التعليم بايظ

[ENG.HAGAR]

انا هتكلم الاول فى نقطه عن التعليم الابتدائى وبعد كدا هقول نقطه على التعليم ككل
اولا بالنسبه للرياضيات بشوف اساتذه كتير اوى بتخلى الطفل يتعلم على الأله من صغرة ودا غلط جدا
وللاسف اخويا واحد منهم وانا بقى كنت فى ثانويه ومكنتش بركز معاه اوى
ودا طبعا بيخلى الطفل غير قادر على استيعاب اى معلومه او فهمها
ياخد اى مسأله يحطها على الأله يطلع الحل وشكرااا
وهو فاكر نفسه كدا شاطر
يبقى الحل

اننا نمنع استخدام الأله الحاسبه تمامااا فى التدريس والسماح باستخدامها فقط فى حالة المسأل المعقده تمامااا او مسأل الجيب وجيب التمام زى ماحنا عارفين


وبكدا طبعا تزيد قدرة الطالب على التفكير والابداع وسرعة البديهه

عودة حميدة يا باش مهندس محمد c
معلش انا عندى رأى مختلف شوية عن حضرتك اتمنى ان يكون صدر حضرتك رحب لاستقباله .....
مثلا حضرتك اقترحت ان يتم منع استخدام الالة فى المدارس وان الطالب يعتمد على مخه فى العمليات الحسابية
فى حين لو احنا فكرنا ان الابداع فى العمليات الحسابية نسبته تكاد تكون صفر !
مثلا يا باش مهندس احنا كعلمى رياضة ايه الابداع عندنا فى مسائل كرامر ؟؟؟؟ وكنا بنتأكد عن طريق الالة ..!!
كذلك لا يوجد ابداع بنسبة كبيرة فى عمليات الطرح والضرب .. العمليات الحسابية عموما
لكن الالة بتوفر وقت كبير جداا لان هى مش اله ابداع هى اله حسابية مش اكتر ..
فى دول العالم المتقدم بيستخدموها عادى جدااا ومع ذلك مبدعين فى اجهزتهم وكل حاجة فى حياتهم ......
هى وظيفتها انها توفر علينا عناء الجمع والطرح واننا نهتم بالخطوات اللى فيها تفكير فعليا
يعنى هل ياترى الالة كانت تفدر تعمل لينا كطلبة علمى رياضة حل لمسائل الهندسة الفراغية ؟؟!!
لا طبعا لان دى لها اكتر من اسلوب لحلها ..
كمان عند حضرتك حق اننا نسمح بأستخدامها فى حل مسائل الجيب وغيره
انا اتفق مع حضرتك اننا نعلمهم اول كام سنة ازاى يستخدموا وينشطوا دماغهم من غير الة بس صعب اننا نقول ان الالة بتوقف قدرتهم على الابداع او كدة ..

اما النقطه التانيه اللى كنت عايز اتكلم فيها على التعليم ككل

ان يتم قياس نسب ذكاء الطلبه ومن خلال هذه النسب يتم وضع الطلاب فى الفصول
بحيث يكون النسب المتقاربه فى فصل واحد وبكدا انا بسهل المهمه على المدرس
بدل ما اخلى المدرس يتعامل مع نسب مختلفه فى نفس الوقت يبقى بيتعامل مع نسبه واحده فقط
وطبعا برضه لازم نقيس قدرات المدرس علشان كل مدرس يبقى فى الفصل المناسب

مستنى رأيكم

على فكرة يا باش مهندس انا عندى تجربة شخصية عن موضوع تقارب نسبة الفهم والذكاء عند الطلبة .. وهى
ان انا فى سنة 2 اعدادى كان عندى استاذة بتقسم الشاطرين فى الفصل الى مجموعات وهم يتولوا الطلبة اللى مستواهم اقل او متوسط وكان تجربة ناجحة جدااا والله
لكن لو عزلنا الطلبة اللى مش شاطرين فى فصل والشاطرين فى فصل تخيل مثلا المدرس اول كلمة هيقولها فى الفصل اللى مش شاطرين يا ..... ويا ..... فى حين ان الطلبة اللى فى الفصل ده مش هيبقى بينهم تنافس نهائيا لانهم مستوى واحد .
.احنا كبشر فى حياتنا العادية ربنا خلق فى كل واحد فينا قلب مختلف عن التانى نسبة الطيبة فى كل واحد فينا مختلفة علشان نحتوى بعض
كذلك بردو الطلبة هيبقى فى نوع من التواصل بين الطلبة اللى مستوى عقلهم عالى وغيرهم .
هنخلق بينهم جو المشاركة ومودة جميل جداا والله ...
انا متأسفة جداا لانى اختلفت مع حضرتك لكنى احترم وجهة نظرك جداا
جزاك الله كل خير

