|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
18-11-2010, 11:32 PM
|
||||
|
||||
السلام عليكم و رحمة الله و بركاته
اولا انا بحييك على طرح الموضوع المميز ده بصراحة انا مقراتش ردود الاعضاء قبلي و معرفش رايهم ايه من جهة الموضوع ده...بس انا متوقعة ان المعظم هيجيب العيب على المجتمع او على الغير من وجهة نظري اي شخص بيصنع نفسه بنفسه ...صحيح الناس بتتاثر ببعضها و اي يحد ممكن يتاثر باللي حوليه و اكيد بيتاثر بالمجتمع و ده الطبيعي بس الطموح و العزيمة بتولد المواهب و الاختراعات.... مثلا انت طالب اكيد مش محتاج حد يقوللك ذاكر عشان تذاكر.......طموحك و هدفك هو اللي هيخليك تذاكر(و ربنا يوفقك في تحقيق اهدافك  )بالنسبة للاوليمبيات اللي بتتكلم عنها .اعذرني مقدرش اتكلم عن البرمجة و السوفت وير (مليش فيهم  ) بس ممكن اكلمك عن اوليمبيات الكيمياء و الرياضة و الفيزياء انت بتسال احنا فين من دول....الصراحة احنا عندنا في مصر طلبة اذكياء و عباقرة جدا و مؤهلين كمان انهم يشاركوا في المسابقات دي بس يمكن مشكلة الوقت دي بتعمل ازمة.لان معظم او بمعنى اصح كل الطلبة الاذكياء و العباقرة الوقت عندهم مهم جدا (و ميحبوش ابدا وقتهم يضيع هدر......طب انت بتتكلم في اولومبيات ..ده احنا يوم ما كانوا بيتكلموا عندنا في الفيوم عن مسابقة اوائل الطلبة للثانوية العامة كانت مشكلة كبيرة.طيب هنذاكر ازاي,اكيد الوقت هيضيع مننا,لا لا لا احنا هننسحب من المسابقة دي..و في النهاية المسابقة اتلغت)بصراحة انا مش عارفة ايه السبب اللي جعل الوقت مشكلة اوي كدة و فعلا معرفش ليه الوقت مشكلة كبيرة بالنسبة لاغلب الطلبة بس انا فعلا الوقت بالنسبالي مهم جدا(و قليل جدا ) يمكن عشان المناهج بتاعتنا صعبة و كتيرة فتقريبا بتسيطر على وقتنا كله  (معلش انا برغي كتير اوي )خلاصة كلامي احنا في مصر عندنا مواهب كتير جدا و عباقرة اكتر  بس الوقت مشكلة بس تعرف..........في الاجازات فعلا الحاجات دي هتبقى مفيدة جدا بس في الدراسة فالوقت ازمة و على فكرة لو الوزارة عدلت في المنهج و بسطته بردو هيفضل الوقت ازمة كبيرة لان ده مجرد احساس عند الطلبة كلهم(احساس بالخوف من الوقت  )مش كل الطلبة طبعا اقصد كل الطلبة اللي يصلحوا فعلا انهم يتاهلوا للاوليمبيات دي و هي دي اجابتي على سؤالك بتاع احنا فين من دول....احنا موجودين بس منقدرش نبقى من دول عشان معندناش الجراة اللي تخلينا نغامر بوقتنا و لا انت عندك راي تاني؟؟؟؟؟؟؟ اما بلنسبة فان السبب في المجتمع و لا فينا فهو فينا احنا لان اي حد مؤهل فعلا للمشاركة يقدر يشارك لكن زي ما قولت .الجراة مش موجودة عند الكل...او تعرف يمكن يكون السبب ان احنا بنحس اننا مش مؤهلين لتمثيل بلدنا في الوليمبيات دي اقصد يعني معندناش الكفاءة او القدرة اللي تخلينا نشارك فيها بس ده بيبقى مجرد احساس بس يعني فعلا في طلبة كتير مؤهلين للاشتراك فيها .....ايا كان السبب فهو فينا احنا مش في المجتمع اضافة اخيرة :انا قولت قبل كدة ان عندنا في مصر فعلا عباقرة كتير و اذكياء و مؤهلين فعلا انهم يشتركوا في الاولمبيات دي بس اغلبية الطلبة دول او كلهم يدوب بيبقوا عايزين يحققوا احلامهم و السلام ....... يعني بالنسبالهم التعليم مرحلة و تعدي او سكة هنوصل بيها للكلية اللي عايزينها و خلاص,مبيهتموش بقى بالمسابقات و الكلام ده..