اية رايك في الفرح الاسلامي

[ahmed monsif]

السلام عليكم ورحمة الله وبركاته
حضرت بالامس فرح صاحبي الانتيم ودة دكتور صيدلي المهم كان فرح اسلامي
الرجالة في مكان والبنات في مكان ومفصول بينهم بستاير
وفيه فرقة يقال انها اسلامية بدف وطبله ودرامز لكن من غير اي ادوات تصدر موسيقي
وبيغنو علي نفس الحان الاغاني العادية ونفس الريتم ماتفرقش حاجة بالله عن الصوت والدوشة والصخب اللي في الاغاني العادية غير طبعا في الكلمات المحترمة المحترمة فعلا مافيهاش مساس بالحياء ولا الاخلاق
لكن كان فيه كورال ورا المطرب بيردد وعامل زي صوت الموسيقي للاسف
السؤال بقي هل الموسيقي اللي حرام هي اللي تصدر عن الالات الموسيقية فقط؟
يعني هل كلاكس العرابية مش موسيقي جرس التليفون جرس الباب
مش قصدي التريقة او النقد لكن انا مقتنع ان الموسيقي حرام ولكن ليا اصحابي بيسالوني
وبعدين الصراحة مش قادر ابطل اسمع انا ابتديت اقلل مش هاقولكم اني مابسمعش لكن قليل
في النهاية ارجو قراءة الموضوع كله واسف علي التطويل
ارجو الرد
اخوكم د/احمد عبدالمنصف