زوجة واحدة لا تكفى ..,,

[هانى الشرقاوى]

بصراحة أنا أرفض مبدا تعدد الزوجات دوت
بس برده هو شرعا جائز
وأنا عن نفسى لوة ارتبطت فى يوم من الايام مستحيل أرتبط بأكثر من واحدة

[Sharp Nails]

المشاركة الأصلية كتبت بواسطة تسابيح النجوم

بس هو يفكر بس كدا !!!

طبعا انا عن نفسي هقتله واحطه ف أكياس

ولا أقولك خسارة فيه
ههههههههههههههههههههه
نوفر حق الأكياس
طب انا عندي فكرة احسن احنا نقتل البنات ونخلي عددهم اقل من الاولاد
وكدا يبقي حلينا المشكلة
بصي هي فعلا مشكلة ان البنات عددها زاد
بس نعمل ايه بقا
بس انا فعلا مقدرش ان اتجوز واحد متجوز اللي ف حال واحدة لما تكون اللي متجوزها ماتت
بعد الشر ع كل الناس

شكرا ع الموضوع

شكرا على رأيك نورتى

المشاركة الأصلية كتبت بواسطة عبده عثمان

انا اؤيد هذا الكلام بشدة
حيث الاصل في الزواج التعدد
وهذا ما فعله النبي صلى الله عليه وسلم
وكذلك علماء الامة الشيخ الحويني والشيخ محمد حسان وغيرهم وفي الحديث الشريف

أما والله إني لأخشاكم لله وأتقاكم له لكني أصوم وأفطر وأصلي وأرقد

وأتزوج النساء فمن رغب عن سنتي فليس مني

رواه البخاري واللفظ له ومسلم وغيرهما


فليس لاحد ان يعترض على ما اباحه الله
قال تعالى "
وما كان لمؤمن ولا مؤمنة إذا قضى الله ورسوله أمرا أن يكون لهم الخيرة من أمرهم"


اما قول بعض الاعضاء الذين ردوا على الموضوع ان هذه انانية من الرجل
فالاكلام على خلاف ذلك جذريا
لان هذه الانانية تتحقق اكثر بكثير في هذه المرأة التي ترفض ان يتزوج زوجها
غيرها
دون التفكير في ان هذه قضية عامة
يجب حلها كمشكلة عامة
فهذا الكم من الفتيات الى اين مصيره؟

كما ان الكثير من الرجال لا تكفيهم امرأة واحدة
فارجو ان نكون اكثر واقعية

انا كمان بؤيد الكلام دة ومقتنعة جداا بفكرة التعدد ان استطاع
بس انا مش بحب حد يقول رأيه بتعصب
انا ممكن اوصل رسلتى بمنتهى الهدوء
نورت الموضوع وشكرا عالرد

المشاركة الأصلية كتبت بواسطة آية من الله

ده انت وقعتى فى شر اعمالك

على فكرة كنت فى بناء اول امبارح وكان فى خطبة نكاح
فياترى الشيخ اتكلم عن ايه؟؟؟
ده العريس لسه هايبنى ويتزوج اول زوجة
الشيخ اتكلم عن التعدد واقنع اللى قاعدين بالتعدد
كويس ان العروسة كانت لسه مجتش لاحسن تغير رائيها ولا حاجة

اكيد الشيخ دة معانا عالمنتدى
وشاف الموضوع وقال يقنع الراجل
كتر خيره والله

المشاركة الأصلية كتبت بواسطة شمس بياض

والله العظيم كنت داخله الموضوع اكتب هذه الابيات---------------------------- سبحانك يارب


يا بنات اصبرن وصابرن ورابطن

اللى من نصيبك هايجيلك بلاش ----والله جدتى

بتقول---قاعده الخزانه احسن من جوازه الندامه


وبعدين الرسول صلى الله عليه وسلم لما تزوج اكتر من واحده دى كانت لاسباب

1- كان بقوه 30 رجلا---(مش رجال تشرب سجائر وبانجو و----------------مش لازم

2- كان يعمل لمصلحه الدعوة الاسلاميه وبامر الله عز وجل

وكان يقول يارب هذا حقى فيما املك فاغفر لى فيما لا املك--(معنى الحديث)


3- لم يتزوج على السيده خديجه برغم كبر سنها وفى حياتها


4- تكريما لاصحابه ومن وقف بجوار فى رحله الدعوة (ابو بكر وعمر)


5-تزوج ام سلمه لماذا وهى كانت كبيره سن تكريما لهاولزوجها ابا سلمه

6- تزوج السيده زينب بنت جحش لهدف الغاء فكره التبنى

7- تزوج صفيه تكريما لهاولترغيب اهلها فى الاسلام


كل هذا ليس عن رغبه الرسول فى النساء

لكن بامر الله ولكى يكون لنا قدوه حسنه وسنه نتبعها


مستغربه انا على البنات دى سبحان الله؟

المشاركة الأصلية كتبت بواسطة شمس بياض

معلهش يا نسومه اصلى متغاظه قوى يا خيتى

هقول تانى الست بطلع عين جوزها وعين الى جنب جوزها كمان
وتقوله عجبك على كدة عجبك مش عجبك انت حر
لكن لما هى تكون عارفة انها لما تزعله هيسبها ويروح للتانية
يبقى هتتعدل وتتظبط

وبعدين فى ناس كتير فى عندهم 30 سنة
وتلاقيهم ماشاء الله معاهم ومستريحين
اية بقى المانع انه يتجوز واحدة تانية
وزى ما فى بنات بتحب الواد الفافى الصغيور
فى بنات تحب الراجل الناضج الواعى
الى عقله كبير


ايش يعنى كلامه دهوت

هو كل حاجه نعملها لراحه الرجل امال راحتنا نحن فين
ما احنا لما نريح هنستريح

خليتم الولاد خدوا على ان السيدات هى اللى عليهن حمل المسئوليه

وبعدين فين الرجاله اللى بتقولى عليها دول

مين ياختى اللى متحمل مسئوليه البيت من الالف للياء

قولى كده دا يدوب بيرمى القرشين وانت بتجيبى زيهم وعليك بقى التنظيم والترتب ووزووووكل شئ تقومين به تتركيه لينام وتقومى انت بكل مستلزمات البيت

ياختى فقعت مرارتى فين الراجل دهوت اللى يملا عين واحده؟؟

دول معظمهم---الا من رحم ربى منفوخين على الفاضى خلينا ساكتين

وبعدين يا حبيبتى ليس المهم القدره الماديه--------------------------مش كل حاجه الفلوس بتشتغلى احسن منه وبتكسبى


مانت بتاكلى وتشربى وتنامى على الجنب اللى يريحك فى بيت ابوك
خنقتينى يابنت انت

عدد البنات كتير فى الكليات عارفه ليه


لان البنات دحيحه


اسفه على التعبير المسف

والاولاد مدلعين من الاب والاخت والزوجه والام والمجتمع اللى يقرف ده



وانت كمان ياختى عايزه تهننيه وتجوزيه واحده كمان وتلاته


طققتينى دا انت لفحه ثلج فى جو قارس-------بهزر طبعا


بلاش لحسن وربنا اجيلك
انت فين---قوليلى كده انت فييييييييييييييييييييييييييييييييييييييييييييييييي ييييييييييييييييين


اصلى مبقوقه من شباب ورجال اليومين دولهاختاه الرجوله صفه ليست فى معظم شباب اليوم

اصل فيه فرق بين الرجوله كصفه والذكوره كصنف فهمتى حاجه؟


وبعدين


اين الرجال الذين يكونون فى مهنه ازواجهن ؟



دى مطلوب منها كل شئ وفوق ذلك تكون منظر وشياكه ودلع ووو----اسكتى احسن

والله عسل
تعرفى انى كنت ف****ى ولد طول عمرى
ان شاء الله لينا معرفة لازم
وردك مهما كان على راسى من فوق
نورتى الموضوع

المشاركة الأصلية كتبت بواسطة m.leader

ليس الغرض من التعدد في الاسلام التعدد في حدذاته ولكن نظرا لان طبيعه الاسلام في البدايه كانت فتره مليئه بالحروب والغزوات ولان الاسلام يحث علي العفه فكان يبيح للرجل الزواج حتي يعف النفس من الشهوه والرغبه في الانحلال اللاخلاقي وكانت الظروف وقتها تسمح بذلك فلا مغالاه في المهور ولا اي شيء مما نسمعه الان وكانت الحياه بسيطه وكلها بركه
اما الان فقد تكون زوجه واحده جحيما لايطاق وتكره معه ان تفكر في ان تعيد التجربه مره اخري فيكفيك مراره زواجك الاول وقد تكون بلسما شافيا تنسي معه كل نساء العالمين ولا تشعر الا بزوجتك ووقتها لن تفكر حتي في ان تنظر الي ظل امراءه اخري لان زوجتك تقر عينك وتجعلك راضيا مرضيا اما من يريد التعدد والزواج بدون هدف فهؤلاء غالبا ما يفشلون لان الغرض من الزواج هو بناء اجتماعي متماسك وهؤلاء غالبيتهم لا يتحمل مسئوليه ولذا بدات تظهر انواع من الزيجات منها العرفي ومنها المسيار ومنها زواج المتعه
خلاصه القول
اظفر بذات الدين تربت يداك
ولا تفكر في سواها

جزاك الله خيرا عالرد
وشكرا عالمرور

المشاركة الأصلية كتبت بواسطة dr.zomba

والله طالما دا رائيكوا -وبالذات البنات طبعا - خلاص تبقي لا تكفي

ههههههههه
عامل زى مش عارفين مين كدة
موافقة موافقة
نورت

المشاركة الأصلية كتبت بواسطة interpreter

بصراحة أنا أرفض مبدا تعدد الزوجات دوت
بس برده هو شرعا جائز
وأنا عن نفسى لوة ارتبطت فى يوم من الايام مستحيل أرتبط بأكثر من واحدة

ان شاء الله
عاتى يعنى دة مش فرض
وشكرا عاالمرور ورأيك