علــــــــــــ حلوان ــــــــــــــــــوم وبس

[DESIGN2000]

المشاركة الأصلية كتبت بواسطة براءة

دكتورة الميكانيكا واحمد غبد الفتاح للاسف معرفهمش
بهاء ده حكايته حكاية
بهاء اهم حاجة يا جماعة الحضور ثم الحضور ثم الحضور
انا مكنتش بحضرله وشلت مادته
وكمان كتاب الكيميا مبيجيبش منه حاجه وبيقولنا اعتبروه فقط مرجع
كل حاجة بتيجى من محاضراته
ولو محضرتش مش هتفهم
وهو بيكره الغياب عمى
ومبيدخلش حد متاخر ولو دقايق حتى عن معاده
بهاء اهم حااااااجة الحضوووووووووووووووووووور
وهو هينزل ورق كل فترة وده بردو نهتم بيه
بصوا انا قلتها كتير بس هقولها تانى
من الاخر لو محضرتش لبهاء هيشيلك المادة براحتكوا بقي
وحتى لما هتيجوا تمتحنوله شفوى هيبقي قدامه كشف الحضور هييجى يقولك مثلا مجتش اخر محاضرتين ليه ؟او انت مبتجيش محاضرات ليه؟ وهكذا...
و ضد حوار الكورسات هو ومن اشد المحاربين ليه فى كليتنا العزيزة
اما عن الماده نفسها بعيدا عن بهاء فهى سهلة ان شاء الله


الرياضة مش عارفة انت شايل همها ليه
والله لو كنت بنت كنت شرحتهالك لانها بجد سهلة
انت عندك
ترم اول
ميكانيكا ،، تحليل رياضى ،، جبر
الميكانيكا كنت مرة عند الدكتورة بتاعتى قالتلى ان كذا سنة الاول ف ملدتها علمى علوم
فمتقلقش ابدا
انت ممكن فى الاول العيال اللى جنبك بقي والدكتورة بتشرح يتكلموا معاها ويعملوا فاهمين بس سيبك
ياما بتوع رياضة شالوها وبتوع علوم عدوا بيها
وعندك مثلا الشهادات المعادلة كمان مش اخدوها قبل كده زيك فمتقلقش خالص
الميكانيكا ماده لذيذه ولو حبتها هتحبك
بس اهم حاجة تبذل فيها مجهود
اللى متفهموش شوف حد ف الدفعة الى قبلك يشرحهولك ومتتكسفش من ده
وخليك ورا الدكاترة سؤال اتنين 10 حتى مش فاهمهم روح اقعد للدكتور ع باب مكتبه
مش هتلاقيه عليك بالمعيدين وزهقهم
اللى بينجح فى الكليه دى هو اللى بيستغل اى فرصة متاحاله
اللى يكسل بقي هياخد ع دماغه بامانة
التحليل الرياضي
هتاخد ترم اول تفاضل واغلبه انت اخدته ف ثانوى رياضة 1 ده مفيش قلق منهه ولا ايه
وهتاخد فقط مبادئ بسيطة فى التكامل والتكامل ده اللى هو عكس التفاضل
الترم التانى هو اللى هيكون تكامل فقط
والمادة دى بقي متضيعش منك
لانها هى والميكانيكا تقدير واحد
وهى سهلة ان شاء الله مضمونة..

الجبر مادة ناهد الشرقاوى 90% من المنهج علمى رياضة مدرسهوش ف ثانوى واتكلمت عنها قبل كده

متقلقش من حوار علمى علوم ده
قلتلك فى معيدين عندنا فيزيائيين كانوا علمى علوم
تفتكر عدوا بالرياضة بتقديرات عادية؟
متحيل الناس دى كانت متفوقة فى الرياضة ولا قالت احنا كنا علمى علوم وحطت ايديها ع خدها
لأ كل ما المادة انا شايفها هتبقي صعبة عليا لازم ابذل مجهود اكبر
وكل ما هتتعب ربنا هيعوضك كل ما المادة تصعب عليك وتجااهد وتخليك وراها ربنا لازم هيكرمك يها واوى كمان
ان شاء الله
بالتوفيق ان شاء الله

ميرسى جدا والف شكر على النصائح دى كلها
بس معلش سؤال

انا معايا كتاب نتاهد الشرقوى لازم اجيبة ولا افك

بس بجد انا داخل الكلية دى وطموحى عالى وعايز ابقى حاجة ومش عايز ايئس

فممكن تقوليلى كل دكتور اية تظامة بالظبط يعنى احضرله ولا هو هينزل شيت اخر السنة ولا هو حكايتة اية معلش بلييييييييييييييييييييييييييييييييز