قسم خاص بالاستفسارات و الطلبات [الأرشيف] - بوابة الثانوية العامة المصرية

vampire1188

07-07-2009, 10:48 PM

أولاً احب ارحب بكل الناس وكل الطلبة واخص بالذكر طلبة سنة اولي دفعة 2009/2010 (المستجدين)

واحب اقولهم الف مبروك لالتحاقكوا بكلية التجارة اللي هيا من اشهر الكليات على مستوى مصر من حيث الكثافة وفرص الشغل

طبعا فيه حوالى 18 كلية تجارة على مستوى 18 جامعة في مصر تقريبا فى جميع المحافظات من شمال مصر لجنوبها ومن شرقها لغربها

يمكن كلية التجارة بالذات هيا اللي بتتميز بان فيها انتظام وانتساب وفيها عربي وانجليش وفرنساوى

طبعا فيه اسئلة كتيرة جدا هاتواجهكوا بالذات في حكاية التقديم والتنسيق وكدا .. انا ان شاء الله في الموضوع دا هحاول بقدر الامكان اني اجمعلكوا الاسئلة البديهية اللي بتتسأل عشان اجاوب عليها ويكون عندكوا علم بيها

1- واحد هايقولي انتا قولت 18 جامعة في مصر .. ايه هما الجامعات دول ؟
الـ 18 جامعة دول مجرد جامعات حكومية فقط .. اي تابعة مباشرة للاشراف الحكومى والتمويل من الحكومة وكل حاجة بتبقي تابعة للحكومة .. اشهرهم (القاهرة/اسكندرية/عين شمس/حلوان/المنصورة/بنى سويف .. الخ)

2- يعني ايه انتساب موجه ويعني ايه انتظام ؟
فيه اوجه اختلاف مابين انتظام وانتساب زي :
أ- انتظام مصاريفها اقل من انتساب
ب- انتظام بيبقالهم حاجة اسمها سكاشن لكن انتساب مالهومش
ج- امتحانات انتساب اسهل بكتير من امتحانات انتظام
د- عدد انتساب اقل من عدد انتظام (بس الناس مابتلاحظش الحكاية دي)

3- ازاي اقدم في تجارة ؟
اما نتيجة التنسيق بتاعتك بتظهر بتروح شئون الطلبة بتاعة كليتك (يعني لو عربي تروح شئون عربي ، لو انجليزي تروح شئون انجليزي .. وهكذا) وبتاخد معاك الاتى :
أ- اصل شهادة الثانوية العامة (عشان مالهاش مستخرج رسمي)
ب- بطاقة التنسيق بتاعتك
ج- حوالي 6 صور (وتكتب اسمك وراهم عشان الصور ماتضيعش وسط الزحمة)
د- استمارة 2 جند للطلبة مش الطالبات (وغالباً هايرجعهالك تاني بس هاتها احتياطى وخلاص بـ 50 قرش من اي مكتب بريد)
بعد مابتاخد الحاجات دي بتحطها في ظرف بلاستيك من ابو كبسولة دا (ولازم يبقي بكبسولة وماتسألنيش ليه!) وتقدمه للراجل اللي قاعد في الشئون .. بعد مابيتأكد من بياناتك ويطابق اسمك اللي في بطاقة الترشيح بالاسم الموجود عنده في الكشوفات اللي جايه من مكتب التنسيق مباشرة بيقوم مديك بطاقة الترشيح تاني ويقولك معا السلامة خلاص كدا ورقك خلص والف مبروك

4- السؤال المهم بقي اللي بيتكرر كتير جدااااا - ازاي اخش تجارة انجليش ؟
اما التنسيق بيتفتح (مرحلة اولي طبعا) حضرتك بتكتب في الرغبات بتاعتك تجارة كذا .. يعني مثلا تجارة القاهرة / تجارة عين شمس .. المهم انها تكون انتظام وبس .. بعد مابتجيلك نتيجة التنسيق بتتبع الخطوات السابقة في السؤال رقم 3 بالظبط .. بس الفرق ان كل اللي بيحصل انك بتروح بقي لشئون الطلبة بتوع انجليش وتقولهم انا عايز اسحب ملف شعبة .. دا بـ 100 جنيه .. طبعا انتا مش هاتديله الـ 100 جنيه وش كدا .. هوا هايديك اذن دفع تروح تدفعه في خزنة الكلية والراجل بتاع الخزنة هايديك وصل .. هاتاخده وتديه لنفس الراجل بتاع الشئون هايقوم مديك الملف .. هاتملاه وتظبط حالك وتستني اما التنسيق الداخلى بتاع تجارة انجليش يظهر .. وساعتها نقولك الف مبروك

5- هل فيه شروط معينة عشان اخش تجارة انجليش ؟
اكيد طبعا فيه .. هيا سداح مداح كدا ؟! .. الشروط واضحة زي الشمس عشان ماحدش ييجي يناقشنى فيها تاني
أ- مجموع الثانوية العامة يكون مجموع انتظام (يعني كلمة انتساب موجه دي ماشوفهاش خالص)
ب- مجموع مادة الانجليش لا تقل عن 40 من 50 (80% من المجموع الكلي للمادة)

6- انا سمعت ان فيه حاجة اسمها المجموع الاعتبارى والتنسيق الداخلى .. ايه وجع الدماغ دا ياعم ؟
لا وجع دماغ ولا حاجة .. عشان العملية ماتبقاش سداح ومداح وكل من هب ودب يخش تجارة انجليش وعشان ادارة الكلية تضمن ان الناس اللي هاتدرس في تجارة انجليش دول يكونوا قدها بيبدأوا يعملوا عملية تصفية للناس اللي متقدمة .. والتصفية دي بتبقي من خلال حاجة اسمها المجموع الاعتبارى واللي بدوره بيؤدى للتنسيق الداخلى
سامع حد دلوقتى بيقولى ان برده مافهمتش حاجة ! .. اقولك ياعم الحاج
دلوقتى المجموع الاعتبارى دا ما هو الا عبارة عن :
مجموع الثانوية العامة (بدون المستوى الرفيع) + مادة الانجليش + المستوى الرفيع في مادة الانجليش اذا وجدت
طب يعني ايه اذا وجدت دي ؟ .. يعني اذا كانت موجودة خير وبركة .. مش موجودة يبقي دا مش هايشكل مشكلة في التقديم .. بس دا بيديك ميزة على غيرك في ان الكام درجة بتوع المستوى دول بيرفعوك في مجموعك الاعتبارى
طب والتنسيق الداخلى دا ايه نظامه ؟ .. بعد ما ادارة الكلية بتستلم طلبات الطلبة في الالتحاق بتجارة انجليش بيعملوا عملية غربلة او تصفية للناس اللي متقدمة .. بحيث انهم يقبلوا عدد معين هما محددينه طبقا لكثافة الكلية .. وغالبا بيبقي 600 طالب .. وعشان كدا هما بياخدوا اعلي 600 مجموع اعتبارى متقدملهم (كمثال مش اكتر)

7- طب وتجارة فرنساوى دي ايه نظامها ؟
تجارة فرنساوى موجودة فى كلية التجارة جامعة عين شمس ومش موجودة في اي حتة تانية غيرها .. وشروط قبولها زي تجارة انجليش بس شيل انجليش وحط فرنساوى

8- هل فيه شروط معينة عشان التحق بتجارة عربى ولا هيا زيطة ؟
لا هيا زيطة والحمد لله .. لإنك اصلا اول مابتقدم انتا كدا اولريدي بتقدم في شعبة عربي .. لو عايز بقي تتخصص في انجليش او فرنساوى دا بيبقالوا كلام تاني زي ماقولنا قبل كدا

9- (لطلبة تجارة القاهرة) انا سمعت ان فيه حاجة في الكلية اسمها برنامج جورجيا .. دا ايه نظامه دا ؟
البرنامج دا عبارة عن اتفاقية تم توقيعها مابين جامعة القاهرة وجامعة جورجيا .. وبيتم قبول 30 طالب فقط

10- ايه شروط الالتحاق ببرنامج جورجيا دا ؟
بكل بساطة هيا نفس شروط الالتحاق بكلية تجارة انجليش .. بس ضيف لدا انك لازم تكون واخد شهادة التويفل في الانجليش بمجموع لا يقل عن 550 نقطة .. غير ان فيه انترفيو بيتعمل ولازم تتجاوزه وتعدي منه

11- ازاي بقدم في البرنامج دا ؟
بالظبط زي مابتقدم في تجارة عادي جدا (راجع السؤال رقم 3) .. وساعتها بقي بقول للشئون انا عايز التحق بالبرنامج دا

12- وياترى مصاريفه كام ؟
20.000 جنيه في السنة

13- (لطلبة جامعة القاهرة) وانا بقدم ملفى برده سمعت عن ان فيه حاجة اسمها قسم اكتوارى او علوم اكتوارية .. ايه القسم الغريب دا ؟
قسم علوم اكتوارية دا قسم في تجارة ومقره في مبنى تجارة انجليش .. ودا برده كان عبارة عن اتفاقية تمت مابين جامعة القاهرة وجامعة كامبردج (الانجليزية) .. بس حاليا الاتفاقية بقت تابعة لجامعة سيتى .. المهم .. القسم دا نادر وجوده في الشرق الاوسط ككل .. وهوا قسم مهم جدا جدا ومجال شغله مفتوح .. وبيتهيألي مش موجود في مصر الا في جامعة القاهرة والجامعة الامريكية

14- هل فيه شروط عشان ادخل قسم اكتوارى دا ؟
اكيد فيه شروط .. اهمهم ان التخصص فيه مش بيبقي من سنة اولى .. لا بيبقي من سنة تانية .. بس بيشترط انك :
أ- تكون جايب جيد صافي في سنة اولي (عربى او انجليش)
ب- انك تكون علمى رياضة فى الثانوية العامة
ج- فيه اختبار بيعملوه في مادة الرياضة والانجليش و لازم تعديه عشان تلتحق بالقسم دا .. والتقديم فيه بيبقي بعد ظهور النتيجة بحوالي اسبوع
د- انك تكون رايح سنة تانية .. يعني سنة اولى خلصتها خلاص على خير والسنة الجايه هاتدخل سنة تانية

13- وياترى بقى الجامعات الخاصة دي مالهاش نصيب من كليات التجارة دي ولا ايه ؟
اكيد طبعاً ليها .. وتقريبا مافيش جامعة خاصة في مصر مافيهاش كلية للتجارة وادارة الاعمال

14- طب وايه هيا بقى الجامعات الخاصة اللى فيها كليات التجارة دي ؟
جامعة 6 اكتوبر - جامعة فاروس - جامعة مصر الدولية - جامعة مصر للعلوم والاداب - الجامعة الامريكية

أظن بيتهيألي انا جمعت معظم الاسئلة اللى بتتسأل وجاوبت عليها مقدماً .. اي حد عنده استفسار تاني يقدر يتفضل ويكتب السؤال بتاعه

وكل سنة وانتوا طيبين

ahmed610

07-07-2009, 11:35 PM

مجهود رائع منك يا فامبير انا متأكد انة هيفيد ناس كتير وان شاء اللة يبقى فى ميزان حسناتك
كنت عايز اصلحلك معلومة بس هى ان شعبة الاكتوارى مش شرط تكون علمى رياضة عشان تقدم ممكن تقدم لو انت علمى علوم او ادبى اهم حاجة تعدى الاختبار الى بيعملوة فى الاجازة والى بيكون فى الرياضة والانجلش والكلام دة على مسؤليتى
مشكور على مجهودك مرة تانية

vampire1188

08-07-2009, 09:29 PM

مجهود رائع منك يا فامبير انا متأكد انة هيفيد ناس كتير وان شاء اللة يبقى فى ميزان حسناتك

ربنا يخليك يارب

كنت عايز اصلحلك معلومة بس هى ان شعبة الاكتوارى مش شرط تكون علمى رياضة عشان تقدم ممكن تقدم لو انت علمى علوم او ادبى اهم حاجة تعدى الاختبار الى بيعملوة فى الاجازة والى بيكون فى الرياضة والانجلش والكلام دة على مسؤليتى

طالما على مسئوليتك خلاص اوكي ..

تمام يا فندم :078111rg3:

metab 9

09-07-2009, 04:09 PM

السلام عليكم
انا مجموعى السنة اللى فاتت 87
وشكلها كدة تجارة اكيييد
فكنت عاوز اعرف هل دراستها سهلة ولا لاو هل الرياضة اللى فيها نفس رياضة ثانوى يعنى جا جتا و الكلام دة ولا لا
يعنى من الاخر دراستها سهلة ولا لا يعنى عاوزة مزاكرة من اول السنة و لا فى اخر كام شهر ارجو الررددددددد

vampire1188

09-07-2009, 07:29 PM

انا مجموعى السنة اللى فاتت 87 وشكلها كدة تجارة اكيييد

ميه ميه واحسن ناس بتوع تجارة

فكنت عاوز اعرف هل دراستها سهلة ولا لا

والله على حسب مذاكرتك انتا .. بس عموما الدراسة لا سهلة ولا صعبة .. في المعقول

هل الرياضة اللى فيها نفس رياضة ثانوى يعنى جا جتا و الكلام دة ولا لا

رياضة سنة اولي تساوي الى حد كبير الاحصاء بتاعة الثانوية العامة

اما رياضة سنة تانية دي رياضة بنوك .. بتعرف تحسب الفوايد ازاي والارباح والاقساط السنوية والحاجات اللي زي دي

mazikatak

09-07-2009, 09:58 PM

مجهود جميل والله

metab 9

09-07-2009, 10:03 PM

يعنى دراستها كلها رياضة؟؟؟

vampire1188

10-07-2009, 01:16 AM

يعنى دراستها كلها رياضة؟؟؟

لا طبعا مش كلها .. فيه مواد نظرية وغالبا بتبقي حاجات تبع الادارة والتنظيم وكدا

جناات

10-07-2009, 10:18 AM

هى تجاره انجلش كل المواد الى فيها انجلش ولا كام ماده ؟؟

ahmed610

10-07-2009, 04:00 PM

كل المواد بالانجلش بس بعد شوية هتتعودى عليها ومش هيبقى فارق معاكى عربى من انجلش

GeNeRaL MB

10-07-2009, 04:48 PM

لا يا باشا فى جامعه المنصوره 3000 جنيه + 160 مصاريف الكليه ده على دفعتنا والوكيل قال السنه دى الى هيه 2009/2010 هتبقى ب5000 اى خدمه :d

vampire1188

11-07-2009, 12:24 AM

هى تجاره انجلش كل المواد الى فيها انجلش ولا كام ماده ؟؟

عندك 10 مواد في السنة كلها .. 5 ترم اولي و 5 ترم تاني

وكل المواد بالانجليش .. ومافيش حرف واحد فيها بالعربي

هاتقابلك صعوبات في الأول عشان بس انتي لسه خارجة من ثانوية عامة

ومش واخده على العيشة الجديدة بتاعة الجامعة .. بس مسيرك هاتبقي تمام بعد كدا وهاتاخدي على الوضع

وزي ماقال احمد بالظبط بس بعد شوية هتتعودى عليها ومش هيبقى فارق معاكى عربى من انجلش

mina_totti65

11-07-2009, 11:58 AM

طيب هى كلية التجاره (عربى) خدت من كام السنه اللى فاتت ومتوقع تاخد من كام السنه دى

vampire1188

11-07-2009, 05:02 PM

طيب هى كلية التجاره (عربى) خدت من كام السنه اللى فاتت ومتوقع تاخد من كام السنه دى

على حسب الجامعة واذا كانت علمي او ادبي او انتظام او انتساب .. حدد واحنا نقولك

mina_totti65

11-07-2009, 11:03 PM

على حسب الجامعة واذا كانت علمي او ادبي او انتظام او انتساب .. حدد واحنا نقولك

انا ادبى وعايز اعرف القاهرة او حلون او عين شمس (انتظام) معلش هتعبك معايا

GeNeRaL MB

12-07-2009, 12:22 AM

على فكره تجاره انجلش فيها ماده عربى الترم الاول اسمها دراسات تجاريه بلغه عربيه والترم التانى عندك حقوق انسان بالعربى ومدخل القانون بالعربى ده بالنسبه لجامعه المنصوره
الترم الاول 5 مواد والترم التانى 7 مواد :d

GeNeRaL MB

12-07-2009, 12:23 AM

على فكره انجلش اسهل من عربى بكتييير هيه صعبه فى الاول لكن بعد كده هتبقى لذيذه واى حد هيحبها غير عربى كلامها كتير زى ما زمايلنا بيقولو

perfect-girl

12-07-2009, 11:32 PM

بجد والله شكرا على مجهودك ده
كنت عايزه اسألأ هى البرامج الدوليه دى مش موجده فى اليكس:mad:
انا كنت جايبه فى تانيه 24.5 فى الانجلش فى تانيه وان شاء الله زيهم فى تالته برضه
واخده انجلش هاى ليفل ,, ده غير انى عملى رياضه
كنت عايزه اسأل برضه هو انا حستفد من الماس الى فى ثانوى فى الكله ؟؟ ولآ ؟؟
هو مفيش اى اولويه لخريجى المدارس اللغات فى الاتحاق بقسم الانجلش ؟;)

vampire1188

13-07-2009, 12:15 AM

انا ادبى وعايز اعرف القاهرة او حلون او عين شمس (انتظام) معلش هتعبك معايا

بالنسبة لتجارة القاهرة فا دي السنة اللي فاتت واخدة من انتظام 352.5 ..

وانا شخصيا اعتقد ان تنسيق الأدبي السنة اللي فاتت هوا هوا تنسيق السنة دي مش هايتغير

وعين شمس واخده السنة اللي فاتت انتظام برده 351 ، وحلوان 348

vampire1188

13-07-2009, 12:16 AM

على فكره انجلش اسهل من عربى بكتييير هيه صعبه فى الاول لكن بعد كده هتبقى لذيذه واى حد هيحبها

مانا بقول كدا يابني والله ماحدش بيصدقني .. بيقولي انتا بتتفزلك وخلاص !!

غير عربى كلامها كتير زى ما زمايلنا بيقولو

دا كتير بغباااااااااء .. انتوا عندكوا في انجليش بتكتبوا الكلام المفيد .. لكن احنا بقي بندش واجرنا على الله !

vampire1188

13-07-2009, 12:28 AM

بجد والله شكرا على مجهودك ده
كنت عايزه اسألأ هى البرامج الدوليه دى مش موجده فى اليكس

ماعتقدش للاسف .. عشان انتوا ماعندكوش تقريبا غير عربي وانجليش وفرينش ..