او بمعنى اصح مفيش روح المنافسة اللي تخليهم يمثلوا بلدهم ضد بلاد تانية يعني بيكتفوا بالمنافسة اللي في الفصل او المدرسة او الجمهورية بالنسبة لاوائل الجمهورية(ان كان فعلا في منافسة بين اوائل الجمهورية )(عندي كلام كتير لو قعدت اقوله من هنا للصبح مش هيخلص مش عارفة ليه حاسة ان انا بلف في متاهات و ان انتو مش فاهمين حاجة من كلامي.........خلاص هامشي بقى و امري لله بس اتمنى يكون رايي وصلك.او بمعنى اصح اتمنى تكون فهمت حاجة من كلامي )ارجو ان تتقبل مروري 
|
|
#2
19-11-2010, 12:01 AM
|
|||||||||||||
|
|||||||||||||
|
اقتباس:
و عليكم السلام و رحمة الله و بركاته اقتباس:
اقتباس:
اقتباس:
"اكيد طبعاً و ربنا يوفقنا كلنا" اقتباس:
"مثال للمهزلة التعليمية " اقتباس:
السبب واضح زي الشمس الدروس يا اختي الدروس هي اللي بتاكل الوقت زي النار اللي بتاكل الخشب و فاكرينها في مصلحتنا مش فاهم ليه انا باخد دورس للامانة لكن اغلبها غصب عني يعني غصب و اقتدار و الدروس دي بالذات اللي مخليانا منفكرش نطلع برة الصندوق الاسود اللي وضعنا عقلنا فيه ربنا يقدرنا اننا نفهم الناس كده اقتباس:
انا اللي اعتذر اني بختصر كتير في كلامي لاني لو فردت في الكلام هاتدعي عليا اقتباس:
احساس الخوف نابع من كتير النظري و طبعاً لما احفظ حاجة لو حسيت بمجرد شك في نفسي لازم اراجع و لو اتكوموا عليا بالمواد المنيلة اللي بناخدها لازم هاحس بالخوف لكن خوف ضعيف سهل يتحل لكن البعض بيتخنوا دماغهم و يهربوا منه ساعتها بتبقي خربت و ضربت المسابقات بتتعمل في الدراسة لان الدولي بتاعها بيكون في الاجازة يعني دلوقت اخنا بنعمل تصفيات علي مستوي مصر لان النهائيات في الاجازة تفتكري انتي ممكن تسافري امريكا في وسط الدراسة؟؟ لازم برضه نراعي ان كل شيء و ليه اوانه ولا ايه؟؟ اقتباس:
طيب الاجابة دي اسوأ من الصمت انا عندي طالب جبان شوية و يكون عندي عامل جبان و منه اب جبان و منه شيخ جبان محبط شوفي فكر الجبان ده يدمر كام جيل؟؟ المغامرة جرأة و الجرأة تطور و التطور ايجاب و افادة كده عمرنا ما هانفكر و نتطور و هانفضل طول عمرنا خايفين نغامر انا رأيي التاني اني لازم افكر مهماً كلفني و لازم اوصل لغاية وجودي و هي اعمار الكون و الا اكون مستحقتش الهدية اللي ربنا وهبهاني اللي هي الحياة و العقل ربنا يقدرنا جميعاً علي تحقيق الغاية دي اقتباس:
و الحل يبدأ مننا احنا مش من المجتمع لازم نجرب و نعرف و نطلع ازاي اشوف حاجة شغالة قدامي من غير ما اعرف اشتغلت ازاي؟؟ تفتكر لو حد قالك علي حاجة مش شغلك و ملكش دعوة بيها و تسكت علي كده؟؟ لو جاوبنا علي السؤال بصراحة هانبقي خدنا خطوة ايجابية في الحل اقتباس:
ايه الحكمة في التنافس في حفظ كلمة و نطقها؟؟ حد يفهمني!! اقتباس:
ياريت كلامك يتقال لان كلامك هايعبر عن كتير من اللي في سنك و اكيد هانوصل لحاجة و انا فاضي للصبح لكن مش عارف مستعجلة ليه تمشي من الموضوع يعني كنتي كملتي كلامك و مشيتي رأيك وصل و احييك عليه اقتباس:
ارجو انك تتقبلي تعليقي علي مرورك
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة
|
|
#3
19-11-2010, 04:41 AM
|
||||||||
|
||||||||
|
اقتباس:
 بس المشكلة ان كل الطلبة عارفين ان الدروس تضييع للوقت مش عارفة بقى ايه اللي بيرمينا عليها  اقتباس:
