«-.¸¸,.-~*دروس دورة فن الطهي مع الأخت أحلام مفقودة *~-.,¸¸.-»

[أحلام مفقودة]

إزيكم أحلى بنات في الدنيا


النهاردة إن شاء الله هتبدأ دورتنا الجميلة بـدرس طلب مني وكان بداية طبخي في البيت


يارب إن شاء الله يعجبكم ويكون سهل عليكم ويارب يعجبكم


النهارده عندنا طبخه سهله خالص وجميله كمان


النهارده عندنا


طبق رز حلو كده معاه صنيه بطاطس زي العسل وكمان


حاجه كده جمبها فراخ بانيه وطبق سلطه علشان تكون الاكله بتاعتنا متكامله غذائيا


طبعا هتقولولي ايه ده يا أحلام انتي داخله جامد كده ليه


انا والله مش داخله جامد ولا حاجه


هو ده اصلا اللي بيكون في الطبخ و الاكل على الغذاء


طيب نبطل بقي كلام ونشتغل في المفيد


ونسيت اقول لكم


وانتم واقفين في المطبخ طبعا ماتنسيش تذكري ربنا بالتسبيح والتحميد والاستغفار والتكبير علشان الاكل يطلع سليم 100%

اول حاجه هنبدأ بــ


طريقه عمل الارز





2كوب أرز


1ملعقه ملح


2كوب ماء او حسب مايحتاج


شويه زيت






اول حاجه نجيب قدر(حله) وبعدين نحطها على النار ونحط فيها


شويه زيت ونكون غسلنا الارز كويس وبعدين نحط الارز على


الزيت بعد ما الزيت يحمى شويه(مش يتحرق)وبعدين نقلب الرز في


الزيت وبعدين نحط ملعقه الملح ونقلبها في الارز وبعدين نحط الماء


ونقلب الرز لغايه لما يتساوى ويكون الماء مغطي الرز ماشي


بعد كده نغطي على الرز(ومش ننساه)ونعلي النار عليه لغايه لما الميه


تغلي نوطي النار عليه(نخفف النار شويه يعني) وبعد كده لما


الارز يتشرب الماء نشعر عليه(يعني نخفف النار خالص مش نطفيها )


ونسيبه عشر دقائق كده على النار او أقل يكمل سويه وبعدين نقفل عليه


كده الحمد لله خلصنا من الارز

ودي صورته بعد ماخلص ياحلوين








دلوقتي نيجي بقي للطبق الثاني


الفراخ البانيه


طبعا في مصر ممكن تجيبي الصدور مخليه جاهزه من المحلات


طبعا هتجيبي الصدور دي وتعملي على قد الطبخه بتاعتك واحنا هنعمل المقادير على قدر صدرين


طبعا هتتغسل كويس جدا وبعدين نحضر ليها التتبيله بتاعتها واللي هتكون عباره عن





4/1كوب زيت


4/1 كوب خل


وملح وفلفل اسود


2فص ثوم مطحونين


1فلفل خضراء


بقسماط


دقيق


بيضه


وللناس اللي بتحب الشطه ممكن تحط شويه(حسب الرغبه)





طبعا ده كله يقلب في بعضه وبعدين نجيب الصدور ونخليها كويس


ودي صورها إزاي تخليها




















وبعدين نحطها في التتبيله اقل وقت لعملها انك تعمليها قبلها بـ6ساعات وكل لما هتطول هتكون أحلى وألذ(يم يم)


وبعد ما تتبل نحطها اول حاجه في الدقيق





وبعدين في البيض





وبعدين في البقسماط





وبعد كده نحمرها في الزيت ونقعد نقلبها علطول


ونطلعها في اللون ده





وان شاء الله تكون عجبتكم





ولنا بقيه في طبخه اليوم


فاصل ونواصل أخواتي الأحباء


فا إقضي وقتك هذا في الاستغفار والتسبيح والتحميد


الى أن أضع الباقي من درسنا