مشاعر و تصرفات بتلاقيها فى اول سنه جامعه

[فرسان الحق]

يا جماعه الكلام اللى انا هقوله ده عن تجربه شخصيه انا الحمد لله اخدت الدرس من غير ما اخوض التجربه قوى يعنى احسن من ناس فى سنى و اكبر منى
ان الطالب او الطالبه اللى مبيكلموش حد من الجنس الاخر ساعة ما بينزل الجامعه من قبل حتى ما الدراسه تبتدى يلاقى الكابلات كتير و البنات و الولاد لدرجة انه علشان لقى الامر ده منتشر هيحس ان ده الصح و مش معقوله يكون كل الناس دى غلط و ده هيكون شعور الشخص ده اللى بيحاول يعمله و لكن شعوره الحقيقه هتكون بالغيره اشمعنا العالم دول بيكلموا بنات و انا لا هل هما احسن منى و بالاخص لما يلاقى اصحابه القريبين بيكلموا بنات و يسيبوه علشان يروح يكلم البنت بتاعته و البنت بتبقا برده نفس الحوار ده و ده كمان يرجع بسبب الثقافه الخاطئه اللى بتخلى ان الواد علشان يبقى روش و مقطع السمكه و ديلها يبقى بيكلم بنات كتير و ده نوع و فى نوع تانى انه بيبقى من اولها الولد بيبص فى عيون البنات ووجوهم و يدور على الجمال و يدور على وحده يحبها يعيش نفسه دور الرومانسيه و يروح يكلمها و هى غالبا لما تسمع كلامها ده هتتخلبط و هتفكر و غالبا هتوافق و فى الاخر بيطلع حب هوائى و بياثر تاثير سلبى قوى على البنت و الولد كمان لانهم كانوا محسسين بعض انهم بيحبوا بعض حب حقيقى و كلام الاغانى و الافلام الرومانسيه و الكلام ده و فيه اللى يبقى كل اللى شاغله ازاى يعاكس البنات و يبقى مدايق قوى مثلا انه بيكسف او ما بيعرفش يعاكس و هو بيبقى عارف انه علشان يكلم واحده علشان يتسلى يعاكسها و يشوف رد فعلها لو كان ضحكه يعرف انها بتكلم ولاد
كل دى مشاكل شفتها و بعضها حسيت بيه و اللى حسيت بيه انى كان نفسى اعمل قصة حب مع واحده و كنت بدور عليها و لاقيتها و بقيت بشفها و بقيت ببعتلها بنظران و هى بدات تبعتلى بنظرات و كنت ناوى قاعد على النظام ده لشهر كده و اكلمها و لكن اللى خلانى اعيد نظرى انى شفت و انا قاعد على الانترنت واحده مخنوقه جدا و داخله عاوزه دكتور نفسى يساعدها و كل مشكلتها انها قابلت واحد و عاشت معاه قصة حب و انتهت بالفراق و اكتشفوا انهم ما بيحبوش بعض و وصلت حالتها انها بتفكر بالانتحار لذلك قررت انى ابتعد عن اى علاقه بينى بين واحده و انى مفكرش انى ادور على واحده احبها




و فيها ظاهره شفتها ان بنت تكلم ولد علشان عاوزه مثلا محاضرات او ولد يكلم بنت علشان محاضرات مع ان قدامها زميلاتها البنات و قدامه اصحابه الولاد و ياريت كل الظواهر دى تتصلح و ياريت كل بنت تعرف انها غاليه و عفيفه و متقبلش انها تكلم ولد و تعرف ان سمعتها دى حاجه كبيره قوى و انها فى سن المراهقه و انها تعرف ان غلط انها تحسس نفسها انها بتح كذا
ياريت لو فيه دكتور علم نفس يوضح لى مخاطر السن اللى انا فيها و ازاى اتعامل فيه مع الناس فى الكليه بنات و ولاد

[aquavia]

فى دكتور عندنا قال نفس الكلام ده
بس بتبقى للمنظرة بس مش لدرجة الرومانسية يعنى

[فرسان الحق]

