تعالوا نحل مشاكلنا قبل ما توسع

[مستر/ عصام الجاويش]

المشاركة الأصلية كتبت بواسطة استاذ بدوى الدجوى

بصوا يا اساتذة
الاجتماع على عينى وراسى ومن غير اجتماع كمان كلامكم على عينى وراسى
استاذ طارق فؤاد : انا لست تافها لدرجة انى اكتب اننى ساترك المكان اذا ظل الاستاذ عصام الجاوبش فى الاشراف من فراغ
ومش ممكن تكون مشاركاتى السابقة هى السبب
اكيد فى سبب تانى .... ولا ايه ؟ حضرتك عهدتنى كده من قبل ؟
انا عند كلمتى بقول سأنسحب بكل رضا ولن ادخل اى مكان به الاستاذ عصام الجاويش
ولن اقبل على كرامتى غير ذلك لانه جرحنى فى كرامتى وتحدانى انى معرفش اعمل حاجة و ان كلامه هيمشى
المنتدى بيمشى لوحده يا استاذ طارق وكتير جداااا تغيبنا ورجعنا لقينا عمالقة جدد وحضرتك لامس ده بنفسك
اللى ايده فى المية مش زى اللى ايده فى النار ...... حضراتكم بتحاولوا الاصلاح والتوفيق بس بقواعد مش نغطى على الغلط ونقول كلنا عايزين نبقى ايد واحدة ما احنا ايد واحدة اصلا ومن امتى مكناش ايد واحدة حتى لو ظهر للناس غير ذلك
الموضوع كان اصلا دفاعا عن اساتذة تقدم للمنتدى الكثير وكانت الحركة تسير بطريقة رائعة وكانت الحجرة لها اعلى الحضور من الاعضاء والاستاذ عصام الجاويش عرقل هذه الحركة وزعل ناس وعمرنا ما شوفنا حد من الاشراف بيزعل حد ممكن يزعل لكن مش بيزعل
فاكر الاستاذ هانى فاضل بعد كل ما حدث بينى وبينه اصبحت علاقتنا جميلة جدا واحترمته لانه عندما كان يهاجمنى كان يهاجمنى ويقول انا هانى فاضل وبقول الكلام ده لبدوى الدجوى
لكن استاذ عصام اتخذ موقف مختلف فهو يستعين فى مشاركاته باحد الاسماء فى كل مرة لعلى اخاف واهدأ بداية من الاستاذ احمد فاضل ثم الاستاذ محمود فتحى ولقبه بالدكتور خصيصا وبعدين الاستاذ احمد يحيى وبعدين استاذ طارق فؤاد وبعدين صوت الحق والاستاذ محمود سرحان وانا متأكد انه حمل وديع امامهم على التليفون او على الايميل والطبيعى دايما بعد ما نخلص مكالمتنا نشعر اننا ملكنا كل من تكلم معنا ... شعور جميل طبعا يبعث على التشجيع ولكن غير مسموح انها تتخذ كسلطة مثلما فعلها السيد الاستاذ عصام الجاويش وينكرها بطلاقة جميلة ولكنها حقيقة امامى وبعد رسالة التهديد الاخيرة واللى بيقوللى فيها ان المنتدى ملك للاستاذ محمود سرحان وليس بدوى الدجوى ومعها فاصل من العك فى الكلام يليها اعتذار ولا يذكر اى شيئ عما حدث فى مشاركاته المتراجعة اليومين دول لانه بيهدى اللعب قبل ما يتأكد من كلام من وعدوه وبعدها يطيح زى الاول انا مش عايز ابقى موجود وهو بيطيح انا حر انا كاشراف ادارى وعضو مجلس ادارة ارى ان الاستاذ عصام الجاويش
وبعدين تعالوا كلكم مين قبل كده احترمناه علشان عمره فقط ؟ معلهش ده نت وتنظيمه غير تنظيم الواقع تماما يعنى لما الاساتذة الكبار بيدخلوا المنتدى يقولوا احنا مدرسين فى مدرسة كذا مش بنعينهم مدرسين مش لازم نشوف اعمالهم ؟ وقبل كده شيلنا كل الصفات اللى مالهاش اعمال يعنى السن لا يغلب الشخصية ........ الشخصية وعلاقتها بمن حولها هى التى تجبر على الاحترام

الاستاذ عصام الجاويش يتهمنى ان مستفيد من البوابة فى دروسى الخصوصية وانه لايستفيد لانه من المحافظات
حد يعرف الكلام ده ؟ ده انا دخلت بعض طلابى المنتدى ومش كلام دول موجودين اعضاء وبيشاركوا علشان تقولوا اللى هنتفق عليه هيمشى على الكل انا مش همشى على اللى هتتفقوا عليه الا لما يجيلى حقى ؟ ومش اعتذار لان الاعتذار يعنى انه كلامه هيمشى ( وبلاش الاستاذ الكريم يرد ويقوللى مين قالك انى كنت هاعتذر اصلا )

