ما كل هذا الغباء !!!

[نقاء الروح]

المشاركة الأصلية كتبت بواسطة misty angel

اوكي تعالي نفكر
في مصلحة مين ان حبة ناس يعملوا مظاهرات تأييدا للرئيس؟
في مصلحة مين انهم يوضحوا او بعني اصح يوهموا الناس ان في ناس بتحب الرئيس؟
لو كنتي شوفتي القنوات المصريه في الوقت اللي هجموا فيه مؤييدين الرئيس علي ميدان التحرير
اعتقد انك كنتي هتنهاري من الضحك لولا المأساه
كانوا جايبين صور لكفر الشيخ والمهندسين وميدان التحرير من يعيد مليانين ناس
وواحد ساذج كان بيقول تعليقا علي المظاهرات المؤيده للرئيس:شكرا ليك يا ريس خليت الشعب كله واقف جنب بعضه!!!!
وبعدين ممكن يكونوا بيلعبوا اللعبة دي
عشان الرئيس يطلع تاني ويقول :خلاص يا جماعه متتخانقوش انا هرشح نفسي تاني..وهرشح ابني
اصلا من امتي وحسني مبارك بينفذ كلامه
والدليل الاكبر علي خيانه رجال الامن ورجال الشرطه
اولا رجال الامن ضربوا وقتلوا ورشوا بالمايه الناس المتظاهرين
مع ان ده حقهم
اما رجال الشرطه:كانوا فين هما ؟؟؟؟
ليه انسحبوا كلهم مره واحده لما احتجنالهم
ليه؟
اكيد ده مخطط دنئ علشان يقولوا ان المتظاهرين هما السبب

انتي دخلتي اكتر من نقطة فبعض ..
لكن يهمني نقطة وحدة ال هي اول سطرين

تعالي نقول كدا مع بعض
لو الريس هو فعلا ال مطلعهم
ليه مش طلعوا من الاول ؟؟
ماهو كان بدل البهدلة و التنازلات كانوا طلعوا وكانوا هما اكتر
والموضوع خلص من الاول ..

لكن تعالي نفكر بئا .. مين مصلحته انه يهيج الدنيا
بعد ماخلاص شوية وتهدى بعد خطاب الريس ومعظم الناس تعاطفت معاه ؟؟
يعني هو هيجي ويخرب كل ده بالعقل كدا ؟؟

يعني الامر فيه حاجة غير معروفة وغير واضحة

فبلاش نطلق احكام لا يمكن الجزم بيها
وبدل ما نقطع فبعض نفكر مين ال دخل فالنص كدا !