رئيس الإسماعيلي : الزمالك يسعى لتخريب الدراويش

[thechampion]

بقلم : ياسر الشريف



هاجم نصر أبو الحسن رئيس الإسماعيلي مسؤولي نادي الزمالك بسبب تعمدهم الدخول في مفاوضات سرية مع لاعبي الدراويش من أجل تحريضهم على ترك الفريق.

وقال أبو الحسن في تصريحات لـFilGoal.com إن المسؤولين الحاليين بالزمالك يفسدون العلاقات التاريخية بين الناديين من خلال تصرفاتهم غير المسؤولة مؤكدا أنه حتى مسؤولي الأهلي لا تصدر منهم مثل تلك الأفعال.

وربطت تقارير صحفية بين الزمالك وثلاثي الدراويش محمد فضل وشريف عبد الفضيل وعبد الله السعيد، إلا أن رئيس الإسماعيلي رفض فكرة التفريط في نجوم الفريق.

وأضاف رئيس الإسماعيلي "كنا نظن أن الأهلي هو من يفرغ الإسماعيلي من نجومه، إلا أن مسؤولي الزمالك يحاولون الآن إغراء نجوم الإسماعيلي بكل الطرق".

وتساءل أبوالحسن "كيف يدخل الزمالك في مفاوضات مع عبد الفضيل والسعيد وهو يعلم أنهم مرتبطون بعقود حتى 2013؟ ولماذا لا يتبع الطرق الشرعية في المفاوضات؟ فهذه الطرق تؤدي إلى إفساد العلاقة بين الناديين".

من ناحية أخرى، أتم الإسماعيلي استعدادته لخوض لقاء العودة أمام البستين البحريني في دور الـ32 من دوري أبطال العرب والذي سيقام يوم الثلاثاء في الإسماعيلية بناءا على طلب الفريق البحريني.

[Dr.ahmed91]

يمكن انا اسماعلاوي ووجهة النظر المتاخده عننا اننا بنحب الزمالك وبنكره الاهلي (مش بنحب بلاش نكره دي)

انما الحقيقة نسبة كبيرة قوي لا بتحب الاهلي ولا الزمالك

والاتنين عاوزين ياخدوا لعيبة الاسماعيلي ويبوظوا النادي

بس شوف الفرق

الاهلي ليه طرقه الخاصة وبيعرف يعمل اللي هو عايزه وحاجة كمان برضه
الحظ ان اللعيب ينجح معاه

والزمالك مش بيعرف ينيل حاجة ولا يتفاوض (غشيم بمعنى اصح) واللعيب مش بينجح معاه

زي رضا سيكا واسلام الشاطر وغيرهم

دلوقتي الزمالك عاوز بديل لشيكابالا طب نجيب مين... ابوتريكة..لاطبعا

هات عمر جمال با اما السعيد

ونجيب الواد شريف يظبط الدفاع

ونمشي عبد الحليم ونجيب فضل

...

اقولكم على حاجة غريبة تبين ان الزمالك غشيم

هولمان ده كان جاي يدرب الاسماعيلي ولما زاكروني اللي كان جاي الزمالك رفض خدوا هما هولمان (بالشفا)

....

مش عارف بس لو انا مش بحب الزمالك مرة فانا مبحبش الاهلي 100 مرة

[!DreAmeR!]

يابنى براحة على نفسك اتاكد من الخبر من على موقع الاسماعيلى ذات نفسة انما موقع فيلجول ده بيزيف الحقائق

ويطلع اشاعات على الفاضى هو الزمالك بيعرف يعمل حاجة ما تصلى على النبى يا عم قال بيسعى لتخريب الدراويش

ازاى ده هو ومتزعلش منى يعنى خربان الاسماعيلى زى الزمالك فى مركب واحدة يعنى ولما الزمالك يجيب لاعيبة الاسماعيلى

كده هو حل المشكلة وانت بتقول يظبط هيظبط ايه قولى نتائج الاسماعيلى واتفرج على الماتشات والله زى لاعيبة الزمالك بالظبط مفيش فرق الاتنين يشلوا

واحنا مركب واحدة وموقع فيلجول موقع فاضى مش لاقى حاجة يعملها قال اعمل اسفين بين الزمالك والاسماعيلى وكلنا نعرف الروح الطيبة بين الاتنين والله الخبر ده مش سليم خالص وانا بحلف لانى متاكد من كلامى

[thechampion]

والله يا سيدى موقع فى الجول موقع كبير جدا ومش مستنيك تعلق عليه

[aldemerdasch]

يا ابنى الزمالك عمره ما كان زى الاهلى بيحاول يسيطر على كل اللعيبه الزمالك نادى اخلاق واحترام واعتقد انك بتقول كدا كرها فى الزمالك وليس نقلا للخبر او حبا فى الاسماعيلى واعتقد كمان ان الخبر ده استحاله يكون صحيح لأن العلاقة بين الزمالك والاسماعيلى علاق وثيقه والعلاقه دى مش لسه بقالها يومين دا ماضى كبير وتعاون بين الفريقين يمكن انا وانت منعرفوش ولكن انا سمعت عنه والى الاخ الاسمعلاوى معلومه انا العم علما يقنيا انا الاسمعلاوية يعشقون الزمالك ليس كرها فى الاهلى وانما مايقدمه من وقفات رجوليه وحب لعيبة الفريقين لبعض واكبر دليل على ذلك علم الاسماعيلى الذى يرفرف دائما فى مدرجات الزمالك فى سماء القاهره اثناء مباريات الاهلى والزمالك والعكس فحب الفريقين شئ عظيم وارجو الا يتدخل احد فى الافساد

[aldemerdasch]

وبعدين الخبر مش صحيح

[الضوء الشارد]

المشاركة الأصلية كتبت بواسطة aldemerdasch

يا ابنى الزمالك عمره ما كان زى الاهلى بيحاول يسيطر على كل اللعيبه الزمالك نادى اخلاق واحترام واعتقد انك بتقول كدا كرها فى الزمالك وليس نقلا للخبر او حبا فى الاسماعيلى واعتقد كمان ان الخبر ده استحاله يكون صحيح لأن العلاقة بين الزمالك والاسماعيلى علاق وثيقه والعلاقه دى مش لسه بقالها يومين دا ماضى كبير وتعاون بين الفريقين يمكن انا وانت منعرفوش ولكن انا سمعت عنه والى الاخ الاسمعلاوى معلومه انا العم علما يقنيا انا الاسمعلاوية يعشقون الزمالك ليس كرها فى الاهلى وانما مايقدمه من وقفات رجوليه وحب لعيبة الفريقين لبعض واكبر دليل على ذلك علم الاسماعيلى الذى يرفرف دائما فى مدرجات الزمالك فى سماء القاهره اثناء مباريات الاهلى والزمالك والعكس فحب الفريقين شئ عظيم وارجو الا يتدخل احد فى الافساد

طبعا لأن الطيور على أشكالها تقع يعنى فرقة بسبع بطولات وفرقة تانية بحاجة واربعين بطولة وهما الأتنين بقالهم يجى خمس سنين ماخدوش بطولات . لكن الأهلى بيعمل تؤمة مع نادى مرسيليا من بشوات فرنسا .