وعموما اما تخشي الكلية اسألي واستفسري يبقي احسنلك

انا كنت جايبه فى تانيه 24.5 فى الانجلش فى تانيه وان شاء الله زيهم فى تالته برضه
واخده انجلش هاى ليفل ,, ده غير انى عملى رياضه
كنت عايزه اسأل برضه هو انا حستفد من الماس الى فى ثانوى فى الكله ؟؟ ولآ ؟؟

طب دا كويس جدا انك جايبه 24.5 في الانجليش ..

خاصة ان في اسكندرية عندكوا بيقبلوا في الانجلش مش اقل من 45 من 50

وعموما بالنسبة للماث .. هاتستفيدي بيه نوعا ما رياضة سنة اولي (الترم الاول)

عشان انتي في اولي عندك في اسكندرية فيه 7 مواد في الترم الواحد .. بخلاف القاهرة بيبقوا 5 مواد في الترم

بس رياضة الترم التاني ماعتقدش .. لإنها متعلقة بمواضيع تجارية تبع البنوك وكدا

هو مفيش اى اولويه لخريجى المدارس اللغات فى الاتحاق بقسم الانجلش ؟;)

لغات لأ مافيش .. والدبلومة الامريكية برده لأ مافيش .. كله زي بعضه .. أهم حاجة درجة مادة الانجليش

وكدا كدا اتي طبيعي هاتتفوقي علي بتوع عربي عشان مستوي الانجليش هايبقي اعلي منهم

mina_totti65

13-07-2009, 11:36 AM

طيب ممكن انتساب كمان بالنسبة لتجارة يعنى اكيد بتبقى اقل شوية

vampire1188

13-07-2009, 05:09 PM

طيب ممكن انتساب كمان بالنسبة لتجارة يعنى اكيد بتبقى اقل شوية

اه اكيد طبعا انتساب بتبقي اقل بحوالي 3 او 4 في الميه من مجموع انتظام

mina_totti65

13-07-2009, 10:23 PM

اه اكيد طبعا انتساب بتبقي اقل بحوالي 3 او 4 في الميه من مجموع انتظام

طيب ادعيلى بقى

metab 9

14-07-2009, 02:07 PM

السلام عليكم
انا كنت عاوز اعرف عدد المواد فى اولى اسكندرية عربى و اية هم دراستهم يعنى
يعنى بيتكلموا عن اية و سهلين ولا صعبين و كمان اية اللى فيهم يتعلق بالرياضة بتاعت تانية ثانوى
لانى كنت ادبى و مااخدتش رياضة تالتة ثانوى
شكرااا

vampire1188

15-07-2009, 09:09 PM

انا كنت عاوز اعرف عدد المواد فى اولى اسكندرية عربى و اية هم دراستهم يعنى
شكرااا

انتوا في اسكندرية عندكوا 7 مواد كل ترم ..

الدراسة بتدور حوالين المواد اللي فيها ادارة وتنمية بشرية ومحاسبة ورياضة

يعنى بيتكلموا عن اية و سهلين ولا صعبين و كمان اية اللى فيهم يتعلق بالرياضة بتاعت تانية ثانوى لانى كنت ادبى و مااخدتش رياضة تالتة ثانوى

لا الرياضة بتاعة سنة اولي عندكوا بتدور حوالين الاحصاء بتاعة تالته ثانوي (لو كنت خدتها يعني)

وفيه بعض الاجزاء فيها بتدور حوالين التفاضل والتكامل تقريبا على مافتكر يعني

hero4ever

17-07-2009, 02:17 AM

الموضوع جامد و شكلك مشرف جامد و زي العسل , المهم انا من المنوفية (من غير تريقة :p ) و ان شاء الله ناوي تجارة :) بس انتساب نظرا للمجموع :( , المهم انا كنت عاوز استفسر عن حاجه اللي هي بقى ايييييييييييه ؟؟؟ ااااااااه
هو صحيح الانتساب بيفضل طول عمرة انتساب و بيستقصدوه و كده ولا ايه النظام ؟!

kheles

18-07-2009, 01:51 AM

hii
bgdd estfdt menakk a5rrrrrrrrrrr 7agaaaaaaaaa :) thnx a loott
ana sem3tt en fe mawad bl 3rbyf tegara englishh..w sem3t en madten bas bl english:s bas el7l lma shoftt ur topicc erta7tt awiiii ..thnx :)
ana kol el nas me3rdny 3la teara english 3shan gayba magmoo3 yd5lnyy a7san menha..bas ana mosamemaa 3lehhhhha awiiiiii

vampire1188

18-07-2009, 03:03 AM

هو صحيح الانتساب بيفضل طول عمرة انتساب و بيستقصدوه و كده ولا ايه النظام ؟!

لا طبعا .. انتساب يقدر يحول انتظام .. وانتظام برده يقدر يحول انتساب

انتظام يقدر يحول انتساب بدون شروط او قيود خالص

لكن عشان انتساب يحول انتظام لازم يشترط انه يكون جايب تقدير جيد على الاقل

vampire1188

18-07-2009, 03:06 AM

ana kol el nas me3rdny 3la teara english 3shan gayba magmoo3 yd5lnyy a7san menha..bas ana mosamemaa 3lehhhhha awiiiiii

طالما انتي مصممة عليها يبقي اكيد راغبة فيها وبتحبيها ..

وطالما بتحبيها يبقي ربنا ان شاء الله هايكرمك ويوفقك فيها

لكن من ناحية ان فيه مواد انجليش بتدرس بعربي دي معلومة غلط خاااااااالص

تجارة انجليش بيدرسوا كل المواد بالانجليش ومافيش ولا حرف فيها بالعربي

اما تجارة عربي فا فيه بعض المواد بالانجليش بيدرسوها .. اما اغلبية المواد بتبقي عربي طبعا

black love

18-07-2009, 11:46 AM

لو سمحت انا جايبه 87.3 السنه دي وكنت عايزه اخش تجاره انجلش وجايبه 41 في الانجليزي
بس انا مش عايزه اخش تجاره عربي لاما انجليزي لابلاش اعمل ايه

young coder

18-07-2009, 05:41 PM

طيب انا علمي رياضة

و جايب 88.9% من غير المستوى ( 89.756% بالمستوى )

و جايب 47 في الانجلش وواخد مستوى رفيع انجلش و جايب 8.5

ممكن اخش تجارة انجلش عين شمس ولا لأ

و هل ممكن اني احول لقسم الاكتوارى من عين شمس ولا لازم اكون في جامعة القاهرة ؟؟

vampire1188

18-07-2009, 10:29 PM

لو سمحت انا جايبه 87.3 السنه دي وكنت عايزه اخش تجاره انجلش وجايبه 41 في الانجليزي

مش هاكدب عليكي .. صعب في ظل المجاميع العالية اللي هاتبقي مقدمة معاكي في الدفعة

انتي اوكي ممكن تكوني جايبه مجموع تجارة انتظام والانجليش بتاعك معدي الحد الادني للقبول

بس في نفس الوقت مجموعك الكلي ومجموع الانجليش اؤكدلك انه هايبقي من اضعف المجاميع اللي هاتقدم

وبالتالي فرصتك ضعيفة في ظل الناس اللي هاتتلاقيها مقدمة معاكي ..

لإنك وانتي واقفة اصلا بتقدمي الورق هاتسمعي مجاميع لا تقل عن تسعينات .. هاتتعقدي من نفسك !!

انا مش بعقدك والله .. بس بنبهك للموضوع من أوله .. فرصتك ضعيفة ..

بس انا مش عايزه اخش تجاره عربي لاما انجليزي لابلاش اعمل ايه

لازم تجازفي .. عشان لو ماتقبلتيش في تجارة انجليش هايتم تحويلك تلقائي لتجارة عربي

وطبعا بما انك مش عايزة تجارة عربي يبقي هاتخشي في دوامة التحويلات بتاعة التنسيق

وهايبقي موال مش كويس .. خاصة انهم بيقبلوا نسبة معينة من التحويلات .. وبتبقي نسبة قليلة

vampire1188

18-07-2009, 10:38 PM

ممكن اخش تجارة انجلش عين شمس ولا لأ

ان شاء الله .. طالما مجموعك جايب تجارة انتظام لجامعة عين شمس يبقي ان شاء الله يجوز ليك انك تخشها

ادعي بس ربنا كدا وقول ربنا يكرمني واخشها

و هل ممكن اني احول لقسم الاكتوارى من عين شمس ولا لازم اكون في جامعة القاهرة ؟؟

لا .. لازم تكون قاهرة .. عشان اللي بيحول من جامعات تانية لجامعة القاهرة بيعمل حاجة اسمها معادلة مواد

معادلة مواد دي يعني بيشيل مواد فوق المواد العادية اللي بيدرسها طلبة سنة تانية تجارة .. عشان يكون معادل ليهم

كمثال .. انتا مثلا دلوقتي في حلوان ..

في سنة اولي درست محاسبة مالية بس .. لكن مادرستش محاسبة شركات .. وعايز تحول للقاهرة

في القاهرة بقي هما في سنة اولي درسوا محاسبة شركات .. يبقي غصب عنك بتيجي في سنة تانية بتذاكر محاسبة شركات عشان تعمل المعادلة .. وتبقي زيك زي طالب تجارة القاهرة العادي اللي كان واخدها من سنة اولي

وبما انك هاتشيل مواد فوق مواد سنة تانية العادية .. وبما ان التحويل لاكتواري بيبقي من سنة تانية ..

وبما ان امتحان الاكتواري بيبقي في شهر 8 .. وبما ان اصلا التحويل بيبقي في شهر 8 ..

يبقي كل دي عوامل هاتقف ضدك .. بالتالي مش هاينفع تحول من عين شمس لاكتواري القاهرة

young coder

18-07-2009, 10:46 PM

طيب ينفع اخش القاهرة ؟؟؟ رغم ان عين شمس اقربلي ؟؟

vampire1188

18-07-2009, 10:53 PM

طيب ينفع اخش القاهرة ؟؟؟ رغم ان عين شمس اقربلي ؟؟

طالما مجموعك ماجابش تجارة (انتظام) عين شمس .. يبقي تقدر تخش تجارة (انتظام) القاهرة

او بمعني اخر .. دلوقتي انتا بتقول عين شمس اقربلك ..

يبقي من المفترض ان مربعك السكنى تابع لجامعة عين شمس

وطبعا لقاعدة التوزيع الجغرافي ..

ان انتا طالما مجموع اول رغبة ليك في التنسيق يجيب الجامعة اللي انتا تبعها ..

يبقي مالكش غير انك تخش الجامعة اللي مربعك السكنى تابع ليها ..

اذا مجموعك ماجابهاش بقي .. يبقي بيشوفوا تاني رغبة ليك ..

من الاخر .. عشان تبقي في التمام .. اكتب اول رغبة تجارة عين شمس .. بعد كدا تجارة القاهرة

young coder

18-07-2009, 11:20 PM

لا انت مش فاهمني

لو انا مجموعي يجيب عين شمس و يجيب القاهرة

و حبيت ادخل القاهرة لان فيها قسم مش موجود في عين شمس

ينفع ادخل القاهرة مع ان المربع السكني تبع عين شمس ؟

ahmed610

19-07-2009, 01:16 PM

لا انت مش فاهمني

لو انا مجموعي يجيب عين شمس و يجيب القاهرة

و حبيت ادخل القاهرة لان فيها قسم مش موجود في عين شمس

ينفع ادخل القاهرة مع ان المربع السكني تبع عين شمس ؟
ينفع لان التنسيق بتاعى السنة الى فاتت كانو بيعتبروا جامعة القاهرةو عين شمس وحلوان نطاق جغرافى واحد وبالتالى ينفع تكتب القاهرة قبل عين شمس

جناات

19-07-2009, 04:17 PM

اولا ميرسى عالرد والموضوع جامد

ان شاء الله اناعايزه تجاره انجلش المنصوره جبت 92.5بس فالانجلش 44.5

عايزه اعرف المواد ايه وكده وميرسىىىىىىىىىىىىىىىىىىىىىىىى

vampire1188

21-07-2009, 12:30 AM

ينفع لان التنسيق بتاعى السنة الى فاتت كانو بيعتبروا جامعة القاهرةو عين شمس وحلوان نطاق جغرافى واحد وبالتالى ينفع تكتب القاهرة قبل عين شمس

طالما الكابتن احمد رد عليك يبقي انا ماقدرش اتكلم

vampire1188

21-07-2009, 12:35 AM

ان شاء الله اناعايزه تجاره انجلش المنصوره جبت 92.5بس فالانجلش 44.5 عايزه اعرف المواد ايه وكده

مش اما تخشيها الاول .. وبعدين مستعجلة على ايه ..

مانتي ماشاء الله الكتب هاتفضل قدامك طول السنة لغاية اما تتخنقي منها

عموما .. فيه حوالي 5 اقسام في المنصورة

ادارة اعمال ، اقتصاد ، احصاء ، تأمين ، محاسبة

الدراسة بتبقي عامة طوال السنتين الاولي والتانية

التخصص بيبقي في سنة تالته فيما عدا المحاسبة بيتخصصوا فيها في رابعة

في سنة اولي بتاخدي 6 مواد في الترم الاول .. و7 تقريبا في الترم التاني

المواد عموما بتدور في اطار مواد ادارية ومواد محاسبية ومواد اقتصاد ورياضة وكدا

حاجات لذيذة يعني ان شاء الله هاتحبيها ..

صديقة الذكريات

21-07-2009, 06:43 PM

تجارة وادارة اعمال جامعة حلوان احسن من اداب فى الشغل
عاوزة اعرف احسن قسم فيها وهشتغل اية منة
وشكرا على المجهود الرائع دة

أنين المذنبين

21-07-2009, 08:29 PM

السلام عليكم انا جايب 90.24 والانجليزى 36.5 ممكن اخش تجارة انجلش وممكن تكلمنا عن تجارة خارجية وتجارة نظم ومعلومات وهل هما احسن ام تجارة عربى ممكن ترد

vampire1188

21-07-2009, 10:25 PM

عاوزة اعرف احسن قسم فيها وهشتغل اية منة وشكرا على المجهود الرائع دة

على حسب رؤيتي انا .. شايف ان احسن قسم طبعا قسم المحاسبة ..

عشان شغله كتير والمحاسبين مطلوبين في مجال العمل

ليك انك تتخيل ان مافيش اصلا مصلحة او مكتب او اي مكان بيفتح شغل

الا ما لازم يبقي فيه محاسب عشان يظبط الحالة المالية للمكان

vampire1188

21-07-2009, 10:44 PM

السلام عليكم انا جايب 90.24 والانجليزى 36.5 ممكن اخش تجارة انجلش

للأسف لأ .. لإن الانجليش عندك واقع .. اقل من 40 من 50 .. ودا ماينفعش

وممكن تكلمنا عن تجارة خارجية وتجارة نظم ومعلومات

تجارة خارجية عبارة قسم من ضمن اقسام كلية التجارة .. ودا موجود في جامعة حلوان

والتخصص فيها بيبقي من سنة تالته

لكن تجارة نظم المعلومات دي شعبة .. زيها زي تجارة انجليش كدا .. بيتم التخصص فيها من سنة اولي على طول

وبيكون ليها شروط زيها زي الطالب اللي عايز يخش تجارة انجليش بالظبط

والسنة اللي فاتت الشعبة دي قبلت حوالي 200 طالب بس

والدراسة في الشعبة دي بتبقي بعيدا عن مقر جامعة حلوان خالص ..

بيتم الدراسة في مكان تاني خارج الحرم نفسه .. في الزمالك تقريبا

والتسجيل في الشعبة بيبقي بعد بدأ الدراسة .. ونتيجة الالتحاق بتعلن بعديها بحوالي شهر

البراك

22-07-2009, 12:50 AM

معلش vampire انا واجعة دماغك بس لو تعرف تفيدنى يبقى كتر خيرك لو تعرف تقولى التربية بتاخد من كام حوالى كام فى الميه يعنى ياريت وهل فبها برده زى معظم الكليات انتساب وانتظام ومن ناحية تانية هل التجارة E بتنمى لغة ولا هى حسابات وتعريفات وكده يعنى وشكرا مرة اخرى على موضوعتك الاكتر من رائعة

vampire1188

22-07-2009, 01:16 AM

معلش vampire انا واجعة دماغك

لا ماتقوليش كدا ابدا ..

لو تعرف تقولى التربية بتاخد من كام حوالى كام فى الميه

على حسب الجامعة .. وعلى حسب انتي علمى ولا ادبي

ادبي .. كانت في 2008 بتتراوح مابين 92.8 % لـ 85 %

وعلمى .. كانت في 2008 بتتراوح مابين 93 % لـ 86 %

وهل فبها برده زى معظم الكليات انتساب وانتظام

لأ مافيهاش .. وعلى فكرة هيا بتقفل على مرحلة اولي .. مالهاش مرحلة تانية

هل التجارة e بتنمى لغة ولا هى حسابات وتعريفات وكده يعنى

تجارة انجليش ياستي زي ماتقولي كدا هيا نفس تجارة عربي .. بس ترجميها لانجليزي

الانجليش في التجارة عموما مش بينمي لغة ولا حاجة ..

لإن انتي اصلا غصب عنك اللغة لازم تكون كويسة عندك

عشان تعرفي ترغي في المواد النظري في الامتحان وكدا

ويمكن دا اللي بيفرق الناس اللي متخرجة من مدارس لغات وتجريبي

عن الناس اللي متخرجة من مدارس عربي

بس عموما .. هيا مش بتنمي ولا حاجة .. هيا عبارة عن ترجمة لتجارة عربي (دا في مواد النظري والرياضة)

لكن في مواد العملي زي المحاسبة بيتم دراستها بأسلوب مختلف عن تجارة

لإن مناهج المحاسبة بالذات في تجارة انجليش بتكون جايه من بره ..

حتى الكتب نفسها اللي بتدرسي فيها بتبقي كتب مستوردة اصلا ..