لكن انا حاسس ان موضوع زى ده كان نفسى يبقى فيه حد بيفهم قوى فى علم نفس و ياريت لو كان دكتور علم نفس يحلل لنا فترة المراهقه الجامعيه
على فكره دكتور ذكى جدا اللى كلمكوا على الموضوع ده لانه موضوع مهم قوى و كان نفسى حد كبير يكلم عن الموضوع ده لان عقلى مشغول جامد قوى بالموضوع ده

[مس رانيا حسن]

المشاركة الأصلية كتبت بواسطة فرسان الجحيم

يا جماعه الكلام اللى انا هقوله ده عن تجربه شخصيه انا الحمد لله اخدت الدرس من غير ما اخوض التجربه قوى يعنى احسن من ناس فى سنى و اكبر منى
ان الطالب او الطالبه اللى مبيكلموش حد من الجنس الاخر ساعة ما بينزل الجامعه من قبل حتى ما الدراسه تبتدى يلاقى الكابلات كتير و البنات و الولاد لدرجة انه علشان لقى الامر ده منتشر هيحس ان ده الصح و مش معقوله يكون كل الناس دى غلط

أختلف معك مش كل الناس تعمل كدا مش علشان كل اللى حواليا بيسرق يبقى هما صح وانا غلط
دا مش مبرر للغلط .....لا يصح الا الصحيح
و ده هيكون شعور الشخص ده اللى بيحاول يعمله و لكن شعوره الحقيقه هتكون بالغيره اشمعنا العالم دول بيكلموا بنات و انا لا هل هما احسن منى و بالاخص لما يلاقى اصحابه القريبين بيكلموا بنات و يسيبوه علشان يروح يكلم البنت بتاعته و البنت بتبقا برده نفس الحوار ده و ده كمان يرجع بسبب الثقافه الخاطئه اللى بتخلى ان الواد علشان يبقى روش و مقطع السمكه و ديلها يبقى بيكلم بنات كتير و ده نوع و فى نوع تانى انه بيبقى من اولها الولد بيبص فى عيون البنات ووجوهم و يدور على الجمال و يدور على وحده يحبها يعيش نفسه دور الرومانسيه و يروح يكلمها و هى غالبا لما تسمع كلامها ده هتتخلبط و هتفكر و غالبا هتوافق و فى الاخر بيطلع حب هوائى و بياثر تاثير سلبى قوى على البنت و الولد كمان لانهم كانوا محسسين بعض انهم بيحبوا بعض حب حقيقى و كلام الاغانى و الافلام الرومانسيه و الكلام ده و فيه اللى يبقى كل اللى شاغله ازاى يعاكس البنات و يبقى مدايق قوى مثلا انه بيكسف او ما بيعرفش يعاكس و هو بيبقى عارف انه علشان يكلم واحده علشان يتسلى يعاكسها و يشوف رد فعلها لو كان ضحكه يعرف انها بتكلم ولاد

انت حكمت على طلبه الجامعه كلهم انهم رايحين الجامعه علشان كدا مش علشان يتعلموا بلاش تعمم الحكم دى فئه معينه مش كل طلبه الجامعه بتعمل كدا

