قبل تطبيق "الكوتة" البرلمانية في مصر..

[علاء سيف]

الاخ الغالي مستر هاني يشرفني اكون اول رد على موضوعك
بس اسمح لي اختلف معاك في الرأي
ليه عاوزهم يعيدو ا التفكير في الكوته دي خطوة جبارة للديمقراطية وانا ومحمد ابني سعداء جدا بيها عشان هنرشح ام محمد ويبقى لينا نايبة في البرلمان
اما نساء كوريا فدول مش متحضرين خالص ياي وكمان بيتخانقوا ؟
فعلا بيئة
اما هوانم البرلمان اللي هيدخلوا وان شاء الله تكون منهم أم محمد فعمرهم ما هايتخانقو لعدة اسباب
اولا خوفا على الميكياج وتسريحات الشعر وخصوصا الصناعي والايشاربات الاسبانش
ثانيا يتخانقو ليه دول طلباتهم هتكون اوامر اما لجمال العيون
او لطول اللسان
وبعدين يا هاني ياغالي الكوته دي مش على طول دي تميز ايجابي
سمعتها من واحد مثقف بس من النوع السوفت مش الحنجوري
عشان السيدات ياخدو فرصة منافسة غير عادلة
بس لفترتين 10 سنوات وبس
ويمكن تجديدها فترتين كمان وبس
وكمان فترتين وبس
بتفكرني بقصة يمكن مش مجالها بس برضة هاقولها ان جحا اقنع الامير انه هايعلم الحمار القراة والكتابة بس في مهلة 20 سنه وبمرتب خيالي ولما سألوه قال بعد 20 سنه يا يموت الحمار يا الامير يا انا اكون مت
وطبعا الاخوان المسلمين رغم اعتراضهم الشديد على الكوتة لاسباب سياسية كعادتهم تحت غطاء شرعي برضه هايشاركو ا والاخوات قادمات
وزي ما في ناس بيستغلوا نسبة ال50 في المية عمال وفلاحين وتلاقي فلاح وزير وعامل باشا رئيس مجلس ادارة
برضة هتلاقي ناس تستغل الكوته واللي ماعرفش يدخل المجلس وهو عباي ابوشنب يعمل عملية وتحول لسوسن هانم ويدخل المجلس
والواد محمد متحمس جدا مش بس عشان امه هتدخل البرلمان لا بيقول انه لما تنجح التجربه وهي اكيد ناجحة لا نجحت فعلا هايطالب هو وبودي ابن عمته وفوفا جارنا ان يكون في كوته للاطفال اشمعنى همه

فياهاني يا غالي بلاش تعقيد وخليك فريش و احسن الله اليك العزاء