|
||||||
| حي على الفلاح موضوعات وحوارات ومقالات إسلامية |
 |
|
|
أدوات الموضوع | انواع عرض الموضوع |
|
|
|
#1
03-10-2008, 03:57 AM
|
||||
|
||||
أهلاوي ولا زملكاوي ؟؟؟!!!غريبه دا رياضي
سؤال بسيط لو سمحت:
 حضرتك أهلاوي ولا زملكاوي ؟؟؟ .. .. .. .. .. يتبع إن شاء الله
__________________
 
|
|
#2
03-10-2008, 04:00 AM
|
||||
|
||||
|
وبعدين ايه اللي جاب الموضوع دا هنا أقولك
بأكتب بأحمر لاني أهلاوي  أسئله وإجابتها السلام عليكم ورحمة الله وبركاته - اتفضل # إنتا أهلاوي ولا زملكاوي ؟؟ - أنا يا سيدي أهلاوي أباً عن جد (مثلا) # مش مهم عندي تقوللي إنتا إيه بالظبط المهم إنك بتشجع كورة صح ؟؟ - آه طبعا .. ليه في حاجة # و هذا التشجيع يستحوذ على قلبك و عقلك أثناء مشاهدة تلك المباريات - مش فاهم قصدك إيه؟؟ # يعني أنك بتحب الفريق اللي تشجعه بكل جوارحك و بتتعصب له - طبعا .. مش بقولك أهلاوي أصيل ( مفتخرا ) # و إيه اللي فإيدك ده ؟ - دي جرايد رياضية عشان أتابع آخر الأخبار ( الرياضية طبعا ) # و في النهاية أستفدت إيه لما الفريق بتاعك بيكسب ؟ هل تزداد قربا من الله ؟ أو تزداد حسناتك ؟ - لأ طبعا # هل بتترقى في شغلك ؟ بتاخد فلوس ؟ بترتفع مكانتك بين الناس ؟ هل تزداد ثقافتك و علمك ؟ - لأ طبعا # أمال إيه ؟ بتستفاد إيه ؟ - مش هضحك عليك .. مش بستفاد حاجة .. بس عادي يعني .. بتسلى .. # بتروح الاستاد ؟ - ساعات.. لما الماتش بيبقى جامد ، ولما بيبقى عادي بتفرج عليه في البيت أو على القهوة لما بيبقى متشفر !! # و بتروح الاستاد قبل الماتش بأد إيه ؟ - حوالي أربع ساعات كده !!! # أربع ساعات (مندهشا)... و بتصلي فين ؟ - لأ الصراحة بتفوت عليا الصلاة بس بصلي لما برجع # إنتا بتحفظ قرآن ؟ - لأ ، أنا نفسي احفظ و الله بس مش لاقي وقت !!!!!!! # ( مذهولا) مش لاقي ميييييييين ؟؟؟؟؟ إنتا بتكلمني أكِن الكورة دي من أساسيات الحياة !!! خلينا نفترض مثلا أنك بتتفرج على ماتشين "بس" في الأسبوع ، و الماتش الواحد بالهاف تايم و الاكسترا تايم بيعمله حوالى ساعتين و التعليق "قبل و بعد" يبقى كده حوالي تلات ساعات اضربهم في اتنين يعني حوالي ست ساعات في الاسبوع ، يعني حوالي 312 ساعة في السنة ده غير طبعا الماتشات اللي بتروح فيها الاستاد ، ده غير الجرايد الرياضية اللي بتقرأها. 312 ساعة ممكن تحفظ فيها القرآن كله ، ممكن تقرأ الكثير والكثير من الكتب لو عايز ،ممكن تعمل فيها حاجة تخدم الدين ، وتقوللي معنديش وقت ؟؟؟؟؟؟ ببساطة ممكن لو استبدلت هذه الساعات بحفظ القرآن أو تعلم العلوم النافعة ، كان زمانك بقيت حاجة تانية !!! ألا تعلم أن رسول الله  قال" لن تزول قدما عبد يوم القيامة حتى يسأل عن أربع: عن عمره فيما أفناه وعن شبابه فيما أبلاه وعن ماله من أين اكتسبه وفيما أنفقه وعن علمه ماذا عمل به ؟ "ألا تعلم أن رسول الله قال "نعمتان مغبون فيهما كثير من الناس ، الصحة والفراغ"ويقول الشاعر الوقتُ أنفسُ ما عنيتَ بحفظه *** وأراهُ أسهلَ ما عليكَيضيع علام تضيع وقتك وشبابك ومالك ؟؟ على إيه حرقة الدم و بوظان الأعصاب ؟؟ علشان إيه تتهاون في الصلاة - اللي مالهاش أي عذر أبدا حتى المريض و و المعاق "حفظك الله" و المسافر بيصلوا و أول ما يحاسب عليه العبد يوم القيامة الصلاة – علشان إيه تتنرفز وتشتم اللاعبين و تغتابهم و تتحمل ذنوب طول ما انتا قاعد ؟؟ علشان إيه تحصل مشادات بينك وبين صحابك بسبب اختلاف وجهات النظر اللعبة دي ضربة جزاء ولا لأ ؟؟ علشان إيه تقعد في قهوة وسط ناس بتشرب دخان و تقعد علشان تتفرج على ماتش ؟؟ علشان ايه تدفع فلوس علشان تتفرج على الماتش في الاستاد أو علشان تشتري شوية الجرايد اللي فإيدك دي كل يوم ؟؟ .. مش لو كنت تصدقت بيهم و أعنت بيهم محتاج أو اطعمت جائع أو حتى حوشتهم كان أحسن ، و تذكر الحديث بيقول أن من أول ما يحاسب عليه العبد يوم القيامة "ماله من أين اكتسبه وفيما أنفقه". - فعلا أنا بضيع وقت كبير وأنا مش حاسس بس الرياضة مطلوبة برضه مش كده ؟؟ # تمام .. بس انك تمارسها مش تتفرج عليها ، العب كورة بنية التريض و الترويح عن النفس لدفع الفتور والملل ، مش تستلقي على الكرسي تشاهد الماتش و تقوللي دي رياضة !! - كلامك جميل مقلتش حاجة بس انتا مكبر العملية كده ليه. # هاقولك ، عارف .. لو امتلأت المساجد مثلما يمتليء الاستاد لانصلح حالنا و هزمنا أعدائنا و عاد الاسلام قويا مذدهرا كما كان. # هسألك سؤال بس بالله عليك تجاوبني بصراحة .. تحب تموت و إنتا قاعد بتتفرج على ماتش ؟؟؟؟؟؟؟؟؟؟؟؟؟؟؟؟؟ - لأ طبعا مش عايز أموت وأنا قاعد على ماتش بس بتهيألي يعني احتمال بعيد شوية إني أموت دلوقتي .. ياعم احنا لسه شباب ..... # وهوا يعني مين كان يتوقع إن "محمد عبد الوهاب" كان هيموت في السن ده وبالصحة دي و وهوا بيلعب كمان !! بالله عليك مرة أخرى لو كان يعرف كان عمل إيه ؟؟؟؟؟؟؟؟؟ - كان قعد يصلي ويقرأ قرآن علشان يموت على خير # طيب أديك إنتا قلتها مش نلحق إحنا بقى نفسنا علشان نموت على خير و نكون من أهل الجنة بدل تضييع الوقت في هذه التفاهات ؟؟ - و الله عندك حق ، ردك كان هيبقي ايه
__________________
|
|
#3
03-10-2008, 04:54 AM
|
|||
|
|||
|
ربنا يثبتنا كلنا
ويارب ربنا يحسن ختامنا ويثبتنا ساعة السؤال جزاك الله خيرا عالموضوع
__________________
 laugh at the time when people wait ur tears
|
|
#4
03-10-2008, 10:53 AM
|
||||
|
||||
|
موضوع جمييل
ربنا يثبتنا على ديننا ليوم القيامة جزاك الله كل خير
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#5
03-10-2008, 07:44 PM
|
||||
|
||||
|
جزاكم الله خيرا
فعلا موضوع رائع و مسرود بطرقة سلسة شكرا لك
|
|
#6
03-10-2008, 09:14 PM
|
|||
|
|||
|
كلامك سليم 100 فى المائة بس انا لى رأى
انا بتفرج على ماتشات الاهلى والمنتخب بس لو الاذان اذن والماتش شغال طبعا بقوم اصلى واسيب الماتش وكمان ده ماتش يعنى ما فيهوش اى حاجة مخلة او اباحية وشكرا على موضوعك
|
|
#7
04-10-2008, 02:41 AM
|
||||
|
||||
|
شكرا علي مروركم الكريم
__________________
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 08:35 AM.