وهوا دا سبب ان الكتب بتبقي غالية .. حوالي 1500 جنيه في جامعة القاهرة

غير كدا .. المنهج نفسه بيبقي امريكي .. اسلوب المحاسبة بيبقي اسلوب امريكي

وهوا دا الاسلوب الكويس والمتبع في معظم انحاء العالم

لإن فيه حاجة اسمها مقاييس او معايير المحاسبة المصرية .. وحاجة تانية اسمها معايير المحاسبة الدولية

في تجارة انجليش بيدوكي معايير تتوافق معا المعايير الامريكية شوية .. اللي هيا اصلا المعايير الدولية

لكن في عربي بيدوكي معايير المحاسبة المصرية .. ولو ان كلام الكتب اصلا بيختلف عن الحياة العملية نوعا ما

ويمكن هوا دا سبب تفضيل الشركات والبنوك لطالب تجارة انجليش عن طالب تجارة عربي

الشركات مش بتطلب تجارة انجليش عشان هوا واحد فاهم انجليزي وكدا ..

ان كان على الانجليزي فيه ناس في تجارة عربي وبيبقوا ماشاء الله في الانجليش .. صاروخ

لكن الشركات بتطلب تجارة انجليش عشان بيبقي هوا درس حاجات متوافقه معا اسلوب الشغل عندهم

shroukk

22-07-2009, 05:28 AM

Bo2loz Afandy

22-07-2009, 09:16 AM

انا جايب 85% ادبى ، المجموع 345.5 + مستوى رفيع انجليزى 8 = 348.5
مجموع الانجليزى = 42.5
إن شاء الله الحق تجارة انتظام .. بس تجارة انجلش فرصتى ضعيفة بالنسبة لحكاية المجموع الاعتبارى دى
علشان هيبقى مجموعى 348.5+42.5+3 = 394
طبعا مش لاحق انجلش القاهرة ولا عين شمس بتنسيق السنة اللى فاتت
بس سمعت ان مجموعى ده ممكن يتقبل انجلش فى بنها .. الكلام ده صحيح؟؟
وهى بنها انجلش قبلت السنة اللى فاتت كام فى التنسيق الداخلى؟؟
وهل تجارة انجليزى بنها افضل ولا تجارة عربى (القاهرة - عين شمس - حلوان)
غير كده فيه حاجة مهمة انا عايز لو متقبلتش تجارة انجليزى بنها ادخل عربى اى جامعة تانية غير بنها
مهو مش هيبقى عربى وخراب ديار!!!
خصوصا انى سمعت ان التنسيق الداخلى ده بيتأخر وتقريبا بيخلص بعدما ما يكون باب التحويلات اتقفل .. اعمل ايه؟؟
هل اجازف واحاول فى انجلش بنها .. ولا مفيش امل واخدها من قاصرها وخلينى عربى فى القاهرة ولا عين شمس احسن .. ومش مشكلة عربى عربى والنبى عربى !!!!

عمرو ع

22-07-2009, 10:32 AM

طيب انا توزيعى الجغرافى بنها ممكن انى فى تانيه احول القاهره عشان التحق بالبرامج الدوليه دى والا لازم اولى تبقى من القاهره ؟
تانى سؤال ازاى بيحسبوا الفرنساوى لو تجاره فرنساوى وخصوصا ان مفيش مستوى فرنساوى بيبقى المجموع الكلى و مجموع الفرنساوى ؟ والا ايه لو سمحت ارغى شويه عشان نفهم

عمرو ع

22-07-2009, 10:42 AM

انا جايب 362 بالمستوى الرفيع بس المستوى مش انجلش وجايب فى الانجلش 42.5من 50 الحق تجاره انجلش والا لا ولو لحقت بنها لان بيقولوا ان هى بتاخد اقل حاجه ممكن احول فى تانيه اى جامعه اخرى بعد تقدير ان شاء الله والا لا ارجوكوا حد يجاوبنا احنا مرحله اولى ومرعوبين وعاوزين نعرف اكتر عشان احنا خلاص يعنى هنروح نقدم الاسبوع الجاى تقريبا وعاوز طلب اخر؟ ممكن ان كل ال عاوزين يستفسروا على تجاره انجلش بقا او فرنساوى او اى حد ممكن حد يقعد معانا فى الغرفه الصوتيه يفهمنا والا مينفعش وتبقى مواعيد محدده ينفع والا لا يا ريت الررررررررررررررررررررررررررررررررد

رونالدينهوو

22-07-2009, 10:57 AM

انا خلصت3 ثانوى 2009 وجبت 82.8% وجبت فى الانجليزى 42.5 هل ينفع ادخل تجاره انجليزى عين شمس او القاهره وهل ما دام انا عايزه ادخل تجاره انجليزى مكتبش فى الرغبات تجاره انتساب موجه لعين شمس او القاهره.

بعد اذنك يا فامبير انا هرد على السؤال ده
للاسف مش هينفع لانك لازم تكونى جايبة مجموع الانتظام علشان تقدرى تدخلى انجلش

الا لو التنسيق جاب تجارة انتظام على نفس المجموع

أنين المذنبين

22-07-2009, 06:36 PM

لو سمحتم ايه رأيكم فى تجارة خارجية

co0ol91

22-07-2009, 07:26 PM

hi guyz.....
sup every1?
ana gayeb 365+4 A. level=369 ya3ni 90% belzabt we gayeb fel english 46.5 we ana adaby wel magmo3 el e3tebary 415.5
yenfa3 ad5ol tegara english 3in shams wala la2?
we 3ayez a3raf plzzzzz el magmo3 el e3tebary beta3 tegara english 3in shams wel qahera kan kam el sana eli fatet...
thnx alot............

vampire1188

22-07-2009, 08:16 PM

انا خلصت3 ثانوى 2009 وجبت 82.8% وجبت فى الانجليزى 42.5 هل ينفع ادخل تجاره انجليزى عين شمس او القاهره

لا طبعا .. لإن المجموع دا صعب جدا انه يجيب حتى تجارة انتظام القاهرة او عين شمس اصلا !

وهل ما دام انا عايزه ادخل تجاره انجليزى مكتبش فى الرغبات تجاره انتساب موجه لعين شمس او القاهره.

بالظبط كدا .. لإن تجارة انجليش لازم تكون تجارة انتظام

vampire1188

22-07-2009, 08:23 PM

بس سمعت ان مجموعى ده ممكن يتقبل انجلش فى بنها .. الكلام ده صحيح؟؟

اه ممكن ليه لأ .. ماهي السنة اللي فاتت واخده 346

وهى بنها انجلش قبلت السنة اللى فاتت كام فى التنسيق الداخلى؟؟

مش عارف صراحة .. هابقي اسألك واحد صاحبي واقولك

وهل تجارة انجليزى بنها افضل ولا تجارة عربى (القاهرة - عين شمس - حلوان)

ياعم عادي .. كله زي بعضه وربنا .. ماهي نفس المناهج هيا هيا مش بتتغير يعني

غير كده فيه حاجة مهمة انا عايز لو متقبلتش تجارة انجليزى بنها ادخل عربى اى جامعة تانية غير بنها

متهيألي ممكن .. بس التحويل هايبقي عشان حكاية تقليل الاغتراب ..

وساعتها هاتبقي محول طالب انتساب كمان مش انتظام

vampire1188

22-07-2009, 08:30 PM

طيب انا توزيعى الجغرافى بنها ممكن انى فى تانيه احول القاهره عشان التحق بالبرامج الدوليه دى والا لازم اولى تبقى من القاهره ؟

ماعتقدش

ازاى بيحسبوا الفرنساوى لو تجاره فرنساوى

الاولوية بتبقي للمدارس الفرنساوية طبعا .. لكن لو ثانوية عامة بياخدوا الناس اللي جايبه درجات كبيرة في الفرنساوي .. من 45 لـ 50

طريقة الحساب في المجموع الاعتباري بتبقي زي تجارة انجليش برده

مجموع الثانوي + مجموع الفرنساوي

co0ol91

22-07-2009, 09:56 PM

vampire1188

22-07-2009, 11:04 PM

yenfa3 ad5ol tegara english 3in shams wala la2?

اه ان شاء الله ينفع .. ادعي كدا وقول ربنا يسترها

صديقة الذكريات

23-07-2009, 12:41 AM

تجارة وادراة اعمال حلوان
ولا عين شمس
طالما هى هتبقى تجارة عربى لانى مش هينفع ادخل انجلش خالص مجموع الانجليزى 35
انى تجارة افضل حلوان ولا عين شمس

riham_eg

23-07-2009, 01:00 AM

شكرا على ردودك ومجهودك الرائع vampire
ممكن تتكلم اكتر عن تجاره خارجيه وتجاره نظم ومعلومات
وهل تجاره القاهره وعين شمس فيها نفس اقسام تجاره حلوان ولا لأ
كلية تجاره وادارة اعمال يعنى ايه زى تجاره خارجيه يعنى قسم ادارة اعمال

riham_eg

23-07-2009, 01:05 AM

vampire plz رد عليا قبل انتهاء تنسيق المرحله الاولى عشان لو هعمل تعديل
plzقول ايه هى مجال الشغل فى تجاره خارجيه ونظم ومعلومات وهل هى احسن ولا تجاره العاديه

co0ol91

23-07-2009, 01:52 AM

[
we 3ayez a3raf plzzzzz el magmo3 el e3tebary beta3 tegara english 3in shams wel qahera kan kam el sana eli fatet...
thnx alot

أنين المذنبين

23-07-2009, 02:31 AM

السلام عليكم انتوا ايه رأيكم فى تجارة القاهرة ولا تجارة خارجية افيدونى بالله عليكواااا

vampire1188

23-07-2009, 03:06 AM

تجارة افضل حلوان ولا عين شمس

والله العظيم يابنتي ما هاتفرق حاجة .. كدا كدا اصلا انتي هاتلاقي نفسك هاتخشي محاسبة انا عارف

بس يمكن حلوان فيها ميزة وهوا انك بتتخصصي في سنة تالته .. يعني بدري عن عين شمس وحلوان

هيا دي الميزة الوحيدة .. لكن غير كدا الجامعتين زي بعض

حلوان بتفرق عن عين شمس والقاهرة في انها فيها تخصصات اكتر .. ومتاحة لجميع الطلبة بدون تقدير

لكن القاهرة فيها تخصص اكتواري .. والتخصص فيه بيبقي من سنة تانية .. وليه امتحان كمان عشان تخشيه

غير كدا الجامعتين زي بعض .. حتى المناهج نفسها زي بعض .. بس التقديم والتأخير هوا اللي بيفرق

يعني مثلا في القاهرة انتي بتدرسي محاسبة شركات في الترم التاني سنة اولي ..

في حلوان بقي بتدرسي محاسبة الشركات في سنة تانية الترم الاول ..

بس لو بصيتي في المحصلة النهائية بعد الاربع سنين

هاتتلاقي ان هيا هيا في كل الجامعات على مستوي مصر

فعادي مش هاتفرق كتير .. كله زي بعضه

vampire1188

23-07-2009, 03:08 AM

ممكن تتكلم اكتر عن تجاره خارجيه وتجاره نظم ومعلومات

والله يا جماعة اتكلمت عليهم قبل كدا كذا مرة ..

تجارة خارجية دا عبارة عن قسم في تجارة حلوان .. والتخصص فيه بيبقي من سنة تالته

لكن نظم معلومات دي شعبة .. زيها زي تجارة انجليش كدا ..

و التخصص فيها بيبقي من سنة اولي على طول

vampire1188

23-07-2009, 03:11 AM

السلام عليكم انتوا ايه رأيكم فى تجارة القاهرة ولا تجارة خارجية افيدونى بالله عليكواااا

والله والله والله ماهاتفرق كتير .. كله زي بعضه

لإنك هاتيجي اما تتخصص هاتتلاقي ناس كتيرة اوي بتخش قسم محاسبة ..

وانتا نفسك هاتخش محاسبة وابقي افتكر كلامي دا .. عشان المحاسبة هيا اللي شغلها كتير اوي ومطلوب

وبما ان تجارة القاهرة فيها محاسبة .. وحلوان فيها محاسبة ..يبقي مش فارقة

الفرق في ان التخصص في حلوان بيبقي بدري شوية .. في سنة تالته .. لكن القاهرة في سنة رابعة

دي الميزة الوحيدة اللي في حلوان .. فيما عدا ذلك كله زي بعضه

أنين المذنبين

23-07-2009, 08:49 AM

السلام عليكم لوسمحت كلمنى عن تجارة مميزة وايه شروطها وانا جايب 90.24 ممكن اخوشها ولا لا وكيفية التقدم فيها وهل ينفع اما اخش تجارة القاهرة ان شاء الله اقدم انجليزى وعربى فى نفس الوقت افيدونى جزاكم الله خيراا

abd000

23-07-2009, 12:08 PM

لو سمحت ممكن تنصحنى ادخل اداب انجليزى ولا تجارة انجليزى وانهى كلية فرصها احسن فى الشغل ان شاء الله

riham_eg

23-07-2009, 07:24 PM

vampire ميرسى على الرد الاول
وكنت عاوزه اعرف ايه احسن تجاره نظم ومغلومات احسن ولا تجاره خارجيه ولا تجاره العاديه

riham_eg

23-07-2009, 09:15 PM

وهل تجاره القاهره وعين شمس فيها نفس اقسام تجاره حلوان ولا لأ

انطون الزملكاوى

23-07-2009, 10:59 PM

vampire1188

23-07-2009, 11:42 PM

السلام عليكم لوسمحت كلمنى عن تجارة مميزة وايه شروطها

دي موجودة في تجارة القاهرة ..

جرى العرف في كلية التجارة ان فيه نظام ماشي اسمه نظام المجموعات ..

وهوا ان الكلية بتقسم نفسها لكذا مجموعة بناءا على الترتيب الأبجدي ..

سواءا في انجليش او عربي

بالنسبة لتجارة عربي فيها انتظام وانتساب ..

تجارة انتظام تتضمن 4 مجموعات (أ - ب - جـ - د)

تجارة انتساب تتضمن 3 مجموعات(هـ - و - ز)

اما تجارة انجليش فيها 6 مجموعات ( a-b-c-d-e-f)

المجموعة المميزة دي بقي تم انشاءها من قيمة سنتين كدا .. والسنة اللي فاتت اول مرة تتعمل لسنة اولي

ودي معمولة للناس اللي بتجيب مجاميع عالية في الثانوية العامة ..

والسنة اللي فاتت تقريبا خدت من حوالي 92 % .. على حسب الله اعلم (روح الشئون واسأل)

عشان الالتحاق فيها بيبقي اختياري مش اجباري .. يعني انتا بتقدم فيها

والدراسة فيها باللغة العربية عادي جدا .. ومصاريفها زي مصاريف انتظام بالظبط

وشرط الاستمرارية فيها انك تجيب جيد جدا كل سنة .. لو جيبت اقل من التقدير دا بتروح للمجموعات العادية

وهل ينفع اما اخش تجارة القاهرة ان شاء الله اقدم انجليزى وعربى فى نفس الوقت

لا طبعا ماينفعش .. يا تدرس عربي يا تدرس انجليش ..

لكن انتا تقدر تحول من انجليش لعربي لو تحب يعني .. لكن العكس لأ

vampire1188

23-07-2009, 11:47 PM

لو سمحت ممكن تنصحنى ادخل اداب انجليزى ولا تجارة انجليزى

دا يتوقف على رؤيتك انتا لمستقبلك .. بمعني ان اختيارك لكليتك بيتحدد على ضوء حاجات معينة زي :

1- مدى قبولك وحبك للكلية اللي انتا هاتخشها

2- رؤيتك الشخصية في هل انتا هاتمشي في الكلية دي ولا لأ

3- فرصة الشغل بتاعتك هاتبقي في انهي مجال (التدريس ولا الترجمة ولا التجارة والبنوك)

بمعنى اخر ..

انتا دلوقتي عندك واسطة مثلا في بنك او شركة معينة .. يبقي خش تجارة احسنلك ..

لإنك ضامن انك تشتغل ..

حاجة تانية مثلا انتا عندك واسطة في مدرسة معينة او شايف انك بتعرف تشرح

وان التدريس معاك هايبقي كويس خش اداب ..

او ان انتا مثلا شايف نفسك في الترجمة هاتبقي جامد .. يبقي برده خش اداب ودعم دا بكورسات ترجمة

وهكذا .. انتا اللي تحدد مش انا .. ان كان على الشغل فالشغل موجود ودا اصلا رزق من عند ربنا

لكن انتا اللي تقول بنفسك ..

vampire1188

23-07-2009, 11:49 PM

وكنت عاوزه اعرف ايه احسن تجاره نظم ومغلومات احسن ولا تجاره خارجيه ولا تجاره العاديه

أكيد نظم معلومات .. لسببين رئيسيين :

1- ان القسم دا تقريباااا مش موجود الا في جامعة حلوان بس .. وبياخدوا اعداد قليلة (200 طالب بس)

2- ان الدراسة فيه بالانجليش .. يبقي انتي بتجمعي مابين تجارة انجليش ومابين نظم معلومات

3- انها شعبة زيها زي عربي وانجليش .. يعني التخصص فيه من سنة اولي على طول

vampire1188

23-07-2009, 11:56 PM

وهل تجاره القاهره وعين شمس فيها نفس اقسام تجاره حلوان ولا لأ

قصدك ان تجارة حلوان فيها نفس تخصصات جامعة عين شمس وجامعة القاهرة مش العكس

تجارة القاهرة فيها 3 تخصصات .. ودول متاحين لكل الناس ..

محاسبة ، ادارة اعمال ، تأمين .. ودا التخصص فيه من سنة رابعة ..

غير بقي قسم تاني دا اسمه قسم اكتواري ودا التخصص فيه من سنة تانية

وليه طريقة مختلفة عشان تلتحقي بيه .. على خلاف الاقسام اللي قولهالك قبل كدا

بالنسبة بقي لتجارة عين شمس مافيهاش الا تخصصين .. محاسبة وادارة اعمال

لكن تجارة حلوان بقي فيها 5 اقسام ..

