مش عارف ارضى بقدرى

[أمير الظلام]

أنا بتدمر بموت فى اليوم مية مرة مش قادر أنسى ان حلم عمرى راح منى على ما فيش
طول عمرى كنت بحلم باليوم اللى هدخل فيه هندسة لكن للاسف الحلم راح على نصف درجة وأنا أزهر والواحد فى المية عندنا 6.5 درجة يعنى ما فيش نسبة خالص وكمان من الناحية التانية اتظلمت ظلم قذر فى مواد كتير وخصوصا الشفوى (لوحده سبع درجات ) أكتر من واحد فى المية

حاسس انى قلبى مليان حقد على كل اللى فى هندسة وانا عمرى ما كنت كده بيبقى يوم أسود لو شفت حد معدى عليا وشايل مسطرة بتوع الهندسة بسرح بأحلامى واتخيل نفسى بقا وانا فى الهندسة وأفضل أتخيل لحد لما اتخنق والاقى نفسى ببكى بطريقة تخد
أنا دخلت لغات وترجمة فورية انجلش صحيح الكلية ممتازة بس مش طموحى ولا حلمى الا طول عمرى بحلم بيه يعنى أخرتها اترمى فى كلية ادبية مش عارف أذاكر ولا انتظم فى الجامعة ولا ليا نفس أعمل ده حتى فى المستقبل خلاص راحت العزيمة والاصرار بح

الشقة اللى أنا عايش فيها فى المطرية لوحدى فيها مكتبة فيها أكتر من 8000 كتاب ده بالميت أوى ومن ضمن الكتب دى كتب ابن خالى كان فى هندسة ودلوقتى اتخرج واشتغل كان فى عمارة وكتبه بالعربى مش بعمل حاجة غير انى أقرا فيها خلاص انا اتعقدت وحاسس انى قربت على الجنان من كتر التفكير
وفى جامعة الازهر يوم بحضر فى لغات ويومين فى الهندسة
بجد أنا تعبان ومجروح جامد أوى ومش قادر أنسى
غير انى فىه شوية مواقف زى الزفت حصلوا معايا
يعنى حادث وفاة لانسانة كانت غالية عليا اوى وشوية مصايب وبلاوى تانية ......,بلاش أنكد عليكم
مش عارف أعمل ايه
بفكر أروح لدكتور نفسى بس مش عارف أروح ولا لا
أرجوكم حد يساعدنى ويقولى أعمل ايه