اقتباس:
المشاركة الأصلية كتبت بواسطة شرين محمد سيف
يا جماعة انتوا فاهمين كل حااااااااااااااااااااااااااااجة غلط خالص
انا لو ينفع انتخب ؟ انتخب الرئيس /محمد حسني مبارك
لان الرئيس هو الجدير بالسياسة 100% و الاحوال الاقتصادية للبلد من الممكن ان تحل بسهولة لكن السياسة لا تحل بسهولة
لان البلاد الان و الدول العربية متحدين و منحازين لايران و ستقع حرب عالمية و الاجدر بالرئاسة هو الرئيس /محمد حسني مبارك
لان الدول العربية تريدنا ان نحارب اسرائيل و نكمل الطريق لكن مبارك يعلم انها ستتركنا في وسط الطريق
و خطة الرئيس مبارك هي انه يحارب مع الدول العربية و لكن هم لا يحاربون معه
يا جماعة الدول العربية جميعها في خطر داهم في 2010 و مبارك حاضر 3 حروب يعني انه يعلم اذا وقعت حرب علي مصر سوف تنتهي الي الابد .
الرئيس مبارك هو الاجدر و ليس جمال مبارك و لا البرادعي
فالبرادعي رجل عالم لا دخل له بالسياسة . لكنه من الممكن ان يتعين وزيرا و هذا هو الحد الاقصي له.
|
فعلا معاكى حق مبارك هو الأصلح للرئاسه
عشان تزيد نسبة البطاله اكتر وتزيد جرائم القتل والأغتصاب اكتر واكتر
وجرائم السرقه والنصب وعشان البلد تتدهور سياسيا واقتصاديا واجتماعيا ودينيا اكتر وزاكتر واكتر
وعشان الراجل اللى معاه خمس ست عيال وبياخد 400 جنيه فى الشهر تلات ارباعهم بيروح فى الأقساط والديون ومصاريف المدارس اللى بقت زى الهم على القلب وفواتير الكهربا والميه والإيجار اللى لوحده بياخد تقريبا ربع المرتب واحوال التعليم اللى ماشيه من سئ لأسوء والناس اللى تحت خط الفقر والناس اللى بيموتوا من امراض الصدر والكبد بسبب الزرع اللى مليان كيماويات والناس المريضه اللى لاتملك انها تتعالج فى مستشفيات محترمه بيروحوا طبعا التأمين وبيشوفوا جميع أنواع الذل والمهانه ده غير انهم بيتعرضوا لسرقه الأدوية عن طريق الموظفين وبدل ما ياخدوا علاجهم اللى مكتوب ليهم بياخدوا بدائل وكله بيمشى
ورغيف العيش اللى بقى من أكبر المشاكل فى البلد
والشباب اللى مش عارف يتجوز عشان مفيش شقق لالا ده فيه شقق بس للى معاه لكن اللى معهوش ما يلزموش والمصيبه الكبرى إن الإعلام المصرى دايما يبين لنا ان كل شئ بخير وان الناس مش محتاجه والبلد بتسد حاجتها بره وجوه
ااه ما البلد مش فقيره ودى مصيبه اكبر عشان الناس بتموت من الجوع والبلد مش فقيره
وكله ده تفتكروا الواحد ممكن ينتخب حد تانى؟؟؟ لالالالالا طبعا والف لا
عارفين ليه؟؟ لان المواطن المصرى اتعود على حياة الذل والمهانه مش هاتفرق معاه مين يمسك ومين يمشى ماهو كده او كده هو ضايع
والبرادعى ده كمان لعبة أمريكا الجديده وأول حاجه قرر انه يعملها لما يمسك الحكم انه هايلغى الماده اللى بتقول ان الشريعه الإسلاميه هى رقم واحد فى الدستور ..... الله الله
يا جماعه احنا غصب عننا
لأن الدوله متبعه نظام (( جوّع تسد ))
عشان كده احنا هانفضل متبعين اللى بيأكلنا وهانرضى بأى شئ
أصل إحنا بنزرع المكرونه
عشان كده عمرنا ما هانحصد حاجه
عندى احساس انى هاتوقف بعد المشاركه دى وانا لسه راجعه امبارح
بس والله ده مايجيش ذره من اللى جوانا واللى بنعانيه ولا اللى قلته ده هو كل الظلم والفساد اللى واقع بل ده جزء لا يذكر منها
ربنا يحفظنا ويرحمنا برحمته
14-03-2010, 01:14 PM
العرض المتطور
