يااهل المنتدى هل انا مجنونه

[رجاء فكرى ابراهيم]

اخوتى و اخوانى فى المنتدى كلما شاهدت فى الاخبار المجازر التى يتعرض لها اهل غزة و دموعى تلاحقنى مع كل منظر مرعب اراه امامى يدمى قلبى و عقلى منظر الاطفال الذين لا يعرفون شيء فى هذة الدنيا سوى حضن والديهما الدافىء - - اسمع الصوت يتردد ماما و بابا -- و اشاهد نحيب السيدات و هن يصرخن مش عارفه فاضل ايه تعمله هذه السيدات حتى يصدق المشاهدون حجم المصيبه اللاتى يعانين منها - - اكثر من ذلك ارى الرجال يبكون و ينتحبون ايه فاضل فى الدنيا افظع من كده - - والله العظيم ثلاثة انا لست منتميه لاى نشاط سياسى او غيره بل انا سيدة عامله عاديه حياتها بين عملها و اسرتها فقط و لكن مايشعرنى بالجنون هو ما يحدث فى العالم الان - - دولة صغيرة تعمل فينا كده ليه يعنى دة احنا مش حيوانات ناكل و نشرب فقط احنا بشر فضلنا الله عز و جعل لنا كرامة و عقل انا مش بقول نخش حرب - - فالوضع محير جدا اللى يخلى حماس تدخل حرب هى مش قدها و تعرض المدنيين لكل هذا الذل و العذاب دة الموت ارحم من الى هم شايفينه مليون مرة - - لكن يؤخذ علينا اننا تركنا المدنيين العزل فى هذا الحصار وسط النيران ليس لهم ملجا و هم يفرون مذعورون باشلاء ابنائهم يتمنون الموت فى كل لحظةمصر هى الاخت الكبرى للعرب و فى حياتنا بالبلدى كدة الاخ الاكبر بيشيل بلاوى اخوته فاذا كان القادة فى فلسطين اخطاوا فالمدنيين ملهامش ذنب دول دمنا - - دول لحمنا مينفعش نسيبهم كدة المفروض تفتح المعابر و ييجوا فى حضننا هنا فى مصر ان شالله ناكلها كلنا بملح لكن نعمل الواجب الى علينا ------ هنقول فى اتفاقيات - -اين هى هذة الاتفاقيات و اسرائيل القذرة خرقت كل الاتفاقيات - - هى التى بدات - - حتى لو كانت حماس هى الى بدات عمر مايكون هذا هو الرد - - - - لكن هذا هو رد اللئيم - - الحقير - - الذى لا يرحم و لا يعرف دين و لا رحمه و الدور علينا ان اجلا او عاجلا و سوف تتكرر الماساة و الدول التى تدعى انها متحضرة - - سوف تتفرج علينا فى التلفزيون - - - و يكونوا شايفنا فى عقر دارنا برضه و هيقولوا هنجتمع علشا ن ندرس الوضع بعد عشرة ايام - - و هكذا و كانهم مش شايفيين كل حاجه و هم على سرايرهم مدفيين فى حين اهل غزه المساكيين المساكيين يعانون كل صنوف العذاب - - المفروض يدخلوا مصر امنيين ومش شرط مصر كل البلاد المجاورة مسؤلة امام الله عز و جل عن المعاناه التى يراها اهلنا العذل فى وسط علم نزع منه العقل و تبقت المصالح فى وسط عالم وهم نحن العرب اتسمنا بمنتهى الغباء عندما نترك مثل هذه الدوله الحقيرة تفعل بنا ذلك - - سيدى الرئيس اقسم يمين الله انى اعزك و اقدرك و احبك مثل و الدى - - و نشفق عليك من حجم المسؤلية - - ونعرف حجم المعاناه التى تعانيها و خاصة من اجل الفلسطينين - - و مافيش دولة عربية عملت و من اللاخر هتعمل حاجه علشان الشعب الفلسطينى - - لكن مصر تقدر تعمل على الاقل نلم اشلاء اهلنا فى غزة - - لانترك هؤلاء الكلاب ينهشوا فيهم على مراى و مسمع من العالم كله - - نفتح المعبر على مصراعيه لدخول اهلنا احبابنا و ليكن ما يكون - - حتى لو متنا ما احنا هنموت هنموت و لكن نموت و كرامتنا محفوظه و نقابل ربنا و احنا مش خايفيين من بطشه بنا لتركنا هؤلاء الضعفاء و المستضعفين - - ولكن لو كنا خاييفيين من المخطط الاسرائيلى بانهم يخدوا سيناء بحجة وجود الفلسطينيين - - دى عمرها ما تكون حجه ابدا احنا نتقى الله فى هؤلاء الضعفاء و ان شاء الله ربنا هينصرنا و لكن السكوت على الظلم - - عقابنا اكبر عند الله عز وجل - - انا مش عارفة الى كتبته ايه لكن هو ده الى انا حساه و عاوزة اقولة لاهلى فى المنتدى - - يمكن - يمكن --و الله سبحانه و تعالى شاهد على ما اقول