رفقا بالمنتقبات

[Observer]

نفسى افهم اختى المنتقبة ليه بتحاول تحسسنا ان النقاب مضطهد فى مصر ؟!
وبعدين الموقف بتاع سواق التاكسى مش دليل على ظلم المنتقبات فى مصر ولاحاجة
عشان قلة الذوق موجودة عند ناس كتير اللى منهم سواقين التاكسى ...
النقاب دة شئ جميل وسامى دة غير انه حرية شخصية ومحدش يقدر يعترض عليه
بس المشكلة فى اللى بيكبروا الموضوع ويخلوا الواحد يحس اننا فى حرب !!

يعنى مثلاً فيها ايه لما المنتقبة تظهر وجهها عند دخول الجامعة أو الإمتحان ؟!
ايه المشكلة فى كدة يعنى ؟ وايه الضرر الكارثى اللى ممكن يحصل ؟!
من حق مراقب الإمتحان يتأكد من شخصية اللى قدامه
وكمان حرس الجامعة عشان يحافظوا على امن المكان

وكمان اللى بيقولوا ان النقاب بيتحارب داخل مصر من جميع الجهات
طب انا معاك بس ايه الدليل
ياريت نكون موضوعيين شوية
النقاب موجود فى مصر منذ عشرات السنين
ومحدش قال حاجة ومحدش يقدر يقول حاجة
لأن المنتقبة دى أخت وأم وزوجة
لكن لما توصل لاتهام المجتمع باعلان الحرب على النقاب
يبقى أكيد فى سوء تفاهم وسوء تفاهم كبير كمان
حالة التعبئة والعداء من جانب المنتقبات ضد الآخر ليست فى صالحهن
شكراً ...