فكاهة كاس العالم (المقدمة)

[نغم البحر]

وزهقنا من كاس العالم اللى مدوخ فى العالم فى كل حتة وكل مكان

تلاقى شبابنا ع القهوة قدام الماتش ولا اللمة بتاعة مائدة الرحمان

ومعلقين صوتها يصدع واحد تخين والتانى اقرع وفى الزعيق اكبر فنان

داوشين دماغنا على الفاضى ما الفاضى ده بيعمل قاضى ومهندس وطبيب اسنان

والفضائيات عينى عليها البث مباشر واديها قنوات رياضية كتير جدا وكمان وكمان

من اول يوم شوفنا الزيطة وصور اللعيبة على الحيطة ولا تعليقات زينة رمضان

دايما فى التليفزيون كورة والكل بيعدل فى الصورة ال ايه مش مظبوطة الالوان

كاس العالم ده فى المانيا واخد العالم لدنيا تانية الواحد منهم بقى عامل زى السكران

حسرة على شبابنا من الكورة شوفوا طلبة ثانوى المقهورة علشان الماتش وراه امتحان

هنقول ايه ونعيد ايه تانى الدنيا اتقلبت فى ثوانى ................ والحال بوظان


وعجبىىىىىىى


الى اللقاء مع المقطع الاول (جوزها الطفشان)..