|
||||||
| حي على الفلاح موضوعات وحوارات ومقالات إسلامية |
|
|
أدوات الموضوع | انواع عرض الموضوع |
|
#1
15-05-2011, 04:01 AM
|
||||
|
||||
كيف تعيش الصلاه(صليها صح)
  كيف نعيش الصلاة مش كيف نصلى كهيئات واركان فحسب ليست القضية ان تقف وترفع يديك وتمثل حركات وانما القضية ان تصلى  تعالوا نبدا من البداية من الاول خالص من هناك لماذا خلقنا الله؟ سؤال متكرر اجابتة معروفة لنعبدة قال سبحانة { وما خلقت الجن والإنس إلا ليعبدون } [الذاريات/56] وقال سبحانة { قل إن صلاتي ونسكي ومحياي ومماتي لله رب العالمين } [الأنعام/162] اذا كان الله جل جلالة قد خلقنا لعبادتة فهل نحن حياتنا عبادة؟ سؤال يحتاج الى اجابة عشان كدة عاوزة اسال الاول الناس اللى مبتصليش مش انت مبتصليش لية؟ لا انت عايش لية؟ لو علم العبد لعلم انة ماخلق وزينت له مفاصلة الا للعبادة ولذلك اللى مايسجدش فى الدنيا مش هيعرف يسجد فى الاخرة { يوم يكشف عن ساق ويدعون إلى السجود فلا يستطيعون } [الأنبياء/90] { خاشعة أبصارهم ترهقهم ذلة وقد كانوا يدعون إلى السجود وهم سالمون } [البقرة/75] انت سليم انهاردة وتدعى الى السجود اسجد قبل ان لاتستطيع ان تسجد اسجد قبل ان تتمنى ان تسجد ولا تسجد انة سؤال انت عايش لية اية قيمة العيشة اذا كنت مبتصليش؟ وهرجع تانى انت بتصلى ازاى هو دة الموضوع هى مش صلاة وخلاص اسمع الاية تاني { خاشعة أبصارهم ترهقهم ذلة وقد كانوا يدعون إلى السجود وهم سالمون } [البقرة/75] مش قادر يرفع وشة قدام ربنا يبقى هنكتشف ان العزة فى انك تصلى قال سبحانة { إن الإنسان خلق هلوعا إذا مسه الشر جزوعا وإذا مسه الخير منوعا إلا المصلين } [المعارج/21] الناس اللى بتصلى دى لها احوال عجيبة عشان كدة النبى صلى الله علية وسلم قال( وجعلت قرة عينى فى الصلاة) ياحسرتة اللى مبيصليش مبيصليش يعنى تايهة قلقان يعنى جوة ظلمة يعنى مش عايش ولا حاسس انت محتاج انك تذل لربنا عشان تعز يوم القيامة اصل هنا ترهقهم ذلة هناك لانة لم يزل هنا بارادتة فازلة رغم انفة يجى يوم القيامة يقف كدة ويأمر بالسجود اسجد فيصير ظهرة طبقا واحدا ميبقاش لية وسط يتنى ميبقاش لية ركب تتنى يبقى كلة طبقا واحدا فيكفى على وشة فى جهنم محتاج انك تعيش الصلاة عشان تسعد اية فى الدنيا دى يجيب قرة عين اية؟ مفيش حاجة فى الدنيا الا علاقتك بربنا وقربك منة ورضا ربنا عنك عشان كدة انت محتاج تصلى بجد عشان تقدر تعيش الحياة دى وتفهمها لكن ازاى نصلى واحد يقول انا نفسى اصلى والله نفسى اصلى لكن مش قادر فى حاجة بتبعدنى عن الصلاة الكلام دة مكرر وبقول ان كثيرا من هذة الاعذار تنتقل بالأيحاء يعنى سمع واحد بيقول كدة فبقى يقول زية انت حاسس بكدة لا انت بتوهم نفسك ان الامر كدة ربنا بيقول (من تقرب منى شبرا تقربت منة ذراعا) يامسلمين ياموحدين ياناس صلوا وصليها صح اصلها مش هم بترمية عن دماغك يبقى عاوزين نصلى ونصليها صح اللى يقول فى حاجة منعانى طب تعالى كدة اتوضى وكبر واقف صلى هنشوف اية الله هيمنعك ولا حاجة قاوم يعنى لو ولد جة يوم الامتحان الصبح وقالك انا مش عاوز اروح الامتحان تقولة اية ؟ مينفعش يابنى خلاص لازم تروح واقف قدام اللجنة مش عاوز يدخل الصلاة صعبة في اية متعبة فى اية؟ الصلاة هى السعاده طيب جرب كدة ولكن زى ما بنقول بردة لازم نصلى صح هجيب من الاول خالص ازاى نخشع فى الصلاة ازاى نلتذ بالصلاة الكلام دة من كتاب (مختصر منهاج القاصدين) بيقول اية (واعلم ان للصلاة اركان وواجبات وسنن وروحها النية والاخلاص والخشوع وحضور القلب) النية رقم واحد زى ماقولنا انت مبتصليش لية نقول طب انت بتصلى لية حديث الاخلاص اللى بيخوف راجل صلى عشان الناس يقولوا بيصلى ملكش عند ربنا حاجة صلى عشان ميبقاش شكلة وحش قدام الناس بقى شكلك حلو! ملكش عند ربنا حاجة انت اجرك عند الله لو عملت العمل خالص لوجة الله بتصلى لية؟ عشان استريح انا تعبان تعبان استريحت ملكش حاجة عندى اية دة مش الرسول قال اريحنا بها يابلال اة احنا بنصلى ونستريح لكن مش بنصلى علشان نستريح متبقاش نيتك انك بتصلى عشان ربنا يرزقك بتصلى عشان ربنا يسترك لا انا بصلى عشان ربنا يرضى عنى وبعدين اطلب منة انة يسترنى ويرزقنى واستريح واتبسطت واعيش فى الصلاة بس ميبقاش دة الهدف دة النية النية انا بصلى عشان ربنا امرنى بكدة لان اللى بيصلى عشان يستريح ومستريحش هيبطل صلاة صلى وصام لامر كان يطلبة فلما قضى الامر لا صلى ولا صام واحد يقولى مش الصلاة بتجلب الرزق اة تأكدة ان الصلاة تجلب الرزق { وأمر أهلك بالصلاة واصطبر عليها لا نسألك رزقا نحن نرزقك والعاقبة للتقوى } [الأنعام/151] سبب تفريج الكروب اة دليل حديث النبى صلى الله علية وسلم كان اذا حزنة امرا فزع الى الصلاة يبقى انا بصلى لله وربنا هيفرج همى بصلى لله وربنا يكشف همى وغمى بصلى لله وربنا يسعد قلبى مش بصلى عشان اسعد انتبة! عشان بعض الناس قام الليل او حفظ القران فاستمتع فبقى بعد كدة مبيعملهاش لله بيعملها لطلب المتعه انا هعملها لله واستمتع انت بتصلى لية؟ لان الله امرنى بذلك تقول طب دى فى الفرض امرنى بذلك فى النوافل طلبا فى رضاة الله ومحبتة اسجد واقترب فأنك ماسجدت لله سجدة الا ورفعك بها درجة صلى عشان اطلع عشان اقرب من ربنا الخشوع وحضور القلب دول يجوا ازاى اسمع الشيخ بيقول اية\ (فأن الصلاه تشتمل على اذكار ومناجاة وافعال ومع عدم حضور القلب لا يحصل المقصود من اذكار ومناجاة لان النطق اذا لم يعرب عن ما فى الضمير كان بمنزلة الهذيان) يعنى اية النطق باللسان اذا لم يعرب عن ما فى الضمير والقلب يبقى دى تخاريف يعنى اية بردة طب ماتصلى على الرسول الاول صلى الله علية وسلم واحد واقف وعمال يقول فى الصلاة ويقرا الفاتحة وقلبة مش دريان الكلام دة هو ميقصدوش يعنى لما يقول الحمد لله رب العالمين وهو مش قصدة الحمد مش قصدة الثناء على الله الرحمن الرحيم مش قصدة تمجيد الله مش قصدة يبقى الكلام دة ملوش قيمة ملوش اثر فى القلب هذيان واحد بيخرف لازم الحمد لله رب العالمين يبقى انا قصدى احمد ربنا هو دة اللى يحضر القلب السرحان بقى فى الصلاة ماهو عشان متسرحش هو دة بقى علاج السرحان ان انا اعتمد انوى اللى انا بقولة مش افهمة وانما زى ما قولنا ان يعرب النطق عما فى الضمير يبقى لازم اللى انا بقولة اقصدة لما اقول سبحان ربى العظيم يبقى انا قصدى وصف الله بكل كمال وتنزيه عن كل نقص قصدى لازم يحصل ليا قصد عمرى ما اسرح انما اللى بيسرح اللى هو اية عاوزين نخطف الاربع ركعات عشان نخلص هم عايز يزيحة عن دماغه لكن اللى بيصلى بحب بحبة وبصليلة واقف بين ايدية مش عاوز اخرج شوف السيدة عائشة بتقول عالجت قيام الليل عشر سنين لايهمنى الا طلوع الصبح يدخل فى الصلاة ونفسة الصلاة متخلصش لانة بيناجى حبيبة هو فاهم بيقول اية فالكلام اللى هو بيقولة ميخلصش الشيخ بيقول (وكذلك لايحصل المقصود من الافعال لأنة اذا كان المقصود من القيام الخدمة ومن الركوع التعظيم ومن السجود الذل ولم يكن القلب حاضرا لم يحصل المقصود) يعنى اية؟ طب تدفع كام؟ الصلاة على النبى صلى الله علية وسلم ياجماعه لما ربنا امرنا بالصلاة وقلنا اقفوا واقيموا الصلاه النبى صلى الله علية وسلم فصلنا القضية وعرفنا ازاى نصلى (صلوا كما رأيتمونى اصلى) فلما امرنا اننا نقف ونركع ونسجد لازم نفهم اية المقصود هى مش حركات تمثيلية وخلاص اية المقصود من القيام الخدمة علشان كدة سيدك النبى صلى الله علية وسلم قال (خير الصلاة طول القنوت ) اللى هو القيام طول القيام فى الخدمة خدام واقف قدام سيدة فى حد مش عاجبة لفظ خدام؟ الركوع المقصود منة التعظيم والسجود الذل فلو واحد واقف ومش قصدة الخدمة راكع ومش قصدة تعظيم الله سجد ومش قصدة الذل لله يبقى حتة خشبة لان المعانى دى لازم تبقى قصدك لا يحصل المقصود من الافعال أذا لم يكن القلب فيها حاضرا قاصدا لان الفعل متى خرج عن مقصودة بقى صورة لاعتبار بها والمقصود ان الواصل الى الله سبحانة هو الوصف الذى استولى على القلب حتى حمل على امتثال الاوامر المطلوبة مش الصلاة بترفع بعد ما تخلص صلاة الصلاة بترفع لربنا وهى بتقول لواحد حفظك الله كما حفظتنى وبتقول لواحد ضيعك الله كما ضيعتنى واحد ترفع فى رق منشور واحد تلف كما يلف الثوب الخرق وتضرب بها وجهة وهيقوم واحد يقول اهو دة بقى اللى مخوفنى مش مخلينى عاوز اصلى خايف بعد كل دة تضرب فى وشى ومتقبلش الصلاة صراحة هو دة بقى اللى مخوفنى من الصلاة ياعم احنا لو هنضحك على بعض ماشى لكن مع ربنا متقولش كدة ربنا امرك بالصلاة وبعتلك النبى يعلمك ازاى تصلى ووصلك الوصف الدقيق لصلاتك لو انت عاوز تصلى اتعلم وصلى الصح والقبول يبقى مضمون اذا صليت صح مش قادر اتعلم اتعلمت بس مش قادر اعملها جاهد فيها هو انت اتولدت بتعرف تشغل كمبيوتر ماكل دة اتعلمتة اتعلم صلاة الحاجات اللى احنا قولناها صعبة دى بنقول لوغريتمات بنلعب متش كورة دى حاجة متعه اللى هيوصل لربنا من صلاتك اللى صح بالمعنى دة ما المعنى الذى استولى على القلب حتى حملة على امتثال الاوامر؟ المقصود ان الواصل الى الله سبحانة وتعالى الوصف الذى استولى على القلب حتى حمل على امتثال الاوامر اية اللى خلى واحدة جميلة وغنية ومتزوجة وعايشة ومتعلمة اعلى درجات التعليم وتلبس نقاب اسود فى اسود لية؟ اية اللى خلاها تضحى بدة كلة اية اللى دفعها لكدة هو دة الوصف الذى استولى على القلب ربنا اللى خلاها تعمل كدة حب ربنا اللى دفعها انها تعمل كدة اللى مقدروش يمتثلوا الاوامر لان محصلش الوصف دة للقلب فلابد من حضور القلب فى الصلاه لكن بردة لازم نقول ان الله عز وجل سامح فى غفلة تطرأ يعنى مبقلكش ان الواحد هيبقى فى الصلاة حاضر القلب مية فى المية طول الصلاه فى وسط الصلاة كدة حاجة هتهجم اعوذ بالله من الشيطان الرجيم وارجع تانى لموضوعى ماشى مسامح فيها بس ميجيش واحد يقول ياشيخ انا عندى سؤال الواحد لو نسى يقول تكبيرة الاحرام والله حاجة تزعل نسى يدخل الصلاه طب صلاة اى دى طب ياشيخ لو شك هو قرأ الفاتحة ولا لأ من اول الصلاة سرحان مينفعش عشان كدة انا لازم اقولك ولا بلاش اقولك لا لازم اقولك بس هقولك المرة الجاية تابعونا
__________________
 
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 12:12 AM.