محاسبة ، ادارة اعمال ، احصاء بالاضافة لـ .. سياسة وتجارة خارجية .. والتخصص من سنة تالته

بالاضافة لشعبتين طبعا .. شعبة انجليش وشعبة نظم معلومات

metab 9

24-07-2009, 12:26 AM

السلام عليكم
انا جبت 93 وانشاء الله تجارة عربى اسكندرية
انا سمعت بقى ان فى حاجة اسمها مجموعات مميزة للى جايبين فوق التسعين
بتتكون من 50 طالب وبتبقى بنفس المصاريف فيا ريت اعرف عنها كتييير وازاى ادخلها
هل الكلام دة صح ولا لا
وكمان سمعت ان فية مكافائات مادية للى برضو جايبين مجموع عالى
صح الكلام دة ولا لا
ارجو الرد

Bo2loz Afandy

24-07-2009, 01:39 AM

شكرا يا فامبير باشا على ردك
وياريت متنساش ضرورى تسألى على تجارة انجليزى بنها قبلت من كام فى التنسيق الداخلى
علشان زى ماقولتك مجموعى الاعتبارى 194 يعنى صعب اتقبل فى القاهرة او عين شمس او حلوان
والامل الوحيد ليا انى ادخل انجلش هى بنها بس ..

وبعد اذنك سؤال كمان بخصوص تجارة شعبة نظم معلومات اللى فى حلوان
انا مش فاهم يعنى ايه شعبة زيها زى تجارة انجش كده
يعنى مثلا زى ما ادخل تجارة انجلش قسم محاسبة
ادخل تجارة نظم معلومات قسم محاسبة
ياترى انا كده فهمت صح ولا ايه؟؟؟
ولا نظم معلومات ده قسم .. يعنى هبقى تجارة حلوان قسم نظم معلومات
ياريت توضحلى اكتر ...
وياريت اعرف شروط القبول فيها واقدم فيها ازاى وهل هى ليها مصاريف تانية برده زى انجلش كده ولا لأ طالما هى من اول سنة زى ما انت قولت
ومتشكر ليك جدا جدا جدا ....

vampire1188

24-07-2009, 02:47 AM

انا سمعت بقى ان فى حاجة اسمها مجموعات مميزة للى جايبين فوق التسعين بتتكون من 50 طالب وبتبقى بنفس المصاريف فيا ريت اعرف عنها كتييير وازاى ادخلها هل الكلام دة صح ولا لا

دي ياسيدي عبارة عن مجموعات بيتم اعدادها للناس المتفوقة

اللي هما جايبين مجاميع عالية في الثانوية العامة .. غالبا مابتقلش عن 90% يعني ..

دا طبعا بالنسبة لسنة اولي اللي لسه داخلين جديد .. لكن السنوات اللي بعد كدا بقي

اللي هما تانية وتالته .. ليك انك تخشها بس تكون جايب تقدير جيد جدا

وفي كلا الحالتين .. شرط الاستمرار فيها او حتى الالتحاق بيها انك تكون جايب جيد جدا

وكمان سمعت ان فية مكافائات مادية للى برضو جايبين مجموع عالى صح الكلام دة ولا لا

اه .. بتوع الثانوية العامة اللي جايبين فوق الـ 80% بياخدوا 86 جنيه على ما افتكر يعني

اما بالنسبة لباقي الناس اللي هما الفرق الاعلي (سنة تانية وتالته ورابعة) ..

اللي بيجيب جيد جدا أو امتياز بس هوا اللي بياخد المكافأة

جيد جدا بـ 86 جنيه تقريبا .. امتياز بـ 120

vampire1188

24-07-2009, 03:00 AM

وياريت متنساش ضرورى تسألى على تجارة انجليزى بنها قبلت من كام فى التنسيق الداخلى
علشان زى ماقولتك مجموعى الاعتبارى 194 يعنى صعب اتقبل فى القاهرة او عين شمس او حلوان
والامل الوحيد ليا انى ادخل انجلش هى بنها بس ..

حاضر والله مش ناسي .. هاسألك

وبعد اذنك سؤال كمان بخصوص تجارة شعبة نظم معلومات اللى فى حلوان انا مش فاهم يعنى ايه شعبة زيها زى تجارة انجش كده يعنى مثلا زى ما ادخل تجارة انجلش قسم محاسبة ادخل تجارة نظم معلومات قسم محاسبة ياترى انا كده فهمت صح ولا ايه؟؟؟

لأ كدا يبقي انا ماعرفتش اوصلك المعلومة صح

شعبة نظم معلومات دي زي تجارة انجليش في قواعد القبول فيها .. وبرده في لغة التدريس ..

بتبقي انجليش برده .. بس في نفس الوقت دول ليهم شعبة لوحدهم .. وتخصص واحد بس

يعني مالهومش اي تخصص تاني غير نظم معلومات بس ..

والتخصص من سنة اولي على طول .. يعني بتقعد 4 سنين تدرس في تخصص واحد

ولا نظم معلومات ده قسم .. يعنى هبقى تجارة حلوان قسم نظم معلومات

بالظبط كدا .. بس بتتخصص فيه من سنة اولي على طول

وياريت اعرف شروط القبول فيها

1- ماتكونش انتساب

2- تكون جايب على الاقل 80% من درجة الانجليش

3- بيتم القبول على اساس المجموع الاعتباري (مجموع الثانوية العامة بدون المستوى + مادة الانجليش)

بالنسبة للمصاريف انا صراحة ماعرفش .. لكن غالبا هاتبقي زيها زي مصاريف انجليش كدا .. والله اعلم

انطون الزملكاوى

24-07-2009, 04:48 AM

ahmed610

24-07-2009, 10:41 AM

سيبك من كلام الناس يا انطون انا فى تجارة انجليزى والكلية مش صعبة خالص زيها زى غيرها محتاجة مذاكرة بسيطة لو ذكرت نص مذاكرة الثانوية العامة هتجيب تقدير

metab 9

24-07-2009, 12:08 PM

شكرا جداا لاهتمامك بس انا كنت عاوز اعرف هل هذة المجموعات فى جامعة القاهرة بس
ولا فى كمان فى اسكندرية عشان انا داخل اسكندرية انشاء الله

amrlover.com

24-07-2009, 02:16 PM

انا جايب ٧٧ونص هلحق تجاره عين شمس

vampire1188

24-07-2009, 05:52 PM

يا جماعة انا مجموعى يحصل تجارة انجلش وهدخلها مرتاح وكل الامور تمام بس الناس عمال تخوفنى منها ومن صعوبتها ولحد دلوقتى حتى بعد ما كتبت الرغبات الناس عمال تقولى اصرف نظر عنها بس انا حببها جدا ونفسى ادخلها وان شاء الله هذاكر مش انا لو ذكرت هبقى كويس ولا ايه
ياريت تقولولى هى صعبة ااووووووى للدرجة دى ولا لو ذكرت ربنا هيوفقنى

معلش يا طوني .. انا امبارح والله رديت عليك بس جيت عشان انزل الرد مانزلش ..

سوري لو كنت اتأخرت عليك بقي

بص بقي خلينا نتكلم كلام واقعي وموزون بعيداً عن ان انا احببك في الكلية او اني اخليك تحبط منها

أي كلية خلقها ربنا على وجه الأرض .. طالما انتا حاببها وحاسس انك هاتدوس فيها ..

يبقي ماتخافش منها .. وماتخليش اي بني ادم يحبطك ويخليك ماتخشهاش

تجارة انجليش لا هاقولك انها سهلة ولا صعبة .. عايزالها مذاكرة ومتابعة للمحاضرات وهاتبقي كويس اوي وتمام

بس انتا يمكن عشان انجليش هايواجهك بعض المصاعب في الأول زي :

1- انك لسه جديد وجاي من ثانوية عامة .. ومش عارف اي حاجة في اي حاجة ..

ودا شئ طبيعي جدا وكلنا مرينا بيه .. اللي قبلك مروا بيه .. واللي بعدك برده هايمروا بيه

2- لغة الدراسة نفسها هاتخنقك شوية في الأول ..

لإن انتا لو كنت عربي هاتواجهك مشاكل في المواد النظري عشان فيها رغي

وهاتواجهك برده مشاكل في مواد الرياضة بالذات .. عشان انتاكنت درستها قبل كدا بالعربي

فهاتيجي تحاول تترجمها انجليش هاتتخنق ..

بس معا الوقت والحل الكتير هاتمشي معاك كويس ان شاء الله

3- مادة المحاسبة بالذات بيسموها (بعبع) تجارة .. لإنها عصب كلية التجارة ذات نفسها

ماعتقدش انك هاتواجهك مشاكل فيها من ناحية الانجليش .. لإنك مادرستهاش قبل كدا بالعربي

فاما تيجي تذاكرها هاتذاكرها بالانجليش وهاتفهمها برده بالانجليش

4- هاتواجهك مشكلة في الأول برده .. وهيا الـ mid term اللي غالبا هايبقي بعد الدراسة بحوالي شهر

هاتتلاقي نفسك بعد شهر مصدوم وفي وشك امتحانات على طول .. وساعتها اصلا هاتبقي مش عارف تذاكر

وهاتقول هاخلص امتي والدكتور الفلاني مش عارف ايه .. وهكذاااااا

برده خليك فاكر ان مش انتا لوحدك اللي مريت بكل الكلام دا .. ناس كتير اوي قبلك مروا بدا وعدوا منه

واظن هما مش احسن منك في حاجة .. انتا فيك ايدين وهما فيهم ايدين .. انتا فيك مخ وهما فيهم مخ

وبالتالي بدل ماتحبط من الناس اللي بتقولك الكلية صعبة .. خلي الاحباط دا يتحول لتحدي جواك

اتحداهم مابينك ومابين نفسك لمجرد بس انك تثبتلهم انك قادر تتعامل وتتأقلم معا الكلية

vampire1188

24-07-2009, 05:54 PM

شكرا جداا لاهتمامك بس انا كنت عاوز اعرف هل هذة المجموعات فى جامعة القاهرة بس ولا فى كمان فى اسكندرية عشان انا داخل اسكندرية انشاء الله

ماكدبش عليك .. انا ماعرفش هيا موجودة في اليكس او لأ ..

بس اللي اعرفه انها موجودة في القاهرة .. وعموما وانتا بتقدم ورقك اسأل شئون الطلبة

vampire1188

24-07-2009, 05:55 PM

انا جايب ٧٧ونص هلحق تجاره عين شمس

ممكن تلحقها انتساب .. ومرحلة تانية كمان

kheles

25-07-2009, 12:40 AM

hii ana s2lt abl kda m3leshh..ana 3yza as2al heya tegara english 3yza droos wla a?/ana tl3a mn snwya 3ama w mesh ty2a 7aga emsha droos :S
thnx w m3lesh t3btek m3aya

منال حلمى

25-07-2009, 09:46 AM

انا جايبة 365 علمى رياضة
وجايبة47 فى الانجليزى
و5ز6 فى مستوى انجليزى
وثانوية تجريبى لغات
ممكن اقبل تجارة حلوان انجلش
ولا ادبس فى تجارة عربى واضيع

vampire1188

25-07-2009, 03:18 PM

انا جايبة 365 علمى رياضة وجايبة47 فى الانجليزى و5ز6 فى مستوى انجليزى وثانوية تجريبى لغات

لا هما مش بيلتفتوا لحكاية التجريبي دي

اللي يهمهم المستوى والانجليش والمجموع

وعموما مجموعك يجيب ان شاء الله .. ادعي بس كدا وربنا هايوفقك

بس عموما حتى لو اتقبلتى في تجارة انجليش دا هايديكي اولوية على بتوع عربى

لإنك انتي تجريبي فهاتبقي مستريحة نوعا ما في مواد الرياضة والنظري

عشان انتي واخده عليهم بالانجليش .. فا دا هايديكي ميزة عن بتوع المدراس العربي

ahmed610

25-07-2009, 05:41 PM

hii ana s2lt abl kda m3leshh..ana 3yza as2al heya tegara english 3yza droos wla a?/ana tl3a mn snwya 3ama w mesh ty2a 7aga emsha droos :s
thnx w m3lesh t3btek m3aya
هى فيها دروس طبعا بس غالبا مش هتحتجيها غالبا بنعتمد على الملازم الى بتتباع فى المكتبات برة انا عن نفسى شايف ان الكلية مش محتاجة دروس كفاية قوى تحضرى السكاشن و تشترى الورق الى برة

vampire1188

25-07-2009, 05:54 PM

هى فيها دروس طبعا بس غالبا مش هتحتجيها

ماتقدرش تقول هاتحتاج او مش هاتحتاج .. لإن دي بتبقي فروق فردية مابين الطلبة وبعضهم

فيه ناس تلاقيها ماشاء الله في الرياضة والمحاسبة .. وناس تانية تبقي لا تفقه شئ فيهم

مش عشان هما مش بيفهموا .. لأ عشان هما مش ماشيين فيها

لأي سبب بقي .. ممكن تكون انتا بتفهم من الدكتور واللي جنبيك مش بيعرف يستوعب منه

فاماتقدرش تقول مش محتاجة .. والسكاشن برده مش شرط انك تفهم منها

ممكن ربنا يرزقك بمعيد ماعندوش دم مابيعرفش يشرح ولا يفهم .. ويبقي ساعتها انتا فعلا محتاج

تاخد درس

أنين المذنبين

25-07-2009, 08:42 PM

0لو سمحت يا استاذ انا الوقتى عرفت انى جتلى تجارة القاهرة وانا جايب 90.24 وعايز اقدم فى المجموعة المميزة اعمل ايه با لضبط ممكن تقولى

vampire1188

25-07-2009, 09:26 PM

0لو سمحت يا استاذ انا الوقتى عرفت انى جتلى تجارة القاهرة وانا جايب 90.24 وعايز اقدم فى المجموعة المميزة اعمل ايه با لضبط ممكن تقولى

وانتا بتروح تقدم .. تقول الراجل اللي قاعد على الشباك انا عايز اسحب استمارة تقديم للمجموعة المميزة

بس .. لو مجموعك جاب هايدخلوك فيها .. لو ماجابش هايقولك مجموعك لا يسمح

بس الحق سجل فيها بدري عشان دي بتبقي بالأسبقية .. وبتبقي اختياريه ..

يعني انتا مش مجبر تخشها

بلوتو

26-07-2009, 11:40 AM

انا جبت 85.2 و40 فى الانجلش و عاوز اخش تجارة انجلش طمنى لو سمحت

vampire1188

26-07-2009, 08:02 PM

انا جبت 85.2 و40 فى الانجلش و عاوز اخش تجارة انجلش طمنى لو سمحت

على حسب انتا عايز تخش جامعة ايه

لو حلوان او قاهرة او عين شمس .. فرصتك ضعيفة جدا ..

لكن بنها او طنطا او اي اقاليم ماعدا بني سويف .. ان شاء الله تخشها مستريح

غادة محمد جابر

27-07-2009, 01:32 AM

بجد ربنا يجزيك كل خيير

غادة محمد جابر

27-07-2009, 01:36 AM

متشكر جدااااااااااااااااااااا

Monier

27-07-2009, 10:23 AM

ممكن لو سمحت تقولى هى تجارة بنها انجليش الحد الادنى اللى لازم اجيبه فى الانجليزى يبقى كام؟؟؟؟؟؟؟؟؟؟؟؟؟؟؟

vampire1188

27-07-2009, 06:39 PM

ممكن لو سمحت تقولى هى تجارة بنها انجليش الحد الادنى اللى لازم اجيبه فى الانجليزى يبقى كام؟؟؟؟؟؟؟؟؟؟؟؟؟؟؟

80% في الانجليش .. يعني اقل درجة 40 من 50

kheles

28-07-2009, 11:53 PM

tybb ya Vampire
enta 2ayell eny a5od beta2et el tarshee7
tab heya gaya 3l nett....akidd mesh 7tb3ha y3ni wla eh :D

Bo2loz Afandy

29-07-2009, 07:54 AM

co0ol91

30-07-2009, 12:13 AM

hi vampire.....
ana lama 2ademt fe tegaret 3in shams we salemt el wara2 we 2edoni isal estelam el wara2....we lama geit 3ashan
2adem fe english la2eethom 3ayezeen sora men shahadet el milad e sora men beda2et el tarshee7 we el isal
we sora men estemaret el naga7 we ana masawarteesh estemaret el naga7 we el ta2deem fe english youm 2/8 ...........
yenfa3 aro7 she2oun el talabba tani we a5od estemaret el naga7 3ashan asawarha wala mesh 7ayerdo ?

مونه الزملكاوية

30-07-2009, 10:48 AM

يا جماعة لو سمحتوا حد يرد عليا
انا جتلى تجارة اسيوط امتى بقى هحول انجليزى لما الجامعة تفتح ولا دلوقتى

ردوا عليا

aboody2010

30-07-2009, 03:01 PM

طيب شكرا يا vampire1188 علي المعلومات الحلوة دي بس ممكن اعرف هو نموذج 2 جند بيتجاب من قسم الشرطة ولا من مكتب التجنيد في الذتون وممكن اعرف هو في المدن خارج القاهرة بيتجاب منين؟؟؟؟؟؟؟؟؟؟؟؟
أرجو الرد

vampire1188

30-07-2009, 10:11 PM

tybb ya vampire
enta 2ayell eny a5od beta2et el tarshee7
tab heya gaya 3l nett....akidd mesh 7tb3ha y3ni wla eh

لا هاتطبعها وتاخدها معاك

vampire1188

30-07-2009, 10:13 PM

طيب انا جاتلى تجارة عين شمس بس انا جايب مجموع القاهرة وعايز احولها اعمل ايه؟؟
هو مش المفروض احول من الموقع بتاع التنسيق ولا لسه مفتحوش باب التحويل ولا لازم اقدم ورقى فى عين شمس الاول وبعدين احول القاهرة؟؟؟

من غير ماتقدم ورق ولا حاجة .. استني لغاية ما باب التحويل يتفتح وحول

باب التحويل هايتفتح بعد ظهور نتيجة تنسيق المرحلة التانية

(تابع موقع التنسيق بإستمرار)

معا مراعاة انك لو حولت للقاهرة (هاتخشها انتساب مش انتظام)

vampire1188

30-07-2009, 10:15 PM

yenfa3 aro7 she2oun el talabba tani we a5od estemaret el naga7 3ashan asawarha wala mesh 7ayerdo

أكيد طبعا .. بس هاتدفعي عليها فلوس ..

