اقتباس:
المشاركة الأصلية كتبت بواسطة banzer
مع احترامي الكبير لحضرتك
يمكن الكلمة ده مكتوبة من سنتين فممكن نقول عليها صح
لكن دلوقتي معتقدش حتبقى صح
ليه ؟
لأنه الاخواني مش بيتجوز غير من اخوانية وبالتالي الابناء بيكونو اخوان بالوراثة
ومش لازم يبقو مقتنعين بيها
وفيه فعلاً حالياً اخوان ومش كويسين عادي
اعرف واحد شخصياً كان بيكلم بنت ابوها اخواني عادي يعني
فجماعة الاخوان دول مش كتيبة جنود الله تم تدريبهم وتفقيههم في الدين جيداً
وهم في الحقيقة لا يزيدون عن كثيرين من المسلمين الطبيعيين بشيء
*************
على فكرة مش شرط الاخواني يتجوز اخوانية ..
ولو دا حصل فبيكون لان العائلات عارفين بعض وعارفين اخلاق بعض فمش هيستنو حد مش معروف ..
ومحدش قال ان الاخوان دول استثناء
كل الحكاية انهم متآخين مع بعض تلاقيهم كلهم عارفين بعض وبيعاونو ويساعدو بعض لكن زيهم زي باي الناس
منهم اللي ماشي صح ومنهم اللي ماشي غلط
ومحد يفهمني غلط انا بتكلمن عن الاشخاص مش الجماعة
انما الجماعة نفسها ف الاساس منهجها هو نفسه منهج السلف الصالح اللي لازم يتبعه اي مسلم
لكن مش معقول عشان اشخاص ف الجماعة سيئين دا يخلي الجماعة كلها غلط
وزي الامام حسن البنا ما قال كم منا وليسوا فينا وكم فينا وليسو منا
***********
إذا النبي صلى الله عليه وسلم نزل بالاسلام
فعلى أي جماعة وأي منهج كان يسير الصحابة ؟؟؟
ما هو الشيء المفتقد عند المسلمين الطبيعيين السنيين الذي تم إكماله بجماعة الاخوان المسلمين او السلفيين او اي جماعة مماثلة ؟؟
او بتعبير مختلف
ما حكم المسلمين العاديين وايه الفرق بينهم وبين الاخوان او السلف ؟
لو حد عرف يجاوب على دول بحاجة مقنعة
جايز افكر انه يكون المنهج بتاعي ده غلط ولا حاجة
مهو لازم كمسلم عادي اناقش برده الجماعات
بص يا باشا احنا مش بنخترع مناهج
هو منهج واحد ثابت هو اللي صح وهو منهج السلف الصالح
المنهج دا هو ف الاساس هو نهج الاخوان والسلفيين ومنهج مسلمين كتير بيمشو عليه
بس مش معنى كده ان كل الاخوان والسلفيين ماشيين عليه بالعكس منهم كتير منتمي ليهم بالاسم بس وبيخترع حاجات من دماغه ودا موجود كتير ف الاخوان واكتر ف السلفيين
والفرق ان المسلمين العاديين معظمهم بيكون عايش لنفسه مش اكتر ..اهو يقول انا اعمل اللي عليا وكده رضا
والسلفيين صحيح جماعة اه لكن بردو مكتفين بنفسهم وبس مالهمش دعوة بغيرهم المهم يكونو هما صح
الاخوان بقى وف رايي ان دا الصح
انهم مؤمنين بمبدأ الجماعة
دا بيساعد ان يكون فيه تآخي بين المسلمين
بيهتموا اوي انهم يقربوا من ربنا اكتر وبيساعدوا بعض على دا
وف نفس الوقت عاوزين ينشرو دا ف اللي حواليهم عاوزين يغيروا حال البلد
مش هقول انهم مش عاوزين الحكم طبعا عاوزين الحكم
بس ع الاقل مش هيكون حكم لمصالح شخصية زي مهو موجود دلوقتي
لانهم الاهم عندهم يطبقو شرع الله ف الحكم
انا ماليش دعوة باي نماذج تجيبوها انشالله حتى المرشد العام
انا الاشخاص الكتير اللي شوفتهم واتعاملت معاهم والله ناس قمة ف الدين والاخلاق والادب
...
وف النهاية ياجماعة مش هقولكم غير اتقو الله لما حد بيتهم السلفيين كلهم بيتهم ناس فيهم صالحين ويمكن احسن منه عند الله
ونفس الحال لما حد يتهم الاخوان
كلنا عرب ومسلمين يا جماعة ومفيش جماعة كاملة فاسدة الفساد بيكون ف اشخاص ..
واي حاجة بتعتمد ع مبدأ المناقضة الشيء ونقيضه كل حاجة فيها الحلو وفيها الوحش فبلاش التعميم دا ...
واتقوا الله في كلامكم فلا يسخر قوم من قوم عسى ان يكونوا خير منهم ...
|
اسف اني طولت عليكم بس حبيت اوضح رأيي
والسلام عليكم ..
09-09-2009, 05:49 PM
العرض الشجري