كل دى مشاكل شفتها و بعضها حسيت بيه و اللى حسيت بيه انى كان نفسى اعمل قصة حب مع واحده و كنت بدور عليها و لاقيتها و بقيت بشفها و بقيت ببعتلها بنظران و هى بدات تبعتلى بنظرات و كنت ناوى قاعد على النظام ده لشهر كده و اكلمها و لكن اللى خلانى اعيد نظرى انى شفت و انا قاعد على الانترنت واحده مخنوقه جدا و داخله عاوزه دكتور نفسى يساعدها و كل مشكلتها انها قابلت واحد و عاشت معاه قصة حب و انتهت بالفراق و اكتشفوا انهم ما بيحبوش بعض و وصلت حالتها انها بتفكر بالانتحار لذلك قررت انى ابتعد عن اى علاقه بينى بين واحده و انى مفكرش انى ادور على واحده احبها
واضح انك بتعانى من الفراغ وبتحاول تشغل وقتك بالمواضيع دى
نصيحتى ليك حدد هدفك فى الحياه وخطط حياتك
وابعد عن التفكير فى تلك الامور
ما زلت فى مرحله المراهقه ولم تصل الى النضج
الذى يؤهلك للارتباط الذى هدفه الزواج
اى ارتباط اخر من اى نوع ما هو الا تحطيم للمشاعر وتضييع للوقت
و فيها ظاهره شفتها ان بنت تكلم ولد علشان عاوزه مثلا محاضرات او ولد يكلم بنت علشان محاضرات مع ان قدامها زميلاتها البنات و قدامه اصحابه الولاد و ياريت كل الظواهر دى تتصلح و ياريت كل بنت تعرف انها غاليه و عفيفه و متقبلش انها تكلم ولد و تعرف ان سمعتها دى حاجه كبيره قوى و انها فى سن المراهقه و انها تعرف ان غلط انها تحسس نفسها انها بتح كذا
ياريت لو فيه دكتور علم نفس يوضح لى مخاطر السن اللى انا فيها و ازاى اتعامل فيه مع الناس فى الكليه بنات و ولاد

نصيحتى لك يكون تعاملك مع زملائك من نفس نوعك طالما متوفر ذلك
لان فيه ضرر من تعاملك مع زميلاتك لان واضح من شخصيتك
انها سهله الاستهواء والايحاء
لذا الاسلم لك التعامل مع اقرانك من الشباب
الله المستعان
اتمنى للجميع التوفيق
فى امان الله

[mostafa1991]

ههههههههه يا معلم انت مكبر الموضوع اوى
انت لية محسسنا ان شباب الجامعة دول اطفال ومحتاجين حد يقولهم ان دة غلط وعيب طيب مادى حاجة معروف هما مش عيال فى ابتدائى علشان تقول للولاد عيب يا حبيبى تكلم البنات انا مبقولش ان الموضوع دة صح بس مادام فى حدود الزمالة خلاص انما حب والحوارات دى لسة بدرى انت بس اخدت ان كل ولد بيكلم بنت يبقى بيحبها وعايشين قصة حب يا معلم مش للدرجة دى

[vampire1188]

مادام فى حدود الزمالة خلاص انما حب والحوارات دى لسة بدرى

انا رأيي من رأي مصطفي ..

يعني انا واحد من الناس اهو هاقولك عارف بنات .. ومش هاتكسف وانا بقولك كدا

بس في اطار الزمالة والله مش اكتر .. ودا لإني حاطط مبدأ معين بالنسبالي

وهوا ان حب من الجامعة لأ والف لأ .. لإنه مشروع فااااااشل من الدرجة الاولي !!

وكدا كدا اساسا التفكير في مبدأ الحب المؤدي للزواج دا ماينفعش التفكير فيه الا اما نوصل لمرحلة النضج

هاتقولي انتا كداب عشان انتا اكيد حبيت قبل كدا واستحالة تقول لأ !

هاقولك مش هاكدب عليك .. ايوا حبيت .. وطبعاً موضوع فشل .. واهو الواحد بيتعلم من أخطائه

انتا دلوقتي واحد في سن مابين الـ 16 للـ 18 غالباً .. ماتجيش تقنع نفسك ان اللي انتا هاتحبها دلوقتي هيا اللي انتا هاتفضل معاها اربع سنين تانيين عشان تتجوزها ! .. لإنك لو عملت إحصائية على علاقات الجامعة (الغرامية) .. هاتتلاقي ان 90% منها بيفشل .. و 85% من الـ 90% بيبقي حب استهبال ! .. والطرفين (الولد والبنت) بيبقوا عارفين دا كويس .. ولو روحت سألت ولد فيهم قولتله اللي انتا بتحبها دي هاتتجوزها ؟ .. اعتقد ان 60% هايقولك ياعم قضيها .. و 30% هايقولك الله اعلم .. و 10% هايدب خناقة معاك !!