ودي غلطة منك .. كنتي المفروض تصوري الورق دا قبل ماتقدميه

احنا عندنا في القاهرة عشان تصوري شهادة الميلاد بندفع 5 جنيه

ماعرفش عندكوا في حلوان بكام بقي ..

vampire1188

30-07-2009, 10:16 PM

mina_totti65

31-07-2009, 02:48 PM

لميا نبيل

31-07-2009, 03:15 PM

ممكن حضرتك تقولى تقديمالمرحله الاولى امتى بلييييييييييييييييييييييييييييز

مياده3

31-07-2009, 03:40 PM

السلام عليكم
ممكن اعرف من حضرتك ميعاد التقديم للجامعه المفتوحه كلية التجاره بيكون امتى

عمرو البندارى

31-07-2009, 06:17 PM

طيب انا السنه دى جايب 84.2 علمى رياضه

اخش انتظام ولا ايه تجاره

ارجو الرد

aqaqa

31-07-2009, 06:47 PM

انا 82.5 % وفى الانجليزي 46 وجاتلى تجارة اسماعيلية وعاوز ادخل انجلش هانهض ولا ايه طمنى جزاك الله عنا خيرا

vampire1188

31-07-2009, 09:05 PM

انا قريت دلوقتى فى مصراوى و جريدة الجمهوريه ان طلاب المرحله التانيه شغلوا كل التجارة الانتساب انا مرحله اولى وجتلى اداب القاهرة وكنت عايز احول تجارة انتساب عين شمس معنى كده ان خلاص بالنسبه لى مفيش امل خالص صح ؟

طالما انتا قريت الخبر دا وكان صحيح .. يبقي اعتقد ان كدا خلاص الموضوع قفل

عموما يستحسن برده تسأل فى مكتب التنسيق يبقي احسنلك عشان ماقولكش معلومة غلط

انا المعلومة اللي ببقي متأكد منها بجاوب عليها .. لكن طالما مش متأكد يبقي بقول مش متأكد

بلوتو

31-07-2009, 09:57 PM

يا جماعة انا رايح سنة تالتة تجارة عربي جبت سنة اولي جيد جدا و في سنة تانية جبت جيد بس هل ينفع ادخل المجموعة المتميزة
:(

vampire1188

31-07-2009, 09:57 PM

ممكن حضرتك تقولى تقديمالمرحله الاولى امتى بلييييييييييييييييييييييييييييز

بالنسبة لتقديم المرحلة الأولى في التنسيق .. فدا طبعا خلاص خلص

اما التقديم بالنسبة للجامعات فالمفروض انه هايبقى اول الاسبوع دا (2/8)

vampire1188

31-07-2009, 10:03 PM

ممكن اعرف من حضرتك ميعاد التقديم للجامعه المفتوحه كلية التجاره بيكون امتى

بالنسبة لجامعة القاهرة .. المفروض انك مبدأيا بتسجلي من اللينك دا

http://www.ou.cu.edu.eg/FillOnLineRegistrationForm.aspx?Registed=No

وبياناتك اللي بتكتبيها بتتبعتلهم هناك .. ولو بياناتك تم الموافقة عليها هناك ..

بيبعتولك ويقولولك انك تقدري تسجلي وساعتها بتسجلي عادي جدا

vampire1188

31-07-2009, 10:04 PM

طيب انا السنه دى جايب 84.2 علمى رياضه اخش انتظام ولا ايه تجاره

لا اخرك انتساب .. لإن انتظام اتملت خلاص في المرحلة الاولي

vampire1188

31-07-2009, 10:07 PM

نا 82.5 % وفى الانجليزي 46 وجاتلى تجارة اسماعيلية وعاوز ادخل انجلش هانهض ولا ايه

انتي اصلا داخلة تجارة انتظام بفارق 4 من عشرة عن الحد الادنى للقبول !!

وعموما ان شاء الله اه ممكن تتقبلي .. بس هيا بتبقي مسألة حظوظ مش اكتر

انتي ونصيبك .. انتي كل اللي بتعمليه انك بتقدمي انجليش .. يا تتقبلي يا ماتتقبليش

vampire1188

31-07-2009, 10:08 PM

يا جماعة انا رايح سنة تالتة تجارة عربي جبت سنة اولي جيد جدا و في سنة تانية جبت جيد بس هل ينفع ادخل المجموعة المتميزة

لأ .. لإن انا زيك برده .. جيبت جيد وغير مصرحلى اني اخش المميزة

المميزة مش بتقبل غير للي جايبين جيد جدا او امتياز بس .. غير كدا مايخشهاش

بلوتو

31-07-2009, 10:13 PM

بس انا جبت في سنة اولي جيد جدا

بلوتو

31-07-2009, 10:15 PM

طب لو جبت في تالتة جيد جدا

vampire1188

01-08-2009, 12:59 AM

بس انا جبت في سنة اولي جيد جدا

يبقي المفروض كنت تحول في سنة اولي عشان تخش سنة تانية المجموعة المميزة

طب لو جبت في تالتة جيد جدا

تحول للميزة ان شاء الله في سنة رابعة

Bo2loz Afandy

01-08-2009, 03:41 PM

معا مراعاة انك لو حولت للقاهرة (هاتخشها انتساب مش انتظام)

لو حولت للقاهرة هاخشها انتساب ليه .. انا جايب مجموعها انتظام
كل الحكاية انها جاتلى عين شمس علشان كانت فى الرغبات الاول علشان التوزيع الجغرافى

JOUDI ANA

01-08-2009, 08:45 PM

معلش يا vampire انا عارفه ان انا تقلت عليك فى الاسئله بس معلش اعذرنى
ممكن تقولى هى الدراسه(تجاره عربى) بتبقى صعبه ولا ايه النظام اصل انا كل اصحابى اللى كانوا فى اولى ماشاء الله يعنى طالعين بمواد مع انهم شاطرين وانا نفسى مش انجح بس ده انا عاوزه اجيب تقدير ان شاء الله يعنى

وهو التقديم هيبدا بكره ينفع مروحش بكره واروح يوم تانى ولا لازم بكره

ميرسي تعبتك معايا

realman0129

01-08-2009, 09:50 PM

انا سمعت ان التقديم هيبتدي من بكره
بس مفيش مشكله لو رحتي يوم تاني

وتجاره عربي مش صعبه خالص
كل اللي عليكي تذاكري وتتابعي مع الدكتور
وهتجيبي تقدير ان شاء الله

طالبه ثانويه

01-08-2009, 11:18 PM

الحمد لله انا جبت 95 ادبى و46.5 فى الانجليزى وجاتلى تجاره المنصوره بس ياريت عاوزه اعرف الميعاد بالضبط بتاع التقديم لتجاره انجلش و مجموعه المتميزون دى بتبقى ازاى ارجوووووووووو الرددددددددددددددددددددددددددددد بسسسسسسسسرعه

كوكو القمر

02-08-2009, 07:02 AM

ارجوك يا فامبير قلى تجارة انجليزى سوهاج انا مجموعى يدخلنى وكمان الفلوس موجودة والحمد اللة لكن عايز اعرف بتاخد من كام فى الانجليزى ارجوك رد بسرعة وانا مستنيك قبل ما يخلص التقديم ويفوتنى

Mr-Esso

02-08-2009, 07:34 AM

بعد اذنك يافامبير كنت عاوز اسال على حاجه كده
هو انا لو القاهرة وكنت سنه اولى انتساب وجبت تقدير برضه كويس ممكن الحق قسم الاكتوارى ده ولا مينفعش ياريت الرد عشان بجد انا محتار اوووووووووووووووووووووووووووووووووووووووووووى
انا كنت علمى رياضه على فكرة وكنت كمان عاوز اعرف هو قسم الاكتوارى ده بفلوس كم يعنى ولا ده من غير مصاريف
وشكرا وارجو الرد بعد اذنك

عمرو البندارى

02-08-2009, 09:00 AM

يا استاذ دلوقتى انا لما كتبت الرغبات وجبت الجامعات لقيت انى فى كل الجامعات المصريه فى اماكن فاضيه فى التجاره انتظام

انت ازاى بتقولى لا مفيش

انا اساسا من سوهاج وزى ما قلتلك انا جايب 84.2 وعاوز اخش تجاره انجلش سوهاج وجايب مجموع ف الانجليزى 46 ممكن اخش اى تجاره فى البلد واحول بعد كده ؟؟؟؟؟؟؟؟؟؟؟؟؟؟

وعاوز اعرف تجاره علمى السنه دى خدت من كام يا بوب ؟

metab 9

02-08-2009, 05:57 PM

السلام عليكم
انا جبت 93 خلاص وجاتلى تجارة اسكندرية مرحلة اولى طبعا الحمد لله

المهم بقى
انا عاز اعرف اروح الكلية عشان اقدم اوراقى امتى بالظبط
يعنى يوم كام
وكمان سمعت ان الاوراق اللى بتتقدم من ضمنهم الاستمارة البيضاء الدالة على النجاح

كنت عاوز اعرف بقى الاستمارة دى بتتجاب منين
وهى بتبقى بيضاء فعلا يعنى
ولا هو اسمها كدة
يعنى هل هى دى الاستمارة اللى بتتجاب من المدرسة مع الشهادة لما سحبنا اوراقنا ولا دى حاجة تانية
اارجووو الرد

vampire1188

02-08-2009, 07:09 PM

معلش يا vampire انا عارفه ان انا تقلت عليك فى الاسئله بس معلش اعذرنى
ممكن تقولى هى الدراسه(تجاره عربى) بتبقى صعبه ولا ايه النظام

عادي جدااااااا .. دراسة زيها زي اي مواد عادية .. انا شخصياً مش شايف اي صعوبة فيها يعني

كل اللي انتي محتاجاه انك تتابعى محاضراتك وتحلي كتير في المحاسبة والرياضة

وتيجي قبل اخر شهر تدحي جامد وتذاكري بإستمرار .. وان شاء الله هاتيجيبي جيد جدا وامتياز كمان

النظام اصل انا كل اصحابى اللى كانوا فى اولى ماشاء الله يعنى طالعين بمواد مع انهم شاطرين

بتحصل كتير اوي عندنا .. ودا شئ عادي جداااا

والسبب في دا حاجتين :

1- انهم داخلين الجامعة منفضين .. فاكرين ان الجامعة دي لعب وهزار وبنات وولاد وتنفيض للمحاضرات واخر شهر واقلب الامتحان وبيس يا مان !! .. وهيا الحقيقة مش كدا .. اه بيس يا مان وبنات وولاد وعادي بس ذاكر وتابع واعرف انتا خدت ايه وايه المقرر وايه اللي اتلغى .. مش الواحد يبقي قاعد زيه زي البينش اللي في المدرج كدا !!

2- اختلاف الدراسة نفسها مابين ثانوي والجامعة .. بتوع ثانوي بيبقوا واخدين على ان الفصل الواحد مثلا في الكتاب لا يتعدى 20 صفحة .. لكن هاتيجي تخشي الجامعة هاتتلاقي ان مثلا مادة الادارة دي الفصل الواحد تلاقيه معدي الـ 40 صفحة .. والكتاب كله اصلا تلاقيه 200 ورقة ! .. ودا شئ عادي جدا يعني .. غير كدا ان بتوع ثانوي متعودين على الاجابات اللي يدوبك تكتبي في السؤال الواحد صفحة وتقولي دانا كدا اجيب الفاينال مارك .. ماتعرفيش ان صفحة في سؤال واحد في الجامعة دي يعني صفر كبيييير يتحطلك في النتيجة بتاعتك !!

وهو التقديم هيبدا بكره ينفع مروحش بكره واروح يوم تانى ولا لازم بكره

بالنسبة للقاهرة التقديم بدأ بالفعل النهارده (2/8) .. وهايفضل مفتوح لغاية يوم (27/8)

vampire1188

02-08-2009, 07:11 PM

الحمد لله انا جبت 95 ادبى و46.5 فى الانجليزى وجاتلى تجاره المنصوره بس ياريت عاوزه اعرف الميعاد بالضبط بتاع التقديم لتجاره انجلش

في المنصورة غالبا المفروض يكون التقديم بدأ اصلاً .. روحي وشوفي الشئون عندكوا

مجموعه المتميزون دى بتبقى ازاى

دي موجودة في القاهرة بس .. ماعتقدش انها عندكوا في المنصورة

vampire1188

02-08-2009, 07:14 PM

عايز اعرف بتاخد من كام فى الانجليزى ارجوك رد بسرعة وانا مستنيك قبل ما يخلص التقديم ويفوتنى

80% من الانجليش .. يعني 40 من 50

vampire1188

02-08-2009, 07:17 PM

هو انا لو القاهرة وكنت سنه اولى انتساب وجبت تقدير برضه كويس ممكن الحق قسم الاكتوارى ده ولا مينفعش ياريت الرد عشان بجد انا محتار

اه بس المهم تكون طالع صافي من غير مواد

في الاجازة بتاعة سنة اولي بقي بيعملوا دورات للي عايزين يلتحقوا بالقسم دا تبع الجامعة

وتمنها حوالي 400 جنيه تقريباً .. وبينزلوا طبعا الاعلان قبليها ..

عايز تاخدها اوكي .. مش عايز مافيش مشاكل برده

المهم بعد ما الدورة دي بتخلص .. بيعملولك امتحان في الـ math والـ english ..

وطبعا امتحان بيبقي منيل بستين نيلة .. عايز واحد يكون برنس في الرياضة

لو نجحت فيه بتدخل القسم .. مانجحتش فيه .. اديك موجود في الشعبة بتاعتك عادي

vampire1188

02-08-2009, 07:22 PM

المهم بقى انا عاز اعرف اروح الكلية عشان اقدم اوراقى امتى بالظبط يعنى يوم كام

من المفترض اصلا ان التقديم يكون فتح .. انا ماعرفش امتي ..بس هوا المفروض يكون فتح خلاص

وكمان سمعت ان الاوراق اللى بتتقدم من ضمنهم الاستمارة البيضاء الدالة على النجاح كنت عاوز اعرف بقى الاستمارة دى بتتجاب منين

الاستمارة دي هيا استمارة الثانوية العامة

اللي عليها صورتك وفيها بيان درجاتك ومختوم عليها بختم ناجح

ودي طبعا أساسية .. لإن دي هيا الشئ الدال على انك حصلت على الثانوية العامة

ومن غيرها مش هاينفع تخش الكلية اصلاً .. لانها مالهاش مستخرج رسمي (في حالة لو ضاعت يعني)

يعنى هل هى دى الاستمارة اللى بتتجاب من المدرسة مع الشهادة لما سحبنا اوراقنا ولا دى حاجة تانية

ايون بالظبط كدا ..

الاستمارة اللي انتا بنفسك كتبتها بخط ايدك اما كنت بتمضي الاستمارات في سنة تانية ثانوي

vampire1188

02-08-2009, 07:28 PM

يا استاذ دلوقتى انا لما كتبت الرغبات وجبت الجامعات لقيت انى فى كل الجامعات المصريه فى اماكن فاضيه فى التجاره انتظام انت ازاى بتقولى لا مفيش

ياسيدي خير وبركة احمد ربنا ان لسه في انتظام فاضي اصلا !!

انا اساسا من سوهاج وزى ما قلتلك انا جايب 84.2 وعاوز اخش تجاره انجلش سوهاج وجايب مجموع ف الانجليزى 46 ممكن اخش اى تجاره فى البلد واحول بعد كده ؟؟؟؟؟؟؟؟؟؟؟؟؟؟

التحويل في تجارة انجليش من جامعة لجامعة تانية ممنوع

amrlover.com

02-08-2009, 08:36 PM

لو سمحت انا جايب ٧٧ونص ادبي هلحق تجاره انتساب اي محافظه

metab 9

02-08-2009, 09:26 PM

شكراااا جدا لردك
بس كنت عاوز اعرف حاجة لما اودى الاستمارة دى اودي صورة منها ولا الاصل وكمان هل لازم شهادة الميلاد ولا لا ولو لازم هل برضو الاصل ولا صورة
معلش انا مغلبك معايا
وانا خااايف جدااا من تجارة لانى ادبى
واحساسى انى مش هعرف انيل حاجة فيها خاااالص
ربنا يستر

GAMALEWEES

02-08-2009, 10:03 PM

بص ياسيدى انا قدمت النهاردة بس انا مقدمة تجارة انجلش
على العموم انا هقولك على الانا عملتة هما بيطلبوا منك 7 صور شخصية
و الاستمارة اصل و صورتين
و شهادة الميلاد الاصل و صورة و احتياطى خد معاك صورة كمان
لو افتكرت حاجة تانية هبقى اقولك لانى بصراحة مكنتش مركزة اوى كنت عايزة اخلص نفسى باى طريقة

vampire1188

02-08-2009, 10:18 PM

بس كنت عاوز اعرف حاجة لما اودى الاستمارة دى اودي صورة منها ولا الاصل

نصيحة مني ليك .. صور من كل ورقة في ملفك 4 نسخ ..

وشوف هما عايزين كام نسخة واديهالهم واللي يفيض خليه عندك في البيت

عشان مسيرك هاتحتاجه .. فابدل ماتلجألهم عشان تصور ..

لأ يبقي انتا عندك صور منها في البيت ومريح دماغك

وكمان هل لازم شهادة الميلاد ولا لا ولو لازم هل برضو الاصل ولا صورة

اكيد طبعا لازم شهادة الميلاد .. وتعمل منها برده زي ماقولتلك 4 صور ..

