هما احسن مني؟؟

[Mostafa Walid]

المشاركة الأصلية كتبت بواسطة THE CodeR

اولاً اشكرك علي مشاركتك في الموضوع ده
ثانياً انا رأيي الشخصي في الوزير ان اللي بيعمله صح و مية مية
لكن احنا مش مقتنعين بكده لاننا رافضين اننا نكون صح
الراجل شايف ان المدرسة اهم من اي شيء في التعليم
و ان المدرسة لو ازداد الاهتمام بيها هتبقي احسن من الدروس ميت مرة
و ده فعلاً صح و انا مقتنع بيه جداً
لكن الموضوع مش هايجي من يوم و ليلة
لسه شوية عقبال مانحس باللي عمله الوزير
ثالثاً: احنا مش جيل فاشل
احنا جيل متميز
و لو سمعت عن الولد المصري اللي في اولي ثانوي اللي عمل اربعين اختراع يخليك تقول احنا افضل جيل عدي علي مصر
لكن يمكن ظروف حياتك محسساك انك فاشل
لو عايز تعرف انتا فاشل ولا لا
قارن نفسك مع حد تاني
واحد زميلي حكالي علي مدرس قريبه كان شغال في السعودية
رجعوه مترحل علي مصر لانه طحن عيل هناك
لانه مستحملش نوبة غباوة من عنده
و كتير قالوا ان الذكي في فصل في دولة عربية بيكون في الغالب مصري
يبقي لسه انتا فاشل؟؟
مستحيل تكون فاشل
و نعرف ان بلدنا محورين
شعب و حكومة
لو الشعب عمل اللي عليه مية مية هنعيش افضل
و لو الحكومة عملت اللي عليه مية مية هانعيش برضه افضل
لكن لو واحد فيهم تقاعس بتكون الازمة
دلوقت احنا دورنا اننا نعمل دورنا مية مية
و هو انك تفكر و تشغل دماغك و تدور علي الفايدة لبلدك
بإذن الله نكون احسن

تفتكر في الـ3 سنين دول عملت ايه؟؟
تقريباً و الحمد لله اتعلمت حاجات كتير جداً جداً في الكمبيوتر
و بإذن الله مشارك في 3 مسابقات من اللي قلت عليهم دول
انتا في سنة واحدة ممكن تدخل مسابقة من دول
يعني ممكن تعمل كتير اوي في سنة واحدة قراءة
انا هحاول اني اقدملكم الافادة اللي اقدر عليها
بس لما احس ان الجروب بتاعكوا ده علي استعداد انه يتقبل الافادة دي مش افضل اكلم نفسي
بتقولوا نكت؟؟؟
انا مش فاكر امتي اخر مرة قلت نكتة اساساً
دي بتقل من قيمة صاحبها
و عمري ما افكر اعملها بإذن الله
ارجو اني مكنش طولت عليك و تقبل ردي الطويل

والله انا مع الوزير فى كل حاجة عملها وحاسس ان الراجل ده حيعمل حاجة بس الحاجة اللى حيعملها زى ما انت قلت عايزة مده مش حتيجى كده على طول وعلى فكره فى ايوه الولد ده عندنا كان فى ولد فى مدرسه العباسيه فى اسكندريه بسم الله ما شاء الله بجد ليه اخترعات كتير باسمه وبجد حاجة تشرف لينا والواحد لما يشوف شخصيه زى ديه بجد بيتحمس ونفسوا يعمل حاجة يساعد بيها بس مش عارف يبدا منين فهمنى يا احمد يعنى انا حطيت الموضوع فى جروب تانى معمول فى قسم الكيمياء ودخل منه عبد الرحمن وانطونيس واكيد ناس تانيه ممكن تدخل يبقى اكيد اللى شركوا هنا عايزينا يعملوا حاجة مدخلوش وخلاص دول ناس عايزه تعمل حاجة فى حياتها ونفسها تغير بس الفكره نبدا منين اكيد بردوا فى ناس بدات هنا وناس بجد ما شاء الله عليهم بالنسبه للجروب التانى احنا فى الجروب مهتمين بالثانويه العامه شويه علشان كده بنسال فيه بعض اسئلة فى الثانويه العامه لو انت بقى يا احمد عايز تعمل جروب اكيد حتلاقى ناس كتير جدا حتدخل معاك ولو عايز تبدا ابدا من هنا وبما انك قلت انك تقدر تقدم افاده اقدم يا عم وقول نعمل ايه وانا متاكده ان فى ناس حتتقبل ده فى الموضوع هنا واكيد حتقبل ردك الطويل انا بردوا اقدر متقبلهوش بس المهم انك تكون متقبل فكرتى وتقدر تسعدنا