|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
25-08-2010, 02:11 AM
|
|||
|
|||
بنات معنسة وشباب مفلسة اوعى حد يزعل منى انا قلت اهوه
السلام عليكم ... .... زمان لما كنا نسأل العيل الصغير (نفسك تطلع إيه؟)، كان يقول (طيار، دكتور، مهندس)، بس لما يكبر ويصطدم بالواقع، يعرف أن مش كل اللي نتمناه نلاقيه. عشان كده لما نسأل الشاب دلوقتي (نفسك في إيه؟)، تلاقيه نفسه يتجوز بنت عادية و في شقة عادية ويشتغل عادي ومع كل ده ما يقدرش يتجوز برضو، وبقي الجواز عنده حلم مش حقيقة. العجيب أن زمان كانت المعادلة (شاب + بنت =جواز)، دلوقتي بقت (شاب + بنات كتييير = حلم قومي اسمه الجواز ) طيب أزاي ؟ . ما هو يا إما المشكلة في البنت أو في الشاب أو تبقي المشكلة في السواق (علي رأي عبد الوهاب في الفيلم ) . طيب ما سألناش نفسنا ليه المعادلة أتغيرت وبقت البنات الكتير دول قاعدين من غير جواز. بالنسبة للشاب أول ما يتخرج بيدور علي شغل ولولقاه يبقي بمرتب يا دوب يقدر يتنفس بيه ومع ذلك يرضي وما بيقفش ويكمل ويقول بكره تتعدل، لحد ما يصطدم بالواقع (تاني)، لما بيروح لبنت ويلاقي أهلها عايزين شقة زى شقة بنت ابن خالة عمها، وعايزين يفرشوا الشقة زى بنت عمة جوز أختها، وتبدأ الطلبات تزيد ويا عيني مع كل طلب الواد وشه يجيب ألوان ونفسه يضيق وعينه تدمع وبتطلب معاه بترجيع، وبرضو يقول لسه في أمل . وأول الشاب ما يبدأ يتكلم و يقول: أنا نفسي اعمل لها كل ده طبعا بس .....، تلاقي أبوها وشه احمر و قال له: هو إحنا فينا من بس، وهو إيه اللي مش عجبك في اللي إحنا قلناه؟ فالشاب يرد: يعني لو ينفع أجيب شقة صغيرة بدل الخمسين اوضه وعشرين صاله، وبدل العفش اللي هاييجي من بره ممكن نجيبه من دمياط، و بدل الشبكة أم خمسين ألف كفاية دبلة واسورتين زى (الكلابشات) قصدي زى اللي أخت صاحبي جابتهم. فجأة تلاقي الراجل وشه أتقلب، وبدل كلمة يا بني بقي يقول حضرتك (طبعا بتريقة مش احترام)، و يبدأ يتفتف في الكلام، وعينه تبقي احمر واسود، ولما بيبص الشاب للعروسة بنظرة استعطاف وشحاته يلاقيها موافقة علي طلبات أهلها وبتبص له من فوق لتحت، ولو البنت بقت في صف الشاب يا دوب بتقول له: معلش حاول، وكأنها واخده حقنة بنج ومش حاسة باللي الشاب فيه . طيب خليكوا قاعدين بقي لحد ما تكبروا وتتأدبوا وساعتها تتنازلوا وتتجوزوا أبو رجل مسلوخة !!!!!
__________________
لا للتخريب |
|
#2
25-08-2010, 02:19 AM
|
||||
|
||||
نهاية الموضوع تحمل نظرة شريرة غير اللى كانت في اول الموضوع
 وبعدين خلاص بقى في عروسة صيني دلوقتي حتحل الازمة وتكلفة وصولها للبيت لا تتعدى 1500 بلا مهر بلا شبكة بلا شقة بلا وجع دماغ وكمان بتطبخ وبتغسل وبتنضف ومبتكلش كتير حاجة اخر منجهة
__________________
It was over 3 years since my last visit  |
|
#3
25-08-2010, 02:25 AM
|
|||
|
|||
|
طيب خليكوا قاعدين بقي لحد ما تكبروا وتتأدبوا
وساعتها تتنازلوا وتتجوزوا أبو رجل مسلوخة !!!!! ولما بيبص الشاب للعروسة بنظرة استعطاف وشحاته يلاقيها موافقة علي طلبات أهلها وبتبص له من فوق لتحت، ولو البنت بقت في صف الشاب يا دوب بتقول له: معلش حاول، وكأنها واخده حقنة بنج ومش حاسة باللي الشاب فيه . طيب خليكوا قاعدين بقي لحد ما تكبروا وتتأدبوا وساعتها تتنازلوا وتتجوزوا أبو رجل مسلوخة !!!!! بص يا no cry اكيد مش تقصد الكل اولا الفئات تختلف واكيد لو واحده معاصره الواقع مش كل همها تبقى زى فلانه او علانه اكيد الوضع يختلف وانا مانكرش ابدا ان الشباب معذورين لا بجد معاهم حق بجد والله لما تبص لحال الشباب اللى قاعد وخلص كليته وقاعد مستنى الوظيفة وزى ماقولت يادوب المرتب يكفيه هو بس اكيد فى بنات بيبقى عندها شوية احساس بس دا زى ماقولت معاصره الواقع مش عالم الخيال او الاحلام بس الشائع اوى الايام دى انه معظم اللى بيخلص دراسته علطول عاوز يسافر علشان يكون حياته ولما يرجع ربنا يكرمه بقرشين كويسين انا شايفه ان الاهالى دلوقتى مش كله عايزين بنتهم تتخطب لحد مسافر بره لان دا هو اللى هايجيب وهايجيب وهايجيب.................. مبدأ مرفوض ودا طمع الناس فى اللى بيسافروا بره ماهماش حاسين بتعب الغربه وبعد الواحد عن اهله ودا كمان تقريبا بيدى فرصة للبنات انها تكون طماعه عايزه شقه وجهاز زى ماانت قولت بنت فلان او علان والشبكة كذلك وياريت الفرح فى اوتيل فليف ستار ................ اكيد اللى بيحس وعايش الواقع بجد وجهة النظر تختلف دا رأى الشخصى