شوف هما عايزين كام صورة واحتفظ بالباقي

أنين المذنبين

02-08-2009, 10:26 PM

vampire1188

02-08-2009, 10:32 PM

السلام عليكم بص يا باشا الوقتى انا خلاص جتلى القاهرة (تجارة)انتظام وجايب 90.24 وقدمت فى مميزة الوقتى عايز اروح اقدم بنها عشان اخش انجليزى فى الواتينجى ليست لانى جايب 36.5 فهل ينفع وازاى ارجو الرد

لأ طبعا ماينفعش .. لـ 3 اسباب :

1- لا يجوز انك تسجل نفسك مرتين في جامعتين مختلفتين وفي كليتين مختلفتين

2- عشان تخش انجليش بنها لااااااازم تكون محول لانتظام بنها عشان تبقي تبع الجامعة وتقدر تلتحق بانجليش بنها

3- لا يجوز التحويل من جامعة لجامعة في تجارة انجليش .. ودا قرار من المجلس الاعلي للجامعات

طالبه ثانويه

03-08-2009, 03:51 AM

لو سمحتى ياgamalewees انتى قدمتى تجاره نجلش جامعه ايه؟

بلوتو

03-08-2009, 09:27 AM

ما هو اخر معاد للتقديم بالنسبه لتجارة القاهرة

Mr-Esso

04-08-2009, 06:55 AM

بعد اذنط يافامبير طلب بس هو قسم الاكتوارى ده زى منت قولت كده ممكن عادى طال انتساب يخشو بعد حصوله على تقدير كويس وانه يطلع صاااااااافى من اى ماده فى سنه اولى اوك بس هو القسم ده بقى بفلوس ولا لا ؟
ولو بفلوس ياترى بكام ؟؟؟:slap1qk6:

shroukk

04-08-2009, 10:56 PM

انا عايزه احول من تجاره اسماعيليه الى تجاره عين شمس ادخل على موقع ايه عشان احول وكمان عايزه اعرف هل اللى فى تجاره انتساب وجاب تقدير فى سنه اولى جيد جدا او امتياز بيحولوله الى تجاره انتظام سنه 2.

gamal.s

04-08-2009, 11:12 PM

انا عايز اسأل سؤال
هو اية الفرق بين الجيد من 130والجيد من 159 هل بتفرق فى اى حاجة
ومثلا لما بتروح تشتغل هيكتب بردة المجموع ولا التقدير بس وهل بتفرق بردة
ارجو الرد
على فكرة انا عارف ان محدش بيجيب 159 لأنها بتترفع بس افتراضا

عبدالرحمن محسن محمد رشاد

05-08-2009, 12:24 AM

ياجدعان انا عايز اسأل على موضوع الأغتراب لو حد يعرف حاجة عنوا يقول هفسر كلامى اكتر انا واحد قبلت فى تجارة السويس وانا من الزقازيق ينفع احول علطول من غير اقعد سنة هناك

lovely_rose

05-08-2009, 12:51 AM

انا جبت مجموع91.1% و44 انجلش وانا علمى رياضه هلحق تجاره انجلش اسماعيليه ولا لاء؟؟؟؟؟؟؟ظ وايه حكايه الانترفيو دى؟؟؟؟؟؟ ومعاد التقديم امتى؟؟؟؟؟؟؟؟؟؟؟؟ وياريت بجد الرد بسرعه

لميا نبيل

05-08-2009, 11:26 AM

انااداب بنها وعايزه احول اداب القاهره او عين شمس فانا عايزه اعرف ايه نظام التحويل وامتى هيبدا التحويل

mrmero

05-08-2009, 04:09 PM

التقديم فى تجارة انجليزى أمتى

vampire1188

05-08-2009, 05:53 PM

ما هو اخر معاد للتقديم بالنسبه لتجارة القاهرة

27/8 ان شاء الله

vampire1188

05-08-2009, 05:54 PM

vampire1188

05-08-2009, 05:57 PM

انا عايزه احول من تجاره اسماعيليه الى تجاره عين شمس ادخل على موقع ايه عشان احول

تخشي من على موقع التنسيق

http://www.tansik.egypt.gov.eg/application/

وتستني لما التحويلات بتاعة تقليل الاغتراب تبدأ وتحولي

مع العلم انك لو حولتي لعين شمس .. يبقي هاتخشيها انتساب مش انتظام

عايزه اعرف هل اللى فى تجاره انتساب وجاب تقدير فى سنه اولى جيد جدا او امتياز بيحولوله الى تجاره انتظام سنه 2.

اه .. القاعدة العامة بتقول ان اللي يجيب تقدير جيد على الاقل

ويكون صافي في المواد (يعني ناجح في كله مش ساقط في ولا مادة) يقدر يحول لانتظام

مع مراعاة ان ممكن يفضل في انتساب .. على حسب رغبته

vampire1188

05-08-2009, 06:00 PM

انا عايز اسأل سؤال هو اية الفرق بين الجيد من 130والجيد من 159 هل بتفرق فى اى حاجة

الجيد من 130 بنسميه جيد بس .. لكن الجيد من 159 دا بنسميه جيد مرتفع

وغالباً مافيش حاجة اسمها 159 وجيد .. لإن الـ 159 بيتضاف عليها درجة رأفة وبتبقي 160

يعني بتخش في شريحة الجيد جدا

ومثلا لما بتروح تشتغل هيكتب بردة المجموع ولا التقدير بس

في شهادة التخرج بيتكتبلك المجموع التراكمي (من 800) والتقدير معاه

vampire1188

05-08-2009, 06:02 PM

ياجدعان انا عايز اسأل على موضوع الأغتراب لو حد يعرف حاجة عنوا يقول هفسر كلامى اكتر انا واحد قبلت فى تجارة السويس وانا من الزقازيق ينفع احول علطول من غير اقعد سنة هناك

أكيد طبعا ينفع .. بس هاتحول للزقازيق وانتا تجارة انتساب مش انتظام

والتحويل من المتوقع انه يبدأ نهاية الاسبوع دا .. تابع موقع التنسيق وربنا يجيب اللي فيه الخير

vampire1188

05-08-2009, 06:05 PM

انا جبت مجموع91.1% و44 انجلش وانا علمى رياضه هلحق تجاره انجلش اسماعيليه ولا لاء؟؟؟؟؟؟؟

ان شاء الله ممكن .. طالما معدية الـ 90 فرصتك في الالتحاق هاتزيد

ولكن كله بيتوقف على التنسيق الداخلي والمجاميع اللي مقدمة معاكي

كل ما المجاميع قلت كل ما فرصتك زادت .. لإن التنسيق بيقل

وايه حكايه الانترفيو دى؟؟؟؟؟؟

المعهود والمتعارف عليه ان مافيش انترفيو في تجارة انجليش

لكن مؤخراً والله اعلم في كفر الشيخ فيه انتر فيو .. لكن انا ماعنديش معلومات عنه صراحة

ومعاد التقديم امتى؟؟؟؟؟؟؟؟؟؟؟؟

من المفترض انه يكون بدأ .. يستحسن تروحي الجامعة وتسألى بنفسك

vampire1188

05-08-2009, 06:10 PM

انااداب بنها وعايزه احول اداب القاهره او عين شمس فانا عايزه اعرف ايه نظام التحويل وامتى هيبدا التحويل

كله طبقاً للتوزيع الجغرافي .. بمعني ..

اذا نطاقك الجغرافي كان تابع لجامعة بنها .. يبقي مش هاتقدري تحولي

اذا نطاقك الجغرافي في نطاق جامعة القاهرة او عين شمس .. تقدري تحولي من بنها لأي من الجامعتين

(دا باعتبار ان القاهرة وعين شمس وحلوان نطاق جغرافي واحد)

ولكن اذا حولتى من بنها لأي من الجامعتين (قاهرة او عين شمس) هاتحولي وانتي انتساب مش انتظام

فانا عايزه اعرف ايه نظام التحويل

التحويل بيبقي من خلال موقع التنسيق http://www.tansik.egypt.gov.eg/application/

وامتى هيبدا التحويل

دا بنسميه التحويل المختص بتقليل الاغتراب ..

المفروض انه بيبدأ بعد ظهور نتيجة المرحلة التانية من التنسيق ..

لكن هوا من المتوقع انه يبدأ في نهاية الاسبوع دا ..

ودا انا قريته في جريدة الاخبار عشان ماتقوليش اني بتوقع من دماغي

عموما تابعى موقع التنسيق اول بأول عشان الميعاد مايفوتكيش

mrmero

05-08-2009, 07:33 PM

mrmero

05-08-2009, 07:36 PM

هو انا ممكن لو متقبلتش فى القسم الانجليزى ببنها احول اداب انجليزى

gamal.s

06-08-2009, 12:44 AM

[quote=vampire1188;1478192]الجيد من 130 بنسميه جيد بس .. لكن الجيد من 159 دا بنسميه جيد مرتفع

وغالباً مافيش حاجة اسمها 159 وجيد .. لإن الـ 159 بيتضاف عليها درجة رأفة وبتبقي 160

يعني بتخش في شريحة الجيد جدا

بص ياسيدى الفاضل
اولا مفيش حاجة اسمها حيد مرتفع لأن دة يبقى مسميات بس عند الطلبة علشان يعنى اللى جايب فوق ال70 اما فى الكلية اسمهاجيد بس

ثانيا ممكن واحد يجيب 159 فعلا فى حالة استخامة لدرجات الرأفة فى اى مادة

ثالثا اية الفرق فى الشغل بتفرق فى اية بس هو دة سؤالى

pomba2005

06-08-2009, 01:12 AM

يا جدعاااااان حد من اسيوط فى كلية تجارة
انا سنة اولى فين الاسيطة يا جدعان

pomba2005

06-08-2009, 01:19 AM

قسم اكتوارى ياعنى اية
و الى ها يتخرج من القسم دة ها شتغل اية
معلش استحملونى اصل انا لسة سنة اولى

عمرو ع

06-08-2009, 08:31 PM

-انا عايزة أعرف ميعاد التقديم فى تجارة انجليزى فى جامعة بنها . و أنا جيبة المجموع الكلى من غير المستوى346والانجليش 44والانجليش المستوى8.5واناكدة ممكن اتقبل فى القسم الانجليزى ببنها

يا مستر ميرو او مارميرو انت ولد ولا بنت واسمك ايه
المهم انا دخلت تجاره بنها وناوى اقدم تجاره انجلش ان شاء الله انا روحت امبارح وقالولى يوم الاحد هيفتحوا باب التقديم فى تجاره انتظام فانتى عشان تضمنى انك هتقدمى روحى يوم الاتنين وخلاص عشان مترجعيش تانى اما بالنسبه للانجلش انا سالتهم قالوا انك تعملى حسابك على فلوس الاستماره وانتى جايه تقدمى تجاره انتظام وهى تقريبا لا 130 لا 150 زى القاهره هاتى 150 وريحى دماغك والا يخدوه يخدوه وقالوا لاما ندفع الفلوس دى ونملى الاستماره فى نفس يوم تقديم الانتظام لاما هنروح بعد يومين او تلاته من التقديم وبرده معانا فلوس الاستماره عشان نملاها وعلى فكره مصاريف تجاره انتظام من غير انجلش 95 او 75 مش فاكر انا قراتها كام؟

vampire1188

07-08-2009, 10:45 PM

بص ياسيدى الفاضل
اولا مفيش حاجة اسمها حيد مرتفع لأن دة يبقى مسميات بس عند الطلبة علشان يعنى اللى جايب فوق ال70 اما فى الكلية اسمهاجيد بس

يعني هوا حضرتك بتعرفني ؟! .. طب مانا عارف الكلام دا اكيد يعني

كمسمي اكاديمي او مسمي قانوني .. مافيش كلمة جيد مرتفع طبعا .. لكن دا مسمي لينا احنا كطلبة

ثانيا ممكن واحد يجيب 159 فعلا فى حالة استخامة لدرجات الرأفة فى اى مادة

ياااااااه يا اخي .. دانتا معقدها اوي !!

هوا اه ينفع .. بس بالعقل كدا يعني .. واحد طالب شاطر وبيجب جيد جدا وامتياز في كل المواد

هاييجي في مادة يقوم واقع فيها ؟! .. نادرة اوي انها تحصل الحكاية دي

ثالثا اية الفرق فى الشغل بتفرق فى اية بس هو دة سؤالى

لا بتفرق طبعا ..

قولتلك في الاول جيد مرتفع .. قولتلي مافيش حاجة اسمها جيد مرتفع ومش عارف ايه !

ياسيدي الفاضل .. انا دلوقتي ممكن ابقي جايب 130 من 200 .. ويبقي اسمي جيد

وفي نفس الوقت واحد غيري جايب 155 .. وبرده جيد !!

يبقي ايه معيار التفرقة ؟؟ .. انهم بيبصوا للرقم ..

بيشوفوا انتا في اول الجيد ولا في اخره ولا في نصه

واهم حتى لو مابصوش .. اهو يبقي اسمك جايب جيد بس درجة عالية

يعني لو فيه 2 جايبين جيد .. بياخدوا اللي جايب درجات اعلي .. دا طبعا المفروض

لكن الطبيعي انك لو ليك واسطة او مندرج تحت أبناء العاملين او الكلام دا ..

يبقي عادي مافيش مشاكل .. انتا في مصر مش في بلد غريبة !!

mrmero

08-08-2009, 01:22 AM

[quote=عمرو ع;1481240]

ana AMIRA
thank you for your answer

عمرو ع

08-08-2009, 01:49 AM

thank you amira

عمرو ع

08-08-2009, 01:51 AM

i prefer to be friends in the benha university

zagus

08-08-2009, 05:55 AM

يا جماعة دى اول سنة ليا تجارة حلوان انتساب و فى ناس بيقولوا صبعة و كنت عايز اعرف رايكم
و اى المواد اول سنة واعمل اى شكرا

كيكو 2000

08-08-2009, 12:31 PM

انا جاتلى تجارة الزقازيق وعاوز احول تجارة المنصورة انا من ميت غمر يعنى الزقازيق والمنصورة منطقة (أ)
مجموع المنصورة 359.5 وانا جايب 355
هل ينفع
ممكن اعرف موعد التقديم سواء للزقازيق او المنصورة

عمرو ع

08-08-2009, 01:10 PM

بص يا سيدى والله انا معرفش حاجه عن انك تحول من كليه لكليه مناظره وانت مش جايب حدها الادنى هى ممكن بس لو جاتلك خارج النطاق لكن داخل النطاق مينفعش واسئل برده؟ اما عن موعد التحويلات فهى مكتوب فى الموقع ترقبوا فتح التحويلات وهما بيقولوا يوم الاتنين 10/8 وهينتهى السبت 15/8

شيرين عبدالحميد

09-08-2009, 01:31 AM

كيكو 2000

09-08-2009, 01:36 AM

عمرو ع

09-08-2009, 01:48 AM

السلام عليكم انا شيرين ممكن حضرتك تساعدنى انا مجموعى341بالمستوى ومن غير المستوى339والمستوى بتاعى مش انجلش ومجموعى فى الانجلش43ونصف وجالى تجارة السادات ياترى اجيب شعبة انجلش ولالأ

على ما اعتقد يا شيرين انك مش هتلحقى ولكن ممكن تلحقى فى بنها مش عارف بقا اسئلى فامبير انا زيك عاوز ادخل تجاره انجلش وجايب 357 من غير مستوى لان المستوى مش انجلش وجايب 42.5 فى الانجلش ودخلت تجاره بنها ويا رب اقبل انجلش يا رب

tegara.english

10-08-2009, 01:14 PM

ana da5el tegara englsi h sohagg...w ana men el qaheraa...yenfa3 tany sana a7awel le tegara english el qahera??plzz 7ad yerod 3alayaa!!

tegara.english

10-08-2009, 01:19 PM

ana da5el tegara englsi h sohagg...w ana men el qaheraa...yenfa3 tany sana a7awel le tegara english el qahera??plzz 7ad yerod 3alayaa!!

riham_eg

16-08-2009, 02:04 AM

ahmed610

18-08-2009, 11:49 PM

vampire
انا قبلت فى كلية سياحه الفيوم وهى واخده من 345
هل ممكن احول تجاره انتظام القاهره وهى واخده من 347
وانا اصلا محموعى 348
ولو قبلت كنت عايزه اعرف ايه مميزات قسم اكتوارى ومجالات الشغل فيه
اكيد ينفع بدام مجموعك جايبها
قسم الاكتوارى دة موجود فى القاهرة والتقديم فية بيبقى فى اجازة سنة اولى هو قسم مميز طبعا وبيقبلو فية عدد قليل قوى الدفعة كلها ممكن تكون عشرة عشرين واحد بيشترطو تكونى مش شايلة مواد من سنة اولى وبتدخلى امتحانات انجليزى ورياضىة 2 ولازم تعديها طبعا بالنسبة للشغل فبيبقى فى شركات التأمين غالبا وهيئات تانى كتير انا اعرف واحد منهم اشتغل فى قناة السويس والى باسمعة ان الناس دى بتشتغل بعد التخرج على طول على اساس ان عددهم قليل ممكن تلاقى معلومات اكتر على الموقع دة
http://commerce.cu.edu.eg/

the eliye boy

20-08-2009, 12:55 AM

السلام عليكم ورحمة الله وبركاته انا محمد عندى سؤال ياريت تجوبلى عليه انا جبت 85.24 لحقت تجارة عين شمس انتظام وجايب فى الانجلش 46.5 ومجموع الانجلش بتاعى يقبل بس فى ناس بتقولى انى لازم اكون جايب 90 فى الميه فى المجموع الاعتبارى هو الكلام دة صح ولا غلط ولكم منا جزيل الشكر

vampire1188

21-08-2009, 10:37 PM

السلام عليكم انا شيرين ممكن حضرتك تساعدنى انا مجموعى341بالمستوى ومن غير المستوى339والمستوى بتاعى مش انجلش ومجموعى فى الانجلش43ونصف وجالى تجارة السادات ياترى اجيب شعبة انجلش ولالأ

تجارة السادات مش بتفرق عن تجارة انجليش في كليات التجارة العادية

اذن فقواعد القبول في كليات التجارة انجليش العادية هيا هيا في اكاديمية السادات

vampire1188

21-08-2009, 10:39 PM

ana da5el tegara englsi h sohagg...w ana men el qaheraa...yenfa3 tany sana a7awel le tegara english el qahera??plzz 7ad yerod 3alayaa!!

لا طبعا ماينفعش ..

التحويل من كلية تجارة انجليش في جامعة معينة لكلية تجارة انجليش في جامعة تانية ..

ممنوع بقرار من المجلس الاعلى للجامعات

vampire1188

21-08-2009, 10:50 PM

vampire انا قبلت فى كلية سياحه الفيوم وهى واخده من 345 هل ممكن احول تجاره انتظام القاهره وهى واخده من 347 وانا اصلا محموعى 348

القاعدة العامة بتقول .. طالما انتا جايب مجموع كلية معينة .. يحق ليك انك تخشها مهما كان

ودا من خلال ترتيب الرغبات والكلام المعروف دا ..

لكن انتا في حالتك دي انتا دخلت كلية سياحة وماعجبتكش ورجعت في رأيك وقولت اخش تجارة احسن

يبقى كدا هاتضطر انك تعمل تحويل من خلال مكتب التنسيق للكلية اللي انتا عايز تخشها

ولو قبلت

كلمة لو قبلت دي يا ريس متوقفة على نطاقك الجغرافي اللي انتا فيه

يعني مش تبقي انتا مثلا في الفيوم وتيجي تقولي انا عايز اخش القاهرة ..

لإن ساعتها بنى سويف اقربلك

ماتبقاش مثلا في جامعة اسكندرية .. وتيجي تقولي انا عايز اروح دمياط !

