أبي بائع جرائد...!!

[Ahmed 3030]

" الشغل مش عيب " مقولة بنسمعها كتير اوي وكتير مننا بيرددها
لكن هل كل اللي بيرددوها مقتنعين بها بالفعل ؟
لا أظن ذلك !
دي ثقافة الشعب المصري اللي تربي عليها وهي أن هناك أعمال دنيا وأعمال عليا
وأعمال مقبولة وأعمال مرموقة
وبعدين تعالي نقيس الأمر علي الفتيات واللي دلوقتي شايفة عمل المرأة حق أصيل
لها
لو طلبنا من أي فتاة خريجة جامعة انها تشتغل شغالة في البيوت وطبعاً مصر فيها أزمة
كبيرة في الوظيفة دي , فهل ستوافق الفتاة ؟؟
بالطبع لا وألف ميلون لا " يعني مليار "
بلاش بقي نقول ان الوضع مختلف بين الشاب والفتاة .... احنا في عصر المساواة
زي ما الحريم بتدعي
لو طلبنا من الفتاة الجامعية انها تشتغل في أعمال البناء كما كان يحدث في الماضي
ولكن كانت الفتيات أميات , فهل ستقبل ؟
بردوا لأ .
لو بنت اتقدم ليها واحد بيبيع جرايد ومعاه مؤهل عالي , حتعمل معاه ايه ؟
أكيد حتديله بالحتة اللي فيها الحديدة " كعب الجزمة "
المسألة مسألة ثقافة ومفاهيم متأصلة في المصريين , وفي كثير من الأحيان يكون
الكلام شيء والواقع شيء أخر