__________________
|
|
#4
25-08-2010, 02:37 AM
|
||||
|
||||
|
و الله انا شايفة ان اللى معهوش ميلزموش
و ان دلوقتى ان البنت الجميلة او الغنية هى اللى بتختار و عمرها ما هتشيل هم و اللى هيشيل الحمل البنات اللى مش حلوين ده رايي دلوقتى
__________________
احفظ الله يحفظك احفظ الله تجده تجاهك اذا سألت فاسأل الله و اذا استعنت فاستعن بالله و اعلم ان الامة لو اجتمعت على ان ينفعوك بشئ ما ينفعوك الا بشئ قد كتبه الله لك و ان اجتمعوا على ان يضروك بشئ لن يضروك الا بشئ قد كتبه الله عليك رفعت الاقلام و جفت الصحف |
|
#5
25-08-2010, 02:42 AM
|
||||
|
||||
|
هههههههه
سبحان الله ..... والله كنت داخله النهارده المنتدى عشان أكتب الموضوع ده  هو مش بالظبط بس تقريبا نفس الفكره ياللا خير توارد أفكار
__________________
قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
|
|
#6
25-08-2010, 02:51 AM
|
|||
|
|||
|
نهاية الموضوع تحمل نظرة شريرة غير اللى كانت في اول الموضوع
وبعدين خلاص بقى في عروسة صيني دلوقتي حتحل الازمة وتكلفة وصولها للبيت لا تتعدى 1500 بلا مهر بلا شبكة بلا شقة بلا وجع دماغ وكمان بتطبخ وبتغسل وبتنضف ومبتكلش كتير حاجة اخر منجهة وحياتك قولي اجيبها ازاي العروسة دي؟؟؟؟؟ |
|
#7
25-08-2010, 03:19 AM
|
||||
|
||||
|
اقتباس:
دول الغنيات اول ناس بيتعبو اساساً لإنهم لازم ميكنش غير حد من طبقتهم ولازم يكون كذا وكذا وكذا وده غالباً مبيتوفرش غير في نوع واحد من ولاد الكبار اللى ناهبين البلد او من مهربي الاثار والمخدرات والنوع التاني .... صدقيني مش حيلاقي غير الصنف اللى يكمله اقتباس:
العروسة الصينية.. هل تصبح الحل لأزمة الزواج في مصر؟ تقريباً كده في هناك ناس خبرة ممكن تستفاد منها 
__________________
It was over 3 years since my last visit |
|
#8
26-08-2010, 07:42 AM
|
||||
|
||||
|
اقتباس:
شوف الرابط ده http://www.thanwya.com/vb/showthread.php?t=234728
__________________
لكى تتعرف عن صيدلة تابع معنا قبل ما تدخل صيدلة عدى علينا هنا http://www.thanwya.com/vb/showthread.php?t=350140 ملتقى دفعه المنصورة لصيدلة http://www.thanwya.com/vb/showthread.php?t=349360 ما هى مهنة الصيدلة ؟؟ http://www.thanwya.com/vb/showthread.php?t=361384 |
|
#9
25-08-2010, 02:53 AM
|
||||
|
||||
|
أنا فى رئيى البنت العادية افضل مليون من الجميلة
لان العادية مش هغير عليها زى الجميلة ثانيا العادية بتكون انظف من الجميلة بكتييير ثالثا العادية ملهاش شروط زى الجميلة رابعا الجميلة لما تكون عجوزة يبقى ملهاش لزوم اما العادية بتكون عادية فرق التغيير مش ح يبان و سلامى لكل الموزز الصينين |
|
#10
25-08-2010, 03:00 AM
|
||||
|
||||
|
هههههههههههههههه
ردود جميله بس انا من رايى اذا كان الشاب عنده دين كويس جداااا المفروض البنت ترضى بيه دلوقتى وواحده واحده يكملوااااا مع بعض وطبعا ده اذا كانت هيه بردو عندها دين عشان كده نلاقى البنات اليومين دووول عايزة وعايزة وعايزة الى مالا نهايه لكنى بردو مش ضد ان الشاب لازم يكافح علشان يوصل للى يتمناه بس بررررراحه عليه بردو
__________________
 تحيااااااااااااااااتى |
|
#11
25-08-2010, 04:09 AM
|
|||
|
|||
|
ايه العنصرية دي .....