أهم ما فى الموضوع ان جامعة القاهرة تكون فى نطاق سكنك الجغرافى

كنت عايزه اعرف ايه مميزات قسم اكتوارى

القسم فيه مميزات كتيرة

1- عددهم قليل .. حوالي 20 طالب .. والسنة اللي فاتت كانوا قابلين 17 بس (وانا عاددهم بنفسي!)

2- مكان الدراسة بيبقي فى قاعات الدراسة في مبنى تجارة انجليش ..

يعني تكييف - راحة - فهم - مزاج رايق

3- بيتم اختيار صفوة الدكاترة طبعاً .. ودا لإن القسم دراسته صعبة ومعتمدة اعتماد كلى على الرياضة ..

عشان كدا هايقابلك كتير اوي من دكاترة قسم الاحصاء بالذات

4- التخصص بيبقي من سنة تانية .. ودا طبعا احسن .. لإن باقي الاقسام بيتم التخصص فيها في سنة رابعة

ومجالات الشغل فيه

شركات التأمين - الاستثمار - البنوك - التحليل المالى - البورصة

perfect-girl

22-08-2009, 11:14 PM

لو سمحت كنت عايزه اعرف منك حاجه
انا جاتلى علوم عين شمس
وانا اساسا من اسكندريه
وعمله تحويل ومستنيه النتيجه
بس انا مش مطمئنه للموضوع ده
ومجموعى طبعا جايب تجاره
انا مجموعى 370.5 والانجلش 48.5 والمستوى انجلش 9
ف كنت عايز اعرف من حضرتك مجموعى ده يدخل انجلش اليكس
واحول ازاى لانى عملت تحويل 10% للعلوم مش للتجاره

vampire1188

23-08-2009, 12:00 AM

ف كنت عايز اعرف من حضرتك مجموعى ده يدخل انجلش اليكس

يدخلك ان شاء الله .. مجموعك تمام جدا جدا يعني والحمدلله

واحول ازاى لانى عملت تحويل 10% للعلوم مش للتجاره

للأسف التحويل مش هاينفع .. عشان التحويل الثلاثى دا ممنوع

هاتقوليلي يعني ايه تحويل ثلاثى ؟؟؟

هاقولك التحويل الثلاثى دا يعني انك تحولى من كلية لكلية لكلية تالته

في حالتك دي .. انتي كنتى علوم عين شمس .. يبقى دا رقم 1

بعد كدا حولتى لعلوم اليكس .. يبقى دا رقم 2

بعد كدا عايزة تحولى لتجارة اليكس .. يبقى دا رقم 3 (ودا ممنوع بقرار من مجلس الجامعات)

عشان انا كان فيه واحده اعرفها برده كانت في المنوفية وجايبه مجموع عالى يدخلها سياسة واقتصاد

وهيا كانت عايزة تيجي تجارة القاهرة عشان تبقى معايا .. فا حبت تعمل حركة ذكاء

انها تخش سياسة واقتصاد القاهرة .. ومنها تعمل تحويل داخلى وتحول لتجارة القاهرة

بس طبعا فوجئت بانه مش نافع .. وللأسف ماكانش قدامها غير اختيارين

انها تفضل في سياسة واقتصاد القاهرة .. او انها تحول لتجارة شبين الكوم (عشان التوزيع الجغرافى)

يعني من الاخر موضوع التحويل الثلاثى دا ممنوع

perfect-girl

23-08-2009, 04:50 PM

يدخلك ان شاء الله .. مجموعك تمام جدا جدا يعني والحمدلله

للأسف التحويل مش هاينفع .. عشان التحويل الثلاثى دا ممنوع

هاتقوليلي يعني ايه تحويل ثلاثى ؟؟؟

هاقولك التحويل الثلاثى دا يعني انك تحولى من كلية لكلية لكلية تالته

في حالتك دي .. انتي كنتى علوم عين شمس .. يبقى دا رقم 1

بعد كدا حولتى لعلوم اليكس .. يبقى دا رقم 2

بعد كدا عايزة تحولى لتجارة اليكس .. يبقى دا رقم 3 (ودا ممنوع بقرار من مجلس الجامعات)

عشان انا كان فيه واحده اعرفها برده كانت في المنوفية وجايبه مجموع عالى يدخلها سياسة واقتصاد

وهيا كانت عايزة تيجي تجارة القاهرة عشان تبقى معايا .. فا حبت تعمل حركة ذكاء

انها تخش سياسة واقتصاد القاهرة .. ومنها تعمل تحويل داخلى وتحول لتجارة القاهرة

بس طبعا فوجئت بانه مش نافع .. وللأسف ماكانش قدامها غير اختيارين

انها تفضل في سياسة واقتصاد القاهرة .. او انها تحول لتجارة شبين الكوم (عشان التوزيع الجغرافى)

يعني من الاخر موضوع التحويل الثلاثى دا ممنوع

بس اعمل ايه لو التحويل مجليش علوم اسكندريه
يبقى انا كده مش مستفيده برقم 2
:(
طب فى حاجه ياريت حضرتك توضحها ليا
انا بسمع ان ممكن واحد يقعد شهر فى الكليه ولو مش عاجباه بيحول اى حاجه تانيه هو جايب مجموعها
ده حقيقى

vampire1188

23-08-2009, 09:34 PM

طب فى حاجه ياريت حضرتك توضحها ليا انا بسمع ان ممكن واحد يقعد شهر فى الكليه ولو مش عاجباه بيحول اى حاجه تانيه هو جايب مجموعهاده حقيقى

موضوع غلط وغير صحيح

التحويل لا يصح الا فى حالتين فقط :

1- انك تقعدى سنة كاملة في الكلية اللي انتى فيها عادي جدا ..

وتيجي السنة اللي بعدها تحولي للكلية اللي انتي عايزاها .. بشرطين :

أ - ان الكلية اللي انتي عايزة تحولي ليها يكون مجموع الثانوية العامة بتاعك

جايبها في سنة حصولك على الثانوية العامة

ب - انك تكونى طالعة صافي في السنة اللي انتي كنتي فيها في كليتك .. يعني مش شايلة مواد

2- انك في سنة اولي في الكلية اللي انتى فيها تسقطى وتعيدي السنة فيها مرتين ورا بعض خبط لزق

عشان ساعتها مش هايكونلك حق الاستمرار فيها ..

وساعتها هايتم رجوعك تاني لنقطة الصفر بتاعة الثانوية العامة

وساعتها هاتشوفي مجموعك كان كام في الثانوية العامة

وتشوفي ايه الكليات اللي كانت متاحه ليكي في سنة حصولك على الثانوية العامة ..

وعلى هذا الاساس هاتحولي ان شاء الله

بس اعمل ايه لو التحويل مجليش علوم اسكندريه يبقى انا كده مش مستفيده برقم 2

غالباً ان شاء الله هايجيلك اسكندرية عشان دا معروف انه تحويل مش بمزاجك ..

دا تحويل لتقليل الاغتراب .. يعني لازم يوافقوا عليه (طالما كان في نطاقك الجغرافى)

perfect-girl

24-08-2009, 05:45 AM

ادى التحويل مجاليش
الحمد لله على كل شىء:)
ايه الحل دلوقتى !!
حينفع اعمل تحويل ورقى لتجاره اسكندريه وادخل انجلش
ولا القسم حيكون قفل العدد

amany#

24-08-2009, 04:27 PM

انا تحويلى اتقبل والحمد لله لتجاره القاهره امتى نروح نقدم الورق ممكن تردعليا يا فامبير لو سمحت

gillyenrique

24-08-2009, 04:34 PM

vampire1188

24-08-2009, 11:19 PM

حينفع اعمل تحويل ورقى لتجاره اسكندريه وادخل انجلش ولا القسم حيكون قفل العدد

مافيش حاجة اسمها القسم هايكون قفل العدد .. فيه حاجة اسمها ميعاد التقديم خلص ولا لسه

طالما التقديم لسه مفتوح يبقى قدمي عادي .. انتي واحده بتقدم مالهاش دعوة بالعدد

انتي بتقدمي وخلاص .. وهما بقي في التنسيق الداخلي بتاعهم بيظبطوا العدد براحتهم

وعموما طالما انتى التحويل ماقبلش بتاع علوم .. يبقى كدا تحويلك لتجارة سليم ان شاء الله

vampire1188

24-08-2009, 11:20 PM

نا تحويلى اتقبل والحمد لله لتجاره القاهره امتى نروح نقدم الورق ممكن تردعليا يا فامبير لو سمحت

الحقى روحي دلوقتى قبل ما ميعاد التقديم يقفل .. الميعاد هايقفل يوم 27/8 .. يعني بعد يومين

vampire1188

24-08-2009, 11:23 PM

هاى بليز كنت عاوزة اعرف ..... مصاريف الاكتوارى زي تجارة العادية ولا اكتر ؟

المصاريف هيا هيا .. مش بتفرق حاجة عن مصاريف انتظام

المواد بالعربي ولا انجلش ؟

انجليش .. والدراسة بتبقي في مبنى تجارة انجليش

انا جبت جيد الحمد لله وكنت علمي رياضة بس لسة مش قدمت فيه ....ينفع الايام دى ولا خلاص كدة

لا خلاص كدا للأسف راحت عليكي .. التقديم بيبقي في شهر 7

والامتحان المفروض بيبقي في نص 8 .. ونتيجة الامتحان المفروض بتظهر في شهر 9

elhende

25-08-2009, 09:28 PM

انا متقدمه لكلية البنات جامعه عين شمس و عايزه اعرف معاد نتيجه التنسيق الداخلى ضروري جدا

elhende

25-08-2009, 09:45 PM

ارجوا الرد على سؤالى

vampire1188

25-08-2009, 09:46 PM

انا متقدمه لكلية البنات جامعه عين شمس و عايزه اعرف معاد نتيجه التنسيق الداخلى ضروري جدا

اللي اعرفه ان النتيجة المفروض انها ظاهرة دلوقتى ع الموقع ع اللينك دا

http://womenfaculty-eg.com/tansik/tansik.aspx

بس هما للأسف اللينك واقع .. بس هوا دا اللينك التابع للكلية والله اعلم بقي

elhende

25-08-2009, 10:00 PM

طيب اللي ظهرت نتيجه التنسيق الداخلى للمرحله التانيه لكليه البنات اداب عين شمس؟؟؟؟ و كمان سؤال معلش انا اه اللي المفروض اعمله لما النتيجه تظهر؟؟؟؟ وشكرا جدا

vampire1188

25-08-2009, 10:10 PM

طيب اللي ظهرت نتيجه التنسيق الداخلى للمرحله التانيه لكليه البنات اداب عين شمس؟؟؟؟

والله ماعرف يابنتي .. اصلا اللينك مش شغال ..

والرسالة اللي بتظهر ( This domain name expired )

ودا معناه ان اللينك دا غير صالح .. يعني لازم الكلية تتصل بالشركة اللي تبعها الدومين دا

عشان تفعل اللينك وتشغله من اول وجديد تاني ..

وبالتالى اللينك عمره ماهايفتح الا اما الكلية تشوف الموضوع دا

كمان سؤال معلش انا اه اللي المفروض اعمله لما النتيجه تظهر؟؟؟؟

ولا حاجة .. نتيجتك هاتظهر وهايبلغوكي بانك دخلتى القسم الفلانى

اذا كنتي قدمتي ورقك يبقى كدا تمام ومش هاتعملي اي حاجة خالص

غير يمكن اذا كان فيه كشف طبي ولا حاجة

تابعي الاخبار وكله هايبقي تمام ان شاء الله

the_guilty

25-08-2009, 10:29 PM

طـب انا فى تجاره انجلش مدخلتش الامتحانات السنه اللى فاتت خالص ولسه داخل اولى يعنى هاعيد السنه

فهل مثلا الدرجات فى النهايه بتتقاس تراكمى يعنى لو جبت 150 من 200 مثلا تتقاس مع السنين التلاته الجايين ولا

لازم يذكر ان انا عايد اسنه وتقلل من درجاته وشكرا ليك ....

vampire1188

25-08-2009, 10:43 PM

لازم يذكر ان انا عايد اسنه وتقلل من درجاته وشكرا ليك

لا يا مان مالهاش علاقة ..

كل اللي بيحصل ان انتا دلوقتى مثلا عيدت السنة على 4 مواد

مهما ذاكرت ومهما جيبت درجات عالية .. اقصي درجة هاتتحسبلك هيا 13 من 20 (يعني مقبول)

والكلام دا ساري فقط على الناس اللي بتشيل مواد

عشان كدا فيه حاجة في النتيجة اسمها الدرجة قبل والدرجة بعد (لو انتا تجارة القاهرة)

الدرجة قبل هيا دي الدرجة الفعلية بتاعتك اللي انتا فعلا حصلت عليها في الامتحان

الدرجة بعد هيا دي الدرجة بعد حذف الدرجات اللي بتعدي رقم 13

يعني انتا مثلا كنت شايل مادة المحاسبة .. والمادة دي انتا ذاكرتها اوي وجيبت فيها 18

وطبقا للقاعدة اللي قولتلك عليها مش هايتحسبلك الا 13 درجة بس

اذن في النتيجة هايتكتبلك الدرجة قبل (18) ، الدرجة بعد (13) .. فهمتني ؟

اما حكاية انه لازم يذكر انك عايد السنة او لأ .. لأ هوا مش بيذكر .. اهم حاجة عنده الدرجات والتقديرات

الا في حالة واحده فقط وهيا في سنة رابعة (سنة البكالوريوس)

العادي بتاع اي طالب انه بيمتحن اخر السنة ودا بنسميه دور مايو او يونيو على حسب

لو الطالب بتاع سنة رابعة شال مادة واحده بس ..

بيتعمله امتحانات اعادة في الصيف .. ودا بنسميه دور سبتمبر

هاتيجي تسألني تقولي وياتري في شهادة التخرج بيتكتبله هوا خريج دور مايو ولا دور سبتمبر

هاقولك لأ هايتكتبله خريج دور سبتمبر .. وهيا دي المصيبة الكبري والعار بعينه

عشان كدا سنة رابعة هيا سنة الانتحار .. معروف ان تجارة اصعب سنتين فيها هما سنة تانية وسنة رابعة

the_guilty

25-08-2009, 10:55 PM

شكرا يا مان بس انا مدخلتش الامتحانات اساسا يبقى كده عادى الدرجه اللى اجيبها تحسبلى كامله صح؟

ومعلش تعبتك معايا

vampire1188

25-08-2009, 11:49 PM

شكرا يا مان بس انا مدخلتش الامتحانات اساسا يبقى كده عادى الدرجه اللى اجيبها تحسبلى كامله صح؟

فيه حالتين ..

الحالة الأولى انك عملت تأجيل وبالتالي مادخلتش الامتحانات ..

وساعتها يتم احتساب الدرجة كاملة لإنك ليك عذرك

لإن في الحالة دي بيشيلوا اسمك نهائى من كشوفات اسماء الناس اللي ليها الحق في انها تمتحن اصلا

الحالة التانية انك تغيبت عن الامتحان ومادخلتوش كدا من غير اي حاجة

في الحالة دي يبقى انتا كدا متغيب عن الامتحان اصلا .. وبالتالى هايكتبوك في النتيجة (غ)

وحرف (غ) دا يعني زيك زي الراسب في المادة دي ..

وساعتها هاتعامل معاملة الراسب ومش هايتم احتساب الدرجة كاملة

tomkrouz2010

26-08-2009, 12:13 AM

ياجماعة لو سمحت هى فلوس الانتساب لو مدفعتش وانت بتقدم ممكن تدفها اول يوم فى الدراسة

vampire1188

26-08-2009, 12:33 AM

ياجماعة لو سمحت هى فلوس الانتساب لو مدفعتش وانت بتقدم ممكن تدفها اول يوم فى الدراسة

سيادتك الفلوس ممكن ماتدفعهاش اصلا !!

بس في الحالة دي طبعا الفلوس هاتتراكم عليك سنة ورا سنة ورا سنة لغاية ماتكعهم في الاخر

بس انتا بالنسبالك عشان انتا سنة اولي مطالب بانك تدفع المصاريف عشان تاخد الكارنيه مش اكتر

عشان تعرف تخش الجامعة وتخرج وتتعامل عادي يعني

ahmedal3mda

26-08-2009, 09:48 PM

سيادتك الفلوس ممكن ماتدفعهاش اصلا !!

بس في الحالة دي طبعا الفلوس هاتتراكم عليك سنة ورا سنة ورا سنة لغاية ماتكعهم في الاخر

بس انتا بالنسبالك عشان انتا سنة اولي مطالب بانك تدفع المصاريف عشان تاخد الكارنيه مش اكتر

عشان تعرف تخش الجامعة وتخرج وتتعامل عادي يعني

بقولك اية يافمبير انا قدمت من اول شهر 8 ودفعت ساعتها المصاريف هاروح علشان اعمل الكارنية امتى

vampire1188

26-08-2009, 10:02 PM

بقولك اية يافمبير انا قدمت من اول شهر 8 ودفعت ساعتها المصاريف هاروح علشان اعمل الكارنية امتى

السؤال المعتاد .. هل انتا عملت اثبات دفع مصاريف في الشئون ؟

هاتقولي يعني ايه اثبات دفع

هاقولك يعني هل انتا بعد ماخدت اذن الدفع من الشئون

وروحت تدفع في الخزنة رجعت تاني للشئون عشان تثبت انك دفعت المصاريف ؟

>> لو كانت الاجابة اه يبقى المفروض ان فيه ورقتين معاك واحده حمرا والتانية زارقة او خضرا

الورقتين دول خدهم وروح بيهم للشئون ومعاك صورة عشان تعمل بيهم الكارنيه

>> لو كانت الاجابة لأ .. يبقى المفروض انك خدت من الخزنة ورقة صغيرة كدا حمرا

مختوم عليها بختم النسر ومكتوب عليها وزارة المالية وفوق كدا ( 33ع.ح) ..

دي مهمة جدا عشان دي هاياخدوها منك في الشئون ..

