اقتباس:
المشاركة الأصلية كتبت بواسطة أنا وبس
السلام عليكم ورحمة الله وبركاته
انا عندي سؤال يا ريت تجاوبولى عليه
يعنى هو مش سؤال هو وجهة نظر على سؤال واستفسار وعايزه شرح للجزء ده من حضراتكم
السؤال عبارة عن ضع علامة صح او علامة خطأ اما العبارة التالية
وهو خاص بخرائط التدفق
أى خريطة تدفق لها بداية واحدة ونهاية واحدة ( )
هو كل زمايلى وكمان المدرس قالولى الاجابة صحيحة
بس انا بصراحة مش مقتنعة هو انا عارفة ان اى خريطة لازم تنتهي بـ stop او بـ end وبكده تكون نهاية واحدة زيي ما بيقولوا
بس انا مقتعة انه فى السؤال بيقصد نهاية واحدة يقصد اتجاه يعنى
يعنى مثلا زيي خريطة حساب نصف قطر الدائرة فى البداية كان فى رمز قرار واختيار { شكل معين } لو نصف القطر اصغر من الصفر يبقى الناتج مستحيل وبكده ينتهي البرنامج ده فى حالة والحالة التانية اننا نكمل الخريطة عادي
طيب ما هو كده اصبح قدامنا نهايتين للخريطة هو فى النهاية فعلا هيكون فى end لكن احنا بنقول ان المهم فى النهاية نوصل للهدف زيي المثال الحياتى اللى فى كتاب المدرسة بتاع الذهاب الى المدرسة فى النهاية لازم نوصل للمدرسة وكان فى 3 طرق
لكن هنا انا شايفة ان موصناش فى النهاية الى الحل المطلوب لأن كان فى شرط والشرط ده متنفذش مثلا فى بعض الحالات لذا كان فى نهاية مختلفة فى الخريطة وكان ليها نهايتين وفى خرائط كتير طبعا فى الكتاب بنفس المعنى
انا مش عارفه يمكن كلمة اى اللى فى السؤال هي اللى مسببالى الشك شوية
بس اكون شاكرة جدا لو مدرس شرح ليا الجزء ده لأنه مسببلى بلبلة جامدة بين اللى انا اكتبه كإجابة للسؤال وبين اللى انا فاهماه فى داخلى
وعفوا ع الإطالة دي وان شاء الله استفيد من حضراتكم فى الاراء والرد ع سؤالى
وكل عام وانتم بخير
اللهم إنك عفو تحب العفو فاعف عنا
أميرة
|
اكون شاكرة جدا لو مدرس شرح ليا الجزء ده لأنه مسببلى بلبلة جامدة بين اللى انا اكتبه كإجابة للسؤال وبين اللى انا فاهماه فى داخلى
قبل الاجابة نود ان نوجه لك سؤال ونرجو الاجابة
لما المدرس يشرح لك الجزء ده
هل البلبلة الجامدة اللي متسببلك ستنتهي ام ستستمر
ام ستنتهى وتستمر في نفس الوقت
ترجو الاجابة
05-09-2010, 06:58 PM
العرض الشجري