يبقى انت كدة هتستغنى عن سنة من عمرك............(و هو العمر في كم سنة)هو ده الرد اللي هتسمعه على فكرة المشكلة مش في انك تسافر و يكون عندك شجاعة انك تشارك في اولومبيات ...المشكلة ان كل الطلبة متمسكين بالمنهج ميقدروش يبصوا في منهج تاني و لو عرضت على اي حد انه فعلا يسافر هيقوللك(احنا في ثانوية عامة يابا) اقتباس:
انت ممكن تقبل؟؟؟؟؟؟؟؟؟ على فكرة السفر و الاوليمبيات مش هي الطريقة الوحيدة اللي تقدر تفيد بيها نفسك و مش هي الطريقة الوحيدة اللي هتخليك تخرج من العلبة(علبة المنهج اللي انت بتقول عليها) اقتباس:
اصعب حاجة انك تبقى عايز حاجة مش قادر تعملها انا نفسي اطلع و اطلع برة المنهج بتاعي بس للاسف مش قادرة(ما انا قولتلك قبل كدة......الوقت ضيق قوي)و متقنعنيش ان انت تقدر تطلع برة المنهج او تغامر في الظروف دي  اقتباس:
ده اللي مفروض يحصل بس انت تقدر تعمل كدة؟؟ممكن اعرف ازاي طالب في ثانوية عامة(و انت طبعا عارف المناهج عاملة ايه و حجمها عامل ايه)يقدر فعلا يفكر في حاجة و يسيب مستقبله على فكرة انا مش ضد كلامك بس اقنعني ازاي تقدر تعمل كدة من غير ماتضيع مستقبلك و تبقى فعلا نجحت في تحقيق اول خطوة........المشكلة ان الفكرة موجودة بس للي يصدقها و يعرف يطبقها  اقتباس:
 اقتباس:
اقتباس:
|
|
#4
19-11-2010, 11:56 PM
|
||||||||
|
||||||||
|
اقتباس:
لا مش مبالغة بس دي ازمة ثقة سواء في الاولاد او اولياء الامور انا عن نفسي معرفش تتحل ازاي ولا هاتتحل امتي ربنا يهدينا كلنا اقتباس:
ماهي الاوليمبياد معمولة في الدراسة علشان النهائيات في الاجازة في الدراسة بتكون في مصر لكن مستحيل تكون النهائيات في الدراسة علي فكرة كل المسابقات اللي كتبتها بتكون في الدراسة و نهائياتها العالمية في الاجازة بس و بتكون قشطة بلوز!! اقتباس:
بس دي طريقة و طريقة فعالة في كتير من الاحيان اقتباس:
و دلوقت ظهر اثر كده اني بقيت مثال للطالب المثقف وسط زمايلي و انا حالياً في نظامي في اليوم اني بخلص مذاكرتي في كل يوم لغاية عشرة او حداشر و بعد كده بخرج برة العلبة براحتي سواء فيزياء او كمبيوتر..... عقبال الجميع يارب اقتباس:
و نجحت كطالب ثانوية عامة اني اجمع بين الاتنين درجاتي في الامتحانات مبشرة كطالب ثانوي و في نفس الوقت بطلع افكار جديدة و بقدر اقري و اتزود بالعلم في المجالات اللي بحبها و مستقبلي مضعش ولا حاجة بس المهم تنظيم الوقت لانه هو السبيل لكده و وضع العلم في خططي يعني مثلاً اخلي عندي ساعة او اكتر كل يوم بعد المذاكرة في القراية في الاول اقري عن حاجات عندي في المنهج بتوسع علشان اقدر استفاد بعد كده الامور هاتجر بعضها و هاتوسع اكتر يعني اقتباس:
مش هايكون من الجميل اني احس اني بدرس علم حقيقي غيري بيدرسه هو هو في الجامعات ؟؟ احس اني بدرس علم علماء كبار تناقشوا فيه و يا سلام انا اقدر اناقش حد فيه ابقي وصلت لاشباع غريزة حب الستطلاع مش اقرالي كلمتين ارجعهم علي الورقة بتاعت الامتحان و اتفهم من دماغي بعد كده... اقتباس:
نظمي وقتك هاتعرفي تعملي كل اللي عايزاه و اطلبي مساعدة من القوات العليا (الاهل يعني )و ربنا هينولك مرادك إن شاء اقتباس:
تقبلته و بكل فرح
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 06:37 AM.