الاساتذة الافاضل التى تطالب باغلاق الموضوع زى الاستاذ نبيل موريس ...... وحقى يضيع ؟
والاستاذ الفاضل الذى طلب منى انا اتراجع عن كلامى وهو الاستاذ بدر السعدنى ....... بعد ما سمعت اللى حصل لى لسه عند موقفك .... اسف بكلمكم بطريقة رسمية علشان محدش يقول انهم رباطية او يفهم اننى اطلب منكم الوقوف بجانبى

استاذ طارق حضرتك الوحيد اللى ممنوع تلمح انك تمشى قول مش هشارك لانك معترض على الاسلوب بس محدش تخطاك
وعلى فكرة يا استاذ طارق انا عارف حدودى كويس اوى ولم اطلب تغيير الصفة لاحد الا الاستاذ هورايزن والاستاذ سوورد فقط
لان حضرتك كنت قليل الدخول فى هذه الفترة و برده الاستاذ محمود فتحى والاستاذ احمد فاضل
لكن الاشراف لازم الاتفاق عليه من قبل الاشراف الادارى دى قوانين منتدى والا الغوا الاشراف الادارى لما الاستاذ عصام اتعين انا قعدت ساكت لان اللى طلب كده انا احترم رأيه من غير ما اعرف حاجة وانا قلت قبل كده انى كنت معترض فى الاول وبعد كده قلت لا تمام لانه تقريبا كان لسه لم يتدخل فى امور التثبيت والغاؤه ولم يكن هناك حسن تقدير للمواقف

انا بقى لا هقول مثله انى بعمل وبعمل وبعمل وارجع اقول انه تطوعى و مش هاستشهد زيه بناس على البوابة زى ما استشهد بالاستاذ عصام وهبة وبيقول انه بيشتغل فى صمت
الاستاذ عصام وهبة نزلنى مرة فى نص الليل فى منطقتنا يا استاذ طارق علشان ادور على سايبر لحدوث خطأ لم استطع تعديله بسبب انقطاع النت عندى ومحدش عرف حاجة غيرى انا وهو والكلام ده من سنة ليه انا اعمل كده مع مدرس وكان ساعتها لم يأخذ شهرته كما الان وهو فاكر واشتكى وفهمته على الخاص وله منى مفاجأة قريبا وكبيرة وبتتحضر بس شكلها مش هتبقى هنا ليه؟ لان الاستاذ عصام الجاويش مسنود


48 ساعة منمتش بس فايق وعدائى جدااااا المرة دى وبقولها ومش هحورها
طبعا استاذ وليد السيد كان بيكلمنى على الايميل وكان عارف انا رايح فين والحمد لله ربنا رزقنى بابنة اسميتها " نغم " على وزن " ملك " ولم اقصد المعنى بل قصدت المساواة فقط ولا فى اعتراض فى دى كمان ؟

تنفيذ لطلب الاستاذ احمد فاضل لن اعلق على اتهاماتك لى ووجهه نظرك فيمن يصلح للاشراف ومن لايصلح وانك لن تدخل المكان الذى انا به و..و...و...الخ الخ ساترك الامر كله لاداره المنتدى التى ستفصل فى الامر وهى تتكون من مجموعه متميزه من الاساتذه ومنهم حضرتك وانا اديت دورى فى المنتدى فى الشهور الماضيه على اكمل وجه من وجهه نظر الكثييرين ومايراه مجلس الاداره ساحترمه ولو انى مشغول غدا لوجود مناسبه عندى ليلا ومشغول صباحا بالذهاب مع ابنتى الى الجامعه ولاادرى يامستر بدوى حضرتك مستعجل ليه فى سرد الاتهامات التى توجهها الى انتظر الى الغد وقل كل ماعندك

فطبعا هناك خط احمر للمشرف فى كلامه مع الزملاء وكذلك الامر بالنسبه لعضو مجلس الاداره مع المشرفين قال رسول الله صلى الله عليه وسلم (ليس منا من يوقر كبيرنا ويرحم صغيرنا)
ولن اطيل عليكم وساحاول غدا ان اتواجد معكم فى الاجتماع واى قرار ستتخذونه سأقبله ولن اوجه القرار فى وجهه واحده كما قرات الان :
مدرس ممتاز وجامد وشديد وكبير وكل حاجة عايزين تضيفوها بس لا يصلح للاشراف هو ده عيب ؟ ولو كلامى لم يؤخذ فى الاعتبار يبقى من حقى اترك المكان الذى لم يحترمنى
وارى ان الموضوع اصبح ياخذ صفه تحدى شخصى من الاستاذ بدوى لى انا شخصيا وانا باقوله الله يسامحك يااستاذ بدوى شغل المنتدى زى ماانت عارف ليس عمل سهل خاصه مع وجودى به 12 ساعه يوميا وهذه مهمه كلفت بها فعلى ان اؤديها صح وان كان خروجى من المنتدى هو ماتريده فانا على استعداد من الان وماتزعلش نفسك وماقلته فى حقى احتسبه عند الله انه بكل جميل كفيل وهو على كل شيئ قديرولا اقول هذا عن ضعف او انى حمل وديع كما قلت لاننى لا اخاف الا من الله وحده وعندما اقوم بعمل اقصد به وجه الله