البنت مظلومة خالص واهلها كمان يعني بالعقل كدا واحد معندوش شقة رايح يتقدم لوحده لديه مثلا هيتجوزها ويقعدوا في الشارع مثلا!! مش الشقة دي من الضروريات بردو عايز افهم يعني ايه المشكلة في كداا وكمان مش لازم الشقة تتفرش وبعدين محدش دلوقتي بيعمل الكلام اللي بتقولوا عليه دا كل واحد دلوقتي عايز يجوز بنته لواحد يحميها ويصونها... وبدل انسان كويس ومحترم ومتدين وهيحافظ ع البنت وعنده الأشياء الضرورية للزواج زي الشقة والعمل ... ايه بئا الصعب في كداا .. مع احترامي الشديد بس انتم متحاملين ع البنت واهلها اوووي...
__________________
والحب له قوانين آخري..!
|
|
#12
25-08-2010, 06:10 AM
|
||||
|
||||
|
اقتباس:
كلامك صح طبعاً ومش موضوع متحاملين ولا حاجة
بس مازال الآباء مقتنعين بفكرة إنهم كل ما يغلو مهر بنتهم كل ما تغلى قيمتها وجوزها ميطلقهاش بسهولة ماشي ممكن يكون الكلام ده كان في فترة صحيح نسبياً بس الزمن ده بقى الزوج اول حاجة بيشترطها في الزوجة إنها تكون بتشتغل وده المفروض اللى يسود دلوقتي الاتنين يساعدوا بعض .... لإننا مش في عصر كل واحد يملي فيه شروطه لكن عامة وفي الوسط المحيط ليا مشفتش الكلام ده وكل اللى بسمعه من التلفزيون او من الحكاوي بتاع مغالاة المهور وكده واتمنى فعلاً يكون كل الناس مقدرة ظروف بقية الناس وعلى رأي ابو الليف الرحمة حلوة حلوة حلوة الله يكون في عون العريس مين اللى نقى مش بنتكو دي ... يبقى ذنبي ايه تلبيس
__________________
It was over 3 years since my last visit |
|
#13
26-08-2010, 10:23 AM
|
|||
|
|||
|
اقتباس:
ع فكرة احنا معندناش في بلدنا مهر العريس بيجهز نصف الشقة والعروسة النص التاني وطبعا لما فكر انه يطلقها هتأخد العفش كله اللي جبته واللي جابه وهيدفع مؤخر وحاجات كداا يعني العروسة حقها محفوظ والاب من عايز يجوز بنته يومين ولا ثلاثة وترجعله تاني الجواز يعني حياة تانية وواقع تاني لما البنت بتجوز بيسأل الأب ع العريس طوب الأرض.. مفيش أب بيغلي المهر عشان مش تطلق ... لان الموضوع قسمة ونصيب ومهما يحصل ما هو المهر ادفع وخلاص يعني مش هيهم العريس حاجة لو عايز يطلقها .... ام موضوع الشغل دا حتي لو البنت اشتغلت فهي في الاول والاخر مسؤولة من جوزها ومش من حقها يأخذ من فلوسها الا اذا كانت هي راضية ... وفعلا ربنا يوفق الشباب كلهم بالزوجات الصالحات
__________________
والحب له قوانين آخري..!
|
|
#14
25-08-2010, 04:14 AM
|
|||
|
|||
|
اقتباس:
الجمال نسبي جدااا اللي حضرتك ممكن تشوفها جميلة غير حضرتك ممكن يشوفها وحشة اوووي وبردو اللي حضرتك تشوفها وحشة ممكن غير حضرتك يشوفها اجمل واحدة في الدنيا... وفعلا زي ما حضرتك بتقول ان الجمال بيروح عشان كدا الرسول(صلي الله عليه وسلم)قال (واظفر بذات الدين تربت يداك)
__________________
والحب له قوانين آخري..!
|
|
#15
25-08-2010, 04:38 AM
|
||||
|
||||
|
اقتباس:
ربنا يوفقك
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 04:25 PM.
