>>>{ضع سؤالــك هنــــــــــــــا}<<<

[الشموس]

المشاركة الأصلية كتبت بواسطة الاستاذ / ياسر الشرقاوى

اهلا بك مرة تانية
يبدو انك مصمم تعرف الاسباب
اوكى
فى البداية لازم تعرف ان كتاب المدرسة مش غلط لانى ذى ما قلتلتك فى ردى السابق انة فى حالات واشياء اخرى فى النفى انت كطالب فى تانية ثانوى غير مطالب بمعرفتها لانى حتى خريج الجامعة الجديد وهوتخصص لغة فرنسية مش بيعرفها ولا تأتى هذة المعلومات الا بالبحث عنها
فأنا نصحتك انك لا تشغل نفسك بمثل هذة الاشياء التى لن تعود عليك بالنفع وانما يحتاجها المدرسين وليس الطلبة
وكمان انا مدرس وعمرى ما بحب ادخل طلبة بتوعى فى مثل هذة المتاهات لسبب بسيط انها لو كانت جزأية مهمة فى المنهج كان موجهين المادة نبهو ا عليها او حتى كتاب المدرسة لو انت واخد بالك لو فية ملحوظة مهمة بيعملك عليها مربع ويقولك انتبة او حتى بيذكر تمارين على هذة النقطة او حتى كنت هتلاقى الكلام دة فى كتاب خارجى
وعلى العموم طالما انت عاوز تعرف اتفضل دية هدية منى لك ولكل مهتم باللغة الفرنسية
دا عبارة عن صفحة من كتاب قواعد باللغة الفرنسية هيوضحلك امتى لا نقوم بتحويل ادوات النكرةوالتجزأة وانا صورتلك بس النقطة التى تهمك فى المرفقات

واما بخصوص اداة النفى
jamais فلابد ان تعرف انها ايضا اذا جاء معها اداة نكرة او تجزأة تحول الى de
باستثناء الحالات الموجودة فى الملفات المرفقة وهى اذا وجدنا تعارض بين جملتين احدهما منفية والاخرى مثبتة
لا نقوم هنا ابدا بتحويل ادوات النكرة وا التجزأة الى de
مثال على ذلك
je ne veux pas des chaussures mais des chaussettes
لاحظ معى
هناك تعارض او تضاد بين المعنى فى الجملتين يعنى هو لا يريد احذية ولكن يريد شرابات ( جوارب )
طبعا يا سندباد انا فاهم وعارف ان الكلام دة صعب عليك جدا ولكن انا بقوله خدمة لكل من يريد التعلم

لاحظ هذة الحالة عامة فى النفى يعنى مع ne pas وغيرها علشان دا تعتبر اجابة سؤالك بتاع jamais
وكمان لاحظ الجملة محل الخلاف الى بتقول علية حصل بين المدرسين عندك فى المدرسة والدرس
هى الجملة كانت هكذا
il ne faut pas mettre un desinfectant sur la partie brulee
طبعا السؤال هو هنا ليش محولش اداة النكرة الى de كما تقول الكتب الخارجية وكمان المدرسين
السبب هو كالاتى
فى البداية لو رجعنا لكتاب المدرسة هنلاقية كان عامل جدول وكاتب فى خانة
ما يجب فعلة ...........................
والخانة الاخرى ما لايجب فعلة
يعنى بتركيز بسيط هنا فى تعارض وتضاد بين الخانتين افعل كذا ولا تفعل كذا يعنهى لو الجملة الاول كانت هكذا
il faut mettre un pansement gras mais il ne faut pas mettre un desinfectant

طبعا فى تضاد بين الجملتين هنا لذلك لا نحول ادوات النكرة ابدا هنا

مثال اوضح من هذا كمان مرة
je n 'ai pas un cours de grammaire mais un cours d'histoire
طبعا لو ركزنا هنا مرة تانية هنجد ايضا تعارض وتضاد بين الجملتين اذا لن نحول اداة النكرة الى de

ملحوظة هامة
عدم تحويل اداوات النكرة والتجزأة الى de يتم فى 3 حالات كما سترون فى الملفات المرفقة
وانا اكتفيت هنا باحدى الحالات والتى هى محل سؤال الطالب سندباد
واخيرا ارجو من كل من يقرأ ويستفاد من هذا الموضوع
ارجو ان لا تحرمونى من دعواتكم الطيبة
مع خالص امنياتى للجميع بدوام التوفيق

اللهم بارك لك فى علمك و زادك الله علما على علم

و الله شرح رائع جدا و لو ممكن تقولى الكتاب الى مع حضرتك او اى كتاب قواعد يكون شامل اكون شاكرة جدا

و على العموم انا بشكر حضرتك جدا على مجهودك الرائع

[الاستاذ / ياسر الشرقاوى]

المشاركة الأصلية كتبت بواسطة الشموس

اللهم بارك لك فى علمك و زادك الله علما على علم

و الله شرح رائع جدا و لو ممكن تقولى الكتاب الى مع حضرتك او اى كتاب قواعد يكون شامل اكون شاكرة جدا

و على العموم انا بشكر حضرتك جدا على مجهودك الرائع

اهلا بكى اختى العزيزة
بجد ميرسى لك على كلماتك الجميلة
واتمنى اكون بجد عند حسن ظنكم بى دائما