المهم تاخد الورقة دي ومعاها الورقتين التانيين وترجع بيهم للشئون ومعاك صورة

وتقوله عايز اعمل الكارنيه .. بس كدا خلاص

(( ميعاد عمل الكارنيه .. بيبقي في اول الدراسة ))

jojo bb

26-08-2009, 11:51 PM

tb ana gayba 87 % 356,5 w fl english 48 w msh wa5da mostawa english ...w 2ademt tegara english banii sweif ,momkn 22abl.. ana bgd mar3oba

w ba3diin ana et2abalt f tegara asyut w 7awlt 3la too bani sweif, hal momkn arg3 tanii asyut w ana m3aya war2t el tarshii7 el ola bta3t el net el 5asa b 2boly fe asyut hal momkn lw gbt el war2 mn banii sweif l asyut tanii arg3 asyut ? bs ahm 7aga 2oly momkn 22bl f banii sweif wla la2

btw el tans2 el go3'rafy bta3y 2 bas asyut w bani sweif 3shn ana fl minia

jojo bb

27-08-2009, 12:04 AM

rbna y5alik ya vampire yaret trod 3alya,aslk mat3rfsh 7alty,, hal momkn arg3 tanii asyut r3'm eny 7awlt mn el net 3la bani sweif, ana ba2ol ya3ni momkn war2t el tarshi7 el ola tfedny

jojo bb

27-08-2009, 12:07 AM

3shn ya3nii asyut bta5od magmo3 22al, fa el tegara english feha hatkon 22al, hya bani sweif bta5od asln magmo3 e3tbarii w kda? yadddiiii el mosiba ana kont fakra enha bt2bl bl darga bas, wl moshkla eni magmo3y 2olyl 87 wl english 48 ??

vampire1188

27-08-2009, 12:33 AM

ana gayba 87 % 356,5 w fl english 48 w msh wa5da mostawa english ...w 2ademt tegara english banii sweif ,momkn 22abl.. Ana bgd mar3oba

على فكرة انا شوفت موضوعك اللي انتي كنتي عاملاه وشوفت سؤالك

وتعمدت ماجاوبش عليكي عشان فيه عضوه هنا معانا في تجارة انجليش بني سويف قولت اسيبها ترد عليكي

لكن اظاهر والله اعلم انها مشغولة شويتين .. عموما طبقاً للمعطيات اللي قدامي اللي هيا :

مجموع اساسي : 256 ، انجليش : 48

يعني مجموع اعتباري = 356 + 48 = 404.5

ودا يعتبر مجموع كويس مش وحش .. لإنه على الاقل معدى حاجز الـ 400

حكاية بقي انك تتقبلي او ماتتقبليش دي مش هاقدر افيدك فيها

لإن موضوع القبول دا مرتبط بحاجتين ..

- المجاميع المقدمة (هل هيا عالية ولا نازلة)

- عدد الطلاب المتوقع قبولهم (كل ما العدد زاد كل ما المجموع الاعتبارى قل)

وعلى هذا الاساس بيتم قبول الطلبة ..

انا بقى مش هاخش في علم الغيب واروح جامعة بني سويف واتفحص اوراق الناس المقدمة

واعملك احصائيات عشان اقولك هاتقبلي ولا مش هاتقبلي !!

انتى وحظك ونصيبك ..

بس المعروف كل اللي مجموعه الاعتبارى بيعدي الـ 400 بيبقي في دايرة الامان الى حد ما

w ba3diin ana et2abalt f tegara asyut w 7awlt 3la too bani sweif, hal momkn arg3 tanii asyut w ana m3aya war2t el tarshii7 el ola

قبل اي حاجة .. انتى كنتى علمى ونطاقك الجغرافى جامعة المنيا المفروض يعني

بس طبعا عشان مافيش تجارة في المنيا .. قاموا مخيرينك مابين اسيوط وبنى سويف

وطبعا عشان انتي مجموعك ماجابش بنى سويف .. قومتى داخلة اسيوط

المفروض دا السيناريو العام اللي انا تعبت عشان افهمه من غير ماتقولي

اللي نفسي افهمه بقى .. ازاي انتى حولتى من تجارة اسيوط لتجارة بنى سويف وانتى لسه انتظام ؟!

ملحوظة (انا طلع عيني عشان افهم القصة بتاعتك دي .. بليز ياريت تكتبي عربي)

ahmedal3mda

27-08-2009, 12:57 AM

السؤال المعتاد .. هل انتا عملت اثبات دفع مصاريف في الشئون ؟

هاتقولي يعني ايه اثبات دفع

هاقولك يعني هل انتا بعد ماخدت اذن الدفع من الشئون

وروحت تدفع في الخزنة رجعت تاني للشئون عشان تثبت انك دفعت المصاريف ؟

>> لو كانت الاجابة اه يبقى المفروض ان فيه ورقتين معاك واحده حمرا والتانية زارقة او خضرا

الورقتين دول خدهم وروح بيهم للشئون ومعاك صورة عشان تعمل بيهم الكارنيه

>> لو كانت الاجابة لأ .. يبقى المفروض انك خدت من الخزنة ورقة صغيرة كدا حمرا

مختوم عليها بختم النسر ومكتوب عليها وزارة المالية وفوق كدا ( 33ع.ح) ..

دي مهمة جدا عشان دي هاياخدوها منك في الشئون ..

المهم تاخد الورقة دي ومعاها الورقتين التانيين وترجع بيهم للشئون ومعاك صورة

وتقوله عايز اعمل الكارنيه .. بس كدا خلاص

(( ميعاد عمل الكارنيه .. بيبقي في اول الدراسة ))

اوكى انا معايا الورقتين الحمرة والزرقا
هو قصدك باول الدراسة قبل الدراسة ماتبدأ بشوية ولا اول ماتبدأ

vampire1188

27-08-2009, 01:00 AM

اوكى انا معايا الورقتين الحمرة والزرقا

يبقى زي ماقولتلك روح بالورقتين دول للشئون ومعاك صورة وقولهم عايز اعمل الكارنيه

هو قصدك باول الدراسة قبل الدراسة ماتبدأ بشوية ولا اول ماتبدأ

لأ اول ما الدراسة تبدأ على طول روح اعمل القصة اللي قولتلك عليها دي

vampire1188

27-08-2009, 01:12 AM

hal momkn arg3 tanii asyut r3'm eny 7awlt mn el net 3la bani sweif, ana ba2ol ya3ni momkn war2t el tarshi7 el ola tfedny

ورقة الترشيح الأولى مش هاتفيدك لسبب بسيط اوي

بس لازم تكونى فاهمة الموضوع عشان تفهميني

دلوقتى اللي بيحصل ان نتيجة التنسيق اما بتظهر .. بيطلعولك بطاقة ترشيح ..

ودي بتبقي مجرد اخطار ليكي بانك اتقبلتي في الكلية الفلانية

في نفس الوقت .. مكتب التنسيق بيبعت سجل بأسماء الناس اللي مقبولين في كل كلية

عشان كدا اما انتى بتروحي تقدمى في الشئون

تتلاقي الراجل بتاع الشئون بيدور في سجل كبير كدا على اسمك

عشان يتأكد ان اسمك متسجل في السجل اللي مكتب التنسيق باعته

في حالة التحويل بتاعتك بقي ..

المفروض اللي بيحصل ان اسمك بيتشطب من اسماء المقبولين في كلية تجارة اسيوط

وفي نفس الوقت في سجل مكتب التنسيق بيعمله بيبقي شامل اسماء الناس المحولة من كلية لكلية تانية

يعني انتى دلوقتى اسمك متسجل في اسماء الناس اللي محولين من اسيوط لبني سويف

يعني اسمك من الاخر متسجل في جامعة بني سويف .. ومش ناقص غير انك تروحي تقدمى وبس

عشان كدا زي ماقولتلك في الاول ان بطاقة الترشيح مش هاتفيدك لانها مجرد اداة اخطار مش اثبات رسمى

لان لو افترضنا انك هاتروحي ببطاقة الترشيح الاولانية لأسيوط ..

ماهم هايفتشوا في السجلات مش هايلاقوا اسمك ! .. لإن اسمك المفروض انه اتشطب وراح لبني سويف

فهمتي ؟

حكاية بقى انك ترجعى تاني لأسيوط دي صراحة ماعرفش .. بس بيتهيألي ماعتقدش

لإن دا داخل في اطار التحويل الثلاثى .. اللي هوا 3 مرات ورا بعض

وعموما يستحسن تسألى هناك في شئون الطلبة عندك هايفيدوكي اكتر منى

jojo bb

27-08-2009, 01:25 AM

rbna y5alek ya vampire bgd, merci enk radet 3alya ...enta f3ln kol klamak mazbot, bs 7kayty b2a eny asln 2blt f banii sweif entzam, da 3shn magmo3y gayb tegara arabi entezam , bs ana kont katba ra3'bty el ola asyut b mzagy, w ba3d kda 2blt feha .....

w ba3d kda f wa2t el ta7welat geet 7awlt mn asyut l banii sweif 3shn tb2a 22rably fl sakn l2ny asln mn cairo bs wa5da el 9anwya el 3ama mn el minia .. w geet 2blt 3adii gdn ..w gatly war2t el tarshe7 3la banii sweif ..

7kayet eny msh entsab de, hwa tlama fe ne5aky el go3'rafy el gam3a ely ana ha7awl leha w magmo3y gaybha, yb2a ana 22adr a7awl leh entzam, w da ely 7asal,, w ana kda et2balt hnak entzam w 2admt embare7 l tegara english banii sweif

bs el moshkla eny 5oft mara wa7da w 3rft en bto3 banii sweif magame3hom 3alya w kda, fa momkn ma2blsh w msh 3arfa homa f3ln bya5do magmo3 e3tbary wla la2? l2n fe nas bt2ol msh bya5do ..

w asyut bta5od magmo3 2olyl da 3'er eny kont wa9ka isa eny kont ha2bl fe TE hnak bshola zay ma she2on el talba hnak 2alo,

fa geet w 2olt yartny kont b2eet f asyut l2nha madmona, el moshkla delw2ty eny 3ayza al3'y el ta7weel w msh 3arfa da momkn f3ln y7sal?

w fe 7kayet el 3arabii walhy welmos7f eny baktb 3arabii 3al keyboard btlo3 el roo7,, w ba5od feh sa3at w asfa ya vampire gdn ana bgd 7aktlk kest 7yaty ,,asfa 3al ez3ag bgd ..

jojo bb

27-08-2009, 01:39 AM

tb bs ana lsa kont msafra banii sweif embare7 w 2ademt l tegara english 3la tool, ya3nii lsa m7awla mn 2orayb hal momkn 2l7a2hom 2bl ma yshtbo esmy w kda? bgd ana 5ayfa awii marg3sh asyut l2nii msh wa9ka mn 7kayt banii sweif de ,,

plz ya vampire ana bs kont 3ayza a3rf enta kont bt2ol l 7ad enk momkn t2bl fe banha aw tanta w kol el akaleem m3ada banii sweif tb leh homa bya5do bl magamii3 el e3tbarya w kda?,, r 3'm wlahii ana ro7t sa2lt 2bl ma a7awl w banii sweif 2aletly enha bta5od b dargt el english bas w mafish 7ga esmha magami3 e3tbarya 3andna ??

w 3la asas kda 7awlt l banii sweif

vampire1188

27-08-2009, 02:11 AM

plz ya vampire ana bs kont 3ayza a3rf enta kont bt2ol l 7ad enk momkn t2bl fe banha aw tanta w kol el akaleem m3ada banii sweif tb leh homa bya5do bl magamii3 el e3tbarya w kda?,,

المتعارف عليه ان تجارة انجليش عموما فى اي كلية

المفروض انها بتاخد مجاميع اعتباريه عشان العدد اللي مقدم بيبقي كبير

فابيبقوا عايزين يصفوهم ..

لكن انا عن نفسي مش واثق من معلومة ان فيه مجموع اعتبارى في بني سويف او لأ

r 3'm wlahii ana ro7t sa2lt 2bl ma a7awl w banii sweif 2aletly enha bta5od b dargt el english bas w mafish 7ga esmha magami3 e3tbarya 3andna ??

طالما بتاخد بمجموع الانجليش بس يبقى كدا تمام اوي ..

اذا انتى كنتى سألتى حد في الشئون وقالك الكلام دا فعلا وكان واضح .. يبقى كويس

لكن لو كنتى سألتى حد مالوش لازمة واقف كدا وخلاص .. يبقى لازم تتأكدي من بتوع الشئون ذات نفسهم

لإن اللي اعرفه ان برده في جامعة بنها مافيهاش مجاميع اعتباريه .. اللي بيتقدم بيتقبل على طول

bs 7kayty b2a eny asln 2blt f banii sweif entzam, da 3shn magmo3y gayb tegara arabi entezam , bs ana kont katba ra3'bty el ola asyut b mzagy, w ba3d kda 2blt feha

اه يبقى معنى كدا بقى انك ادبى مش علمى

l2ny asln mn cairo bs wa5da el 9anwya el 3ama mn el minia .. W geet 2blt 3adii gdn ..w gatly war2t el tarshe7 3la banii sweif

لاحظى انك لو عندك امل انك تخشي انجليش وتحولي بعد كدا من بني سويف للقاهرة .. يبقي انسي الامل دا

لإن التحويل ممنوع .. انا قولت بس اقولك عشان لو ماكنتيش عارفه تعرفي

w fe 7kayet el 3arabii walhy welmos7f eny baktb 3arabii 3al keyboard btlo3 el roo7,, w ba5od feh sa3at w asfa

لاااا اسفة على ايه .. عادي يابنتى ..

بس اصل انا عنيا بس بتوجعني من قراية الانجليش بطريقة عربي وكدا يعني

بس عادي طالما الكيبورد بايظة خلاص مافيش مشاكل

jojo bb

27-08-2009, 02:47 AM

rbna y5aleek ya vampire bgd el topic bta3k to7fa, w rbna ywaf2ak daymn,,
bzabt ana kda asln adaby ...
ana asly kman 5oft lma 2olt enk momkn t2bl f kol el akaleem m3ada banii sweif! fa kont 3ayza a3rf hya banii sweif ta2demha fl english sa3b kda aw 7ga!!

bs hya kol el 7kaya eny asln 3ayza ab2a f bany sweif bs 5ayfa ma2blsh ra3'm en el nas hnak 2aloly enty kda mstawfya el shrot 3moman,, bs f nafs el wa2t 5ayfa eny lw entazart el natiga ,,rego3y l asyut tanii ydee3

w 5ayfa ab2a fe tegara arabii 3shn ana asln msh bate2 draset el 3arabii f ay 7ga ,,da asln ely mna2asny fl 9anawy el 3arabi ,nazla feh bgd gamed, el moshkla enii msh bamshii fl 3arabii 5ales

hwa el mafrod eny sa2lt w hma 2alo mafiish magami3 e3tbarya w kda, bs bardo 5ayfa msh 3arfa leh, wl moskla eny msh 3arfa bya5do kam a3dad el tolab bzabt f banii sweif

7ta kan 2odamy kolyat kteer fl minia zay tarbya w adab w fnon gamila w sya7a, bs sbthom 3shn tegara english, w delw2ty bgd mar3oba w f kol l7za b3ayat ..

ahha ana f3ln 3arfa en mafiish ta7wel l cairo w kda, bs 3moman ana kan 2asdy 3shn hya ganby w kda 3an asyut
w rbna b2a ysahel w bgd msh 3arfa a3ml a!

w asfa bgd tanii ya vampire tawelt 3aliik moot, asfa 3ala ay ez3ag ,w rmdan kareem,kol sana w enta tayb isa

vampire1188

27-08-2009, 03:20 AM

bs hya kol el 7kaya eny asln 3ayza ab2a f bany sweif bs 5ayfa ma2blsh ra3'm en el nas hnak 2aloly enty kda mstawfya el shrot 3moman

وحياتك عندي كل اللي بيقدموا في تجارة انجليش بيبقوا زيك كدا مرعوبين وخايفين مايتقبلوش

خليكي واثقة في نفسك وواثقة في ربنا قبل كل شئ .. وان شاء الله ربنا هايكرمك

w 5ayfa ab2a fe tegara arabii 3shn ana asln msh bate2 draset el 3arabii f ay 7ga ,,da asln ely mna2asny fl 9anawy el 3arabi ,nazla feh bgd gamed, el moshkla enii msh bamshii fl 3arabii 5ales

يااااه للدرجة دي بتكرهي العربي ؟! .. شكلك كدا كنتي في لغات

hwa el mafrod eny sa2lt w hma 2alo mafiish magami3 e3tbarya w kda, bs bardo 5ayfa msh 3arfa leh

عشان شاغله نفسك بالموضوع وحاطاه في دماغك اوي

يابنتي اقسملك بالله .. انا ايام نتيجة التنسيق بتاعتي والله العظيم ماكنت حاطط في دماغي خالص

دانا نتيجة الثانوية العامة نفسها كان بابا جايبهالي من الكنترول قبليها بيومين .. وعاادي جدا لا فرحت ولا حزنت

نصيحة من أخ ليكي .. زمنا دا ماينفعش فيه غير البرود ..

خليكي باردة وحطي اعصابك في فريزر والامور ان شاء الله هاتمشي كويسة معاكي وتمام

بس انتى طالما هما هناك قالولك ان مافيش مجاميع اعتباريه يبقى دا في مصلحتك

استبشري خير ان شاء الله وماتبقيش متشائمه كدا

w delw2ty bgd mar3oba w f kol l7za b3ayat

والله العظيم يابنتى مافيش داعى للمحزنة اللي انتى عاملاها دي

خليكى ايزي خالص وخدى الامور بسلاسة كدا وببساطة ..

مانا في الاول والله كنت ببقي زيك كدا واعصابي مشدودة ..

بس اتعلمت البرود من كتر ما مر عليا من واقف تحرق الدم http://l.yimg.com/us.yimg.com/i/mesg/emoticons7/46.gif !!

w rbna b2a ysahel w bgd msh 3arfa a3ml a!

اعملي اللي هاقولك عليه .. هاتكسبي والله

انسى موضوع الكلية دا خالص ونفضيله تماما .. وخليكي مقتنعه بفكرة ان ربنا دايما عايزلي الخير

لو ربنا كرمك ودخلتى تجارة انجليش اسجدي واشكريه على نعمته

مادخلتيهاش .. طبيعي هاتزعلي .. بس افضلي مقتنعة بان ربنا كان عايز كدا ..

وطالما ربنا عايز كدا يبقى دا قضاء وقدر ودا ماحدش بيقدر يتحكم فيهم الا ربنا

سيبيها على الله وربنا يجيب اللي فيه الخير ان شاء الله