يقطع الحب وسنينه

[هانى الشرقاوى]

أنا هكلمكم عن واحد صاحبى اسمه محمود
محمود كان زميلى فى ثانوي بس احنا مش كنا أصحاب
محمود كان بيحلم يدخل هندسة وأنا كمان
وأنا فعلا جتلى هندسة بس حولت منها الى لغات وترجمة فورية قبل ما أشوف الهندسة شكلها ايه أصلا

ومحمود خالف كل التوقعات ودخل علوم كيمياء (الكل كان يتوقع ان محمود هيكونله ترتيب )
لما دخلنا المدينة الجامعية سكنا مع بعض فى زنزانة واحدة أقصد غرفة واحدة وشوية شوية بقا محمود من أعز أصدقائى

محمود دلوقتى فى مشكلة وعامل زى الوردة اللى اتقطفت وبتدبل كل يوم عن اللى قبله
ما بيحضرش العملى ولا المحاضرات وامتحانات الترم خلاص
والسبب (ًص) دى بنت حبها واحنا قى ثانوى أنا أعرفها واحنا كنا أصحاب كمان
المهم محمود أخد نمرة تليفونها من على تليفونى (من غير ما أعرف ) وكلمها وكده
يوم بعد التانى كبر الموضوع وكبر الحب
رغم انهم عمرهم ما كلموا بعض الا فى التليفون ولما أقوله يا بنى انتى مش بتتكلم معاها ليه يقولى حرام بس ربنا يسامحنى فى اللى أنا عملته ده
برئ براءة الاطفال وكل الطموح اللى كان عنده اتقلب الى احباط
مش عارف أعمله ايه أو اساعده ازاى
لو فيه يوم ولا حاجة بننزل فيه الشرقية بنشوف البنت دى كتير هو بقا بياخد بعضه ويقف بعيد ولا كانه يعرفها أصلا وهى نفس الحوار وأنا فاهم كل حاجة ومش قادر أعمل أى حاجة
واليومين دول اتقدم للبنت دى عريس وأهلها موافقين وهى كل شوية تتصل بيه وتنكد عليه وطبعا مفيش مذكراة ولا زفت وتفضل تبعتله فى رسايل لحد ما خلاص محمود شكله هيعيد السنة دى
مش عارف أكلمها ولا لأ بس هكلمها أقولها ايه
قولت كتير لمحمود انسى يا ابنى خصوصا انى متأكد من حبه ليها بس أشك انها بتحبه ( وده باين أوى من تصرفاتها )
مش عارف أعمل ايه أو أساعده ازاى
حد يقولى اعمل ايه قبل ما الواد يضيع