وزي ما نداء الجنة قالك كدا .. انتا شكلك بتعاني من فراغ .. وهيا دي يمكن مشكلة كتير من الشباب .. سواءاً بنات او ولاد .. ويمكن البنات اكتر شوية .. اهم مافي الامر انك تحط في دماغك انك داخل الجامعة تتعلم .. تاني حاجة ماتقولش انا مش هاتعرف على بنات .. لا عادي اتعرف ومافيش مشاكل .. لإن برده المعرفة بتديك جرأة في التعامل وبتديلك خبرة لإنك بتنوع تعاملاتك معا الناس .. بس المهم انك تبقي عامل شخصية معاهم .. بحيث انك ماتأخدش بنت عليك .. عشان اما بنت بتاخد لى ولد اجارك الله منها .. بيبقي كوز بالنسبالها ! .. وزي مانتا كولد ليك نظرة سيئة على البنت اللي بتبقي هابلة معا الولاد .. برده البنات بيبقي ليهم نظرة سيئة معا الولد عديم الشخصية .. بمعني انك مش عشان عارف بنت يبقي تتنازلها بحجة انك تبقي جينتل معاها .. تروح تحجزلها الصبح في المدرج / تعزمها على الفطار / تروح تجيبلها الكتب / تقفلها في طابور شئون الطلبة !! .. كدا انتا بدل ماتبقي جينتل بقيت خدام ! .. وزي مابيقولوا خير الأمور الوسط .. فلا تبقي منعزل عن البنات اوي لدرجة الخنقة .. ولا تبقي متساهل معا البنات اوي لدرجة ان شخصيتك تندثر معاهم .. ولاحظ ان كل اللي قولته دا من واقع خبرة في الجامعة انا مريت بيها وعارفها كويس جدا ..

[مريم السباعى.]

اه والله عندك حق دة طلع النوضوع عالمى على كدة ومن سنسن

[برنس فوق الجميع]

انا شايف ان الموضوع مش غلط طالما فى قيود وحواجز للعلاقة بين الشاب والفتاه

[dandana.s]

السلام عليكم
بجد فية حاجات مش لطيفة بتحصل فى الجامعة بين البنات والولاد
او بعض البنات طبعا وبعض الاولاد مش عيزين نعمم
بس فعلا الحكاية دة منتشرة بنسبة 80 فى الكليات العلمية
وبنسبة 98 % فى الكليات الادبية زى الحقوق والاداب والخدمة الاجتماعية وكدا
انا مش بعيب فيهم ولا حاجة كل مكان فية الكويس وفية الوحش بس اللى نزل الجامعة هايشوف ويلاحظ
الحكاية مش مجرد زمالة لا دة فى كتير من الاوقات ياكلو مع بعض ويلعبة "اى " بنات واولاد وتسمع صوت الضحكة العالية وهات كفك وهاتى كفك وكدة
ربنا يهدينا واياهم ويثبتنا ع الحق

[Good Engineer]

المشاركة الأصلية كتبت بواسطة dandana.s

السلام عليكم
بجد فية حاجات مش لطيفة بتحصل فى الجامعة بين البنات والولاد
او بعض البنات طبعا وبعض الاولاد مش عيزين نعمم
بس فعلا الحكاية دة منتشرة بنسبة 80 فى الكليات العلمية
وبنسبة 98 % فى الكليات الادبية زى الحقوق والاداب والخدمة الاجتماعية وكدا
انا مش بعيب فيهم ولا حاجة كل مكان فية الكويس وفية الوحش بس اللى نزل الجامعة هايشوف ويلاحظ
الحكاية مش مجرد زمالة لا دة فى كتير من الاوقات ياكلو مع بعض ويلعبة "اى " بنات واولاد وتسمع صوت الضحكة العالية وهات كفك وهاتى كفك وكدة
ربنا يهدينا واياهم ويثبتنا ع الحق

الحمد لله ..مش عندنا الحاجات دى فى كلية الهندسة