كنت بتعمل ايه ؟! .. احكيلنا ..

[الاسطورة]

بسم الله الرحمن الرحيم
انا باعتذر جدآ عن التأخير اللا ارادى يا شباب لكن انتوا عارفين الواحد وقته ضيق
كننا واقفين عند مرحلة اعدادى ...لكن لضيق الوقت مش ها الحق عشان كده ها انقل على المفيد
ثانوى
================================================== =
_فى ثانوى بقى اتنقلت مدرسة عادية حكومى ..وده كان التغيير الجذرى ف حياتى ...ناس تانية ...وطريقة تعامل تانية من المدرسين ...قبل ما اروح ثانوى عمرى ما فهمت معنى الهروب من المدرسة ...ضرب المدرسين ..والكلام اللى كننا بنسمعه

_اولى ثانوى مش كنت اعرف حد ف الفصل ..بدات اتعرف عليهم وانتخبونى رائد الفصل ...ودى كانت احلى حاجة ..رائد الفصل هو اللى كان بيكتب الغياب وهو اللى بينقل اعمال السنة وهو اللى بيعمل كللل حاجة

_لمدة ترم واحد فقط كان لسا ف المدرسة اشد مدير مسكها ف تاريخها اسمه محمد عريضة ..وده الحمد لله من حظنا طلع معاش بعد اول ترم ده....مرة من مرات احتكاكى بيه اكتشفوا هروب 4 من فصلنا ..جه الفصل قالك فين الرائد ..قولتله انا ...قالى فى 4 هربوا ..قولتله وانا اعملهم ايه ...قالى اسمهم مش ف الغياب ..قولتله ما اخدتش بالى ...4 عصيان ف السريع ....

_كان فى جنب المدرسة مطعم بيعمل سندوتشات ...المهم بعتنا واحد زميلنا يجيبلنا ...وطبعآ مظبطه ف الغياب ...جه متأخر وكننا ف حصة فلسفة ..الاستاذ بيقوله كنت فين قاله باجيب سندوتشات...قاله ها تسيبها بره وتدخل ..يا تفضل انت والسندوتشات برة ..المهم الواد حطهم ادام الباب ودخل ..شوية وقام قاله السندوتشات ها تبرد يا استاذ ...المهم الاستاذ جاب السندوتشات ..وقال ما تاكلوش ..المهم فتحناها واكلنا ..كان ناقصلى واحد فول ..عملت شغب طبعآ ..الاستاذ ف ايه يا ابنى ..ناقصلى واحد فول ...والناس ميتة م الضحط ...يا ابنى اقعد عيب ..اقوله وسندوتش الفول .....كان يوم جامد والله

_كان فى مدرس رياضة عندنا ..المدرس ده نكتة بمعنى الكلمة ...اسمها جمال ...كانت بيبرق بعينيه كده فا سميناه ..جيمى تبريقة ...المهم ده كننا بنبهدله احلى بهدلة ...ومافيش حاجة يقدر يعملها

_جيمى بقى عملنا امتحان شهر لذيذ مكافئة على اللى بنعمله فيه ...المهم لما الدرجات جت ..الراجل بيقول الدرجات ...فلان 0جبر..1 هندسة ...وعلى كده كتير ارقام مشابهة ...واحنا نضحك ...جه عندى قال 1 جبر 1هندسة ...قولتله نعم ياخويا ..قالى دى درجتك...المهم لما جيت احط الدرجات ف الدفاتر ...كل اللى تبعنا 8حبر 8 هندسة...وكانت حكاية بقى ..والعيال اللى مش اتظبطوا ازاى ده حصل ...وانا مش واخد بالى

_جيمى كان متعود يكتب على السبورة العنوان تمارين ...وكننا دايمآ نضحك ع الحكاية دى...المهم ف يوم ...قام واحد قاله استاذ جمال انت بتشتغلنا ...يقوله عيب يا ابنى فى ايه ...يقوله ياعم انت كل يوم تقولنا تمارين تمارين...امال الشرح ها ييجى امتى
وقلبناها مسخرة وانتهت بصعود الناظر للفصل ومشكلة طبعآ كالعادة

_ومازلنا مع جيمى برضو ..اتاخرنا عليه مرة ف الحصة ...المهم لما روحنا طردنا ...وقالنا مش داخلين ...كان يوميها فى زيارة ف المدرسة ....المهم بقى كان المدير والناظر وبتاع ...كننا مستخبيين ...المهم قال اللناظر تعالى خلصنى من ولاد الكلب دول ...هو قال الكلمة دى ...وكلنا طلعنا ...بتقول لمين ولاد الكلب ...واحد زميلنا مسكه من هدومه بيقوله انت بتقول علي مين ولاد الكلب ..قاله ما اقصدكوش والله يا محمد



دى حاجة ع السريع كده من ثانوى ...فى تكمله باذن الله ....لو ممكن بعد اذن صاحبة الموضوع اخد بكرة كمان ...ابقى شاكر جدآآآآ....لو مش ينفع خلاص