انا محجبة لية ؟؟؟؟

[Moky]

أنا الحمد لله محجبة
وانا مقدرة انك عاملة الموضوع ده نتصحي بيه غير المحجبات وربنا يجازيكي خير
بس في حاجةعايزة اوضحها لكن بلاش حد ينفعل او يغضب الا لما يفكر الاول
في بعض المحجبات بيبصوا لغير المحجبة انها شطان وانها داخلة جهنم من اوسع ابوبها
او ان اخلاقها مش كويسة
برغم ان غير المحجبة بترتكب مصية انها مش لابسة الحجاب
لكن مش معنى ده انها مبتعملش اي حسنة في حياتها
ومش معنى ده ان اخلاقها مش كويسة
هي بترتكب معصية زي ماكل الناس بترتكب معاصي
وزي ما المحجبات برضه بيرتكبوا معاصي لان مفيش حد معصوم من المعاصي والاخطاء
فياريت الي تشوف واحدة مش محجبة بدل ما تقعد تتريا عليها او تقول كلمة وحشة عليها
ياريت تحمد ربنا انه سبحانه وتعالى من عليها بالحجاب و تدعي لغير المحجبة ان ربنا يهديها
لاني لاحظت ان البعض لما بيشوف واحدة غير محجبة
بشتمها او بيتريق عليها وهو مش واخد باله انه بكده يبقى ارتكب ذنب
وبعدين الي بتقول انها مش مقتنعة بالحجاب يمكن لان محدش عرفها الدين صح
يمكن اهلها مربهاش علي الدين الصحيح
انا حبيت انبه للنقطة دي لان كتير من الناس بقت بتستمتع بانها تقول ان فلان ده او فلانه دي حتخش النار
وكما في بنات كتير بتعتقد انها طلما اتحجبت يبقى أكيد داخلة الجنة
ويبقى مش مطلوب منها انها تعمل اي حسنة زيادة
انا آسفة على الرد الطويل
وجزاك الله خيرا على الموضوع