكل في البيت:طبعا مانت اتعودت علي اكل بره . *ياريتك تحفظ دروسك زى مانت حافظ الاغانى. * عيـــب ... لازم تحترم اللي أكبر منك . * لو شفت خناقه ما لكش دعوة بيها . * كريم دا عيل بايظ وماتمشيش معاه تاني . * مين منى دي انتى كل يوم تصاحبي واحدة جديدة ؟. * انته مبتكلش جزر ليه .. اجيبلك برتقانه. طب كل سلطه . * يبني بأسلوبك ده مش هتعيش معاك واحده . * قومي ساعدي امك ده اللي هيتجوزك أمه داعية عليه. * اوعى حد غريب يديلك حاجه تاكلها و تشربها و تاخدها منه . * يا ابني حرام عليك الى بتعمله فينا ده. * انا سايبالكوا البيت وماشية ومش حتشوفوا وشي تاني . * لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا. * وانت فاكر احنا مستنيين منك حاجه . * المسلسل مش هينفعك ...قوم . *ماتقعد يابنى تكمل أكلك , انت كلت حاجة!!! (طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا ) . * كفايه رغي في التليفونات . * كل على مهلك .. وامضغ كويس ... وما تكلش وانت واقف .. وكل من قدامك ما تحفش . * اطفي التلفزيون وقوم ذاكر ولا و خش اوضتك . * بلاش تمشى حافى البس شبشب وانته داخل الحمام . * ما فيش مذاكرة على المزيكا .. وازاى بتذاكر و البتاع ده شغال جنبك . * افرد ظهرك . * لم شراباتك. * ماتكلش فى ضوفرك. * كنت فين لحد دلوقتى يا صايع. * ماتتأخرش علشان عندك كلية بكرة بدرى. * انا مش عارف انته طالع لمين. * انا : ياماما بقه ايه ده ؟؟؟ ماما:مووو لمـا يــــــخدك . * ادلعى ياهبة فى ايامك المهببة . * ده منظر اودة بني آدم ، انت عايش فيها ازاي؟. * هو انا الخدامه الى ابوكم جبهلكم . * الى يطلع من الاوضه يطفى النور وراه . *أبوك عندك أهو اتصرف معاه . * اللي بيشيل قربه مخرومة بتخر عليه لوحده .. * لو مش فاهم حاجه ارفع ايدك و قول للأستاذ مش فاهم .. متتكسفش . * البس فنله قطن تحت ودفي سدرك ودخل التيشرت في بنطلون البيجامه وانته نايم . * يأبنى المذاكره مابتخلص .... نفسى اشوفك مره ماسك كتاب. * اعمل حسابك مش حندخلك جامعه خاصه. * قالب ليلك نهارك طول الليل صاحى وطول النهار نايم طبعاً ما حضرتش ولا محاضرة ولا سكشن , وطول اليوم صايع بره البيت . * مالكش دعوة بالسياسة .. وماتمشيش في مظاهرات .و امشي جوا الحيط  .* احمد ربنا الاكل الى مش عجبك ده فى ناس مش لقينه . * التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح . * قومي سخني الأكل لأخوكي. * ابوكم كان دايم بيطلع الاول على الفصل... " لما كلهم كده امال مين الى بيطلع الاخير . * ومن اشهر الجمل الى بتتقال كل يوم بعد الاكل : انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض. * و أخيرا :: ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركذ والناس ماشيه حوليه فى الشارع )
__________________
قدر قيمة الحياة فالبكاء يجعلك تفقدها
|
|
#3
28-09-2008, 11:15 PM
|
||||
|
||||
يااااااااااخبر
لا لا مش للدرجادى دا انا كنت انتحرت ممكن اخر جملتين بس
__________________
|
|
#4
28-09-2008, 11:16 PM
|
||||
|
||||
|
بالعكس الاب والام مبيقولوش كدة
ودايما بيبقوا عايزين مصلحة ابنهم واللغة دى عمرها ما بتكون لغتهم دايما متفاهمين مع ولادهم وانا اسفة بس مينفعش نتريق على كلامهم كدة
ودة رأى
__________________
You can only go as far as you push
 |
|
#5
28-09-2008, 11:18 PM
|
||||
|
||||
|
بسم الله الرحمن الرحيم يخرب عقلك بجد مش قادره امسك نفسي من الضحك الجمل دي كل يوم بسمعها لحد ما صدعت خلاص و اكتر واحده بتستفزني (يا بوسي مش هيفنع كده .. نايمه طول النهار و صاحيه طول الليل .. انتِ خفاش و مش واخدين بالنا) ودي برضو اقتباس:
غالباً بيبقى مزاجي مش مساعدني آكل .. او الأكل مش بحبه فبقوم فيقوم والدي يقولي (يا بوسي خليكي كده .. و مش تيجي تشتكي لنا وتقولي لنا معرفش انا دايخه انا تعبانه) و ماما بقى ( براحتك يا بوسي .. اللي بياكل على ضرسه بينفع نفسه) نفسي اعرف يعني ايه الجمله دي أصلاً؟  == اقتباس:
فكرتيني بصاحبتي الأنتيم ..ربي يسعدها مامتها ماسكه لها الكلمه دي .. لحد ما البنت بقت عايزه تغير اسمها شكراً للموضوع الجميل ده جزاكِ الله خيراً
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#6
28-09-2008, 11:34 PM
|
||||
|
||||
|
فى موضوع شبه دا اتعمل من اسبوعين تقريبا
ودخل بعض الاعضاء ياعينى قالوا شويه كلام بايخ للعضوه اللى كتبت الموضوع لغايه ما العضوه طلبت حذف الموضوع  انا بقولك عشان تتوقعى رد فى عكسى 
__________________
لا اله الا انت سبحانك انى كنت من الظالمين
|
|
#7
29-09-2008, 12:41 AM
|
||||
|
||||
|
هههههههههه
هو فعلا فى كلام منهم بيقولوا بس مش كل الكلام  بس دى فعلا جمل واقعيه بتتقال كتير بس والله الاباء بيقولوها عشان مصلحتنا مش عشان يضايقونا وخلاص  وميرسى ع التوبيك 
__________________
اعذرونى يا جماعه انا مقصره معاكم اوى لظروف خارجه عن ارادتى |
|
#8
29-09-2008, 02:48 AM
|
|||
|
|||
|
هههههههههههههههههههههههه طبعا اني اسمع الجمل هذه بلمسلسلات والافلام المصريه والله الحمدالله ماما وبابا ميستخدمون ويانه هذه الكلمات وننتظر مزيدك من التألق والابداع
تقبل مروري |
|
#11
29-09-2008, 01:02 PM
|
||||
|
||||
|
هههههههههههه يا جماعة والله انا ما اقصدش حاجة وحشة وبعدين انا عايزة اعرف راى كل واحد فيكوا يعنى فى ناس قالت ما فيش اب وام بيقولوا كده يمكن عشان هو مابيتعملش معاه كده عايش فى عالم تانى وفى ناس خايفة على بريستيجها فى المنتدى ومنظرها يعنى فهتقول لا بابى ومامى ما بيعملوش كده مع ان الكلام ده عادى يعنى لو بابا وماما قالوا كده ده عشان مصلحتنا بس احنا مش ملايكة نازلة من السما فانا كنت عايزة اعرف ارائكم كلكم واطمنوا جدا انا عمرى ما هطلب حذف الموضوع بس يارب المنتدى ما يحذفهوش ههههههههه ويلا مستنية ردودكم الحلوة
__________________
قدر قيمة الحياة فالبكاء يجعلك تفقدها
|
|
#12
29-09-2008, 01:02 PM
|
||||
|
||||
|
ههههههه
والهى دا المرشح بتاع كل اسبوع وياريت كل اسبوع ساعات يبقى كل يوم بس اكيد عشان مصلحتنااا وانا بقى فرحانة جدا ما ماما تقولى الكلام دا عشان بحس انهاخايفة عليا انا اسفة للايطالة شكراا على الموضوع الجميل وتقبلى مرورى |
|
#13
29-09-2008, 01:12 PM
|
||||
|
||||
|
ههههههههههه
أنتي قاعدة معانا في البيت أنا كنت فاكر ان انا بس اللي بيتقلي الكلام ده طلع الكل .... بس أكبد هما بقولوا كده من خوفهم علينا و أحنا مش حاسين بكده بس لما نكبر هنقول لولادنا نفس الكلام
__________________
 ماتت قلوب الناس ...ماتت بينا االنخوة |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:48 PM.