[m_cabo]

المشاركة الأصلية كتبت بواسطة ENG.HAGAR

عودة حميدة يا باش مهندس محمد c
معلش انا عندى رأى مختلف شوية عن حضرتك اتمنى ان يكون صدر حضرتك رحب لاستقباله .....
مثلا حضرتك اقترحت ان يتم منع استخدام الالة فى المدارس وان الطالب يعتمد على مخه فى العمليات الحسابية
فى حين لو احنا فكرنا ان الابداع فى العمليات الحسابية نسبته تكاد تكون صفر !
مثلا يا باش مهندس احنا كعلمى رياضة ايه الابداع عندنا فى مسائل كرامر ؟؟؟؟ وكنا بنتأكد عن طريق الالة ..!!
كذلك لا يوجد ابداع بنسبة كبيرة فى عمليات الطرح والضرب .. العمليات الحسابية عموما
لكن الالة بتوفر وقت كبير جداا لان هى مش اله ابداع هى اله حسابية مش اكتر ..
جزاك الله كل خير

انا معاكى فى نقد النقطه التانيه
لكن انتى فمهتينى غلط فى النقطه دى يا باشمهندسه
فى فرق كبير اوى لما استخدم الاله وانا عارف انا ممكن احل بأيدى ازاى من غير اله
وانى استخدما لانى مش عارف احل بأيدى
دلوقتى الاطفال والله انا شوفت بعينى مش علرفين قواعد الضرب والقسمه
كل فكرتهم عنها الاله
فانا بقول ان فى الاول يعرفوا القواعد ويحلوا عليها كتير
مش يستخدموا الاله كدا على طول
ودا برضه هيودينا لنقطه تانيه
فى فرق برضه لما استخدم الاله علشان اتاكد ولما استخدمها من غير ما افكر حتى
ممكن دا فى الامتحان اوكـ علشان الوقت
لكن مش فى كل وقت الاله الاله
بجد بتوقف المخ بطريقه عجيبه
انا واحد صاحبى كان معايا من كتر تعوده على استخدام الاله
جت مسأله اخر حاجه فيها كان هيقسم بس 21 / 3
عملها على الاله
لما طالب علمى رياضه يستخدم اله علشان يقسم 21 / 3
يبقى ايــــه ... ؟
متابع..

واى حد يا جماعه عنده رأى تانى عادى احنا كلنا بنتكلم علشان نوصل للرأى الأصح فى النهايه

[Mohammed-Ahmed]

المشاركة الأصلية كتبت بواسطة m_cabo

انا معاكى فى نقد النقطه التانيه
لكن انتى فمهتينى غلط فى النقطه دى يا باشمهندسه
فى فرق كبير اوى لما استخدم الاله وانا عارف انا ممكن احل بأيدى ازاى من غير اله
وانى استخدما لانى مش عارف احل بأيدى
دلوقتى الاطفال والله انا شوفت بعينى مش علرفين قواعد الضرب والقسمه
كل فكرتهم عنها الاله
فانا بقول ان فى الاول يعرفوا القواعد ويحلوا عليها كتير
مش يستخدموا الاله كدا على طول
ودا برضه هيودينا لنقطه تانيه
فى فرق برضه لما استخدم الاله علشان اتاكد ولما استخدمها من غير ما افكر حتى
ممكن دا فى الامتحان اوكـ علشان الوقت
لكن مش فى كل وقت الاله الاله
بجد بتوقف المخ بطريقه عجيبه
انا واحد صاحبى كان معايا من كتر تعوده على استخدام الاله
جت مسأله اخر حاجه فيها كان هيقسم بس 21 / 3
عملها على الاله
لما طالب علمى رياضه يستخدم اله علشان يقسم 21 / 3
يبقى ايــــه ... ؟
متابع..

واى حد يا جماعه عنده رأى تانى عادى احنا كلنا بنتكلم علشان نوصل للرأى الأصح فى النهايه

والله كلام حضرتك مضبوط جدا أنا تقريبا أول مره أستخدم آله حاسبه كنت في 3 اعدادي وفعلا الآله كتر استخدامها بتوقف المخ عن التفكير . بمعني ان احنا نستخدمها لما يكون لا غني عنها.
وبالنسبه لصاحبك اللي بيقسم 3/21 فأنا عن نفسي والله وقت امتحانات الثانويه كنت بتأكد علي الآله من كل شئ والله حتي 2/2 كنت بتأكد منها هنا مش مسألة تفكير, ده توتر مش أكتر.