مؤتمر القمة الثانى .. أن أن ااااااااااان

[أسيل رزق]

السلام عليكم ورحمة الله وبركاته

أهلاً ومرحباً بكم فى نشرتنا الإخبارية اليوم

سنُذيع على حضراتكم نشرة السابعة والنصف مساءاً

اليوم الموافق 22/11/2008م

تم عقد مؤتمر القمة الثانى لبناتيت المنتدى العساسيل بجامعة عين شمس العريقة

و تواجد فى هذا المؤتمر الصارم :abdoog8:

Sharp Nails
* dr.sara*
diro
الرهينه
فتاة الاسلام
اسيل رزق

والأخت دُع دُع صحبة الأخت ديرو

أُقيم المؤتمر فى ألسن عند الحجة نسمة الشهيرة بنسمة أتاية

وتحرك موكب الدكتورة أسيل ( مها ) من كلية الآداب إلى كلية الحقوق ( عند البلاعة : مكان تجمُعنا ) بعد عناء شديد طوال اليوم وهرباً من مُحاضرة الإحصاء ( الحمد لله مش بفهم منها حاجة أبداً ) و إنتظر الموكب وصول الموكب الثانى وهو موكب المتر فتاة الاسلام ( هدير ) ثم تحكر الموكبان من أرض الوطن إلى خارج الجامعة و صعدا إلى كوبرى المشاه و وصلا بحمد الله إلى بوابة كلية تجارة وكان فى إنتظارهما موكب الحجةsharp Nails ( نسمة ) وموكب الأستاذة الرهينة ( جهاد ) و تحركوا جميعاً إلى أونكل ميدو ( كافيتريا ألسن ) و لم نجد شاورما هناك فقرروا الذهاب إلى الواد ميدو ( كافيتريا تجارة ) و بعد عناء شديد الحجة نسمة عزمتهم على ساندوتشات شاورما والدكتورة مها عزمتهم على إزازتين ميه و لبان و الأستاذة جهاد عندنا ذهبت لشراء البيبسى إكتشفت إنها إتقلبت أو بمعنى آخر إتسرقت ( أنا مش بفضح أهو ) ولكن الحمد لله تم شراء البيبسى رغم سرقة الأستاذة جهاد و جاء للدكتورة مها تليفون بأن المتر ديرو وأنتيمتها دُع دُع إتقفشوا على بوابة تجارة والراجل بتاع الأمن علقهم من رجليهم ( طبعاً مش أشكال جامعات يعنى ) .. فى نفس الوقت كانت المتر هدير والأستاذة جهاد فى طريقهم إلى الأثنين اللى إتعلقوا من رجليهم .. فإنتظروا كلاً من ( مها / نسمة ) السادة جميعهم .. ولكن تأخروا كثيراً فقد ظنوا إنهم كلهم إتعلقوا من رجليهم .. فكادت ان تبكى الحجة نسمة علشان مش قادرة تمد إديها على الأكل إلا لما يجوا .. ولكن بحمد الله وفضله وجدناهم بعد طول إنتظار .. و أكلوا جميعاً سوا المتر هدير ( رخمة ) و تكلموا كثيراً فى مواضيع مُتعددة وأهمها المتر كوماندو وإكتشافه الفظيع للبلاعة اللى إتصورت عندها الإزازة المبروكة .. و الدكتورة مها عاقبت واحدة على فعلها الشنيع المُريع .. طبعاً ريشت عليها ميه ( أكيد عرفتوها ) .. جاءت الدكتورة سارة بعد إنتظار أيضاً .. و الدكتورة مها هى اللى راحتلها ولكن لم تعرفها ( إفتكرتنى نسمة بس إتخضت لما شافت نسمة هههه ) وجلسوا جميعاً يتحاورن فى أمور عديدة لا يمكن ذكرها ( رخامة.. إنتوا مالكم ) و أصرت الدكتورة سارة على الرحيل ولم يقدروا بقية السادة على إقناعها بالجلوس لفترة صغيرة و تم توصيلها إلى باب تجارة بأمان وسلام عن طريق الأختين الحلوين مها ونسمة .. ورجعا فلم يجدوا أى بنتوتة من البناتيت .. فإكتشفوا إنهم فى صيدلة وذهبوا إليهم و أخذوا بضع صور هناك .. و إليكم صور المقابلة

( على الله حد يتكلم على الأزايز نص كلمة .. مش هيلحق يكملها )

و ذهبوا كلا من ( هدير / ديرو / دُع دُع ) إلى كلياتهم ( أل إيه علشان المحاضرة .. عالم فاشلة ) وظلت الدكتورة مها جالسة مع الأستاذة جهاد والحجة نسمة إلى أن دقت الساعة الرابعة مساءاً و ذهبت الأستاذة جهاد إلى مدرجها و خرجت الحجة نسمة والدكتورة مها من الجامعة متواعدين على اللقاء يوم الأحد الموافق 23/11/2008م

ملحوظة : الحجة نسمة كانت كل ما تشوف قطة بتجرى وراها زى العيال الصغيرة ، واللأستاذة جهاد كانت بتعيط لما فلوسها راحت .. و أشكرها على البتاعة اللى لزقتها على موبايلى ، و الدكتورة سارة حسيت إنها كانت مكسوفة ومش عايزة تقعد مش فاهمة ليه مع غنها شخصية لذيذة موت ، والمتر هدير ليها حساب معايا علشان موقفين عملتهم ، والمتر ديرو وربنا ما أنا سيباها هجبلها جردل ميه مش إزازة واحدة .. هى فاهمة، وكلنا هيسنا تهييس مش ممكن .. وكان يوم لذيذ جداً ، و كفاية كده

وتوتا توتا فرغت الحدوتة .. و لم تنتهى النشرة بعد .. فإنتظروا اللقاء القادم بإذن الله

والسلام عليكم ورحمة الله